¹ kuchulia kitono ke kutumikia batakatifu, ntako besanga nkubaandikia biinu ² nkusiba mitima na mafikiri mukwikitia binu sine ko makedonia, buno akaya obesangile tayari tangu mwaka ochule na kuisifu le gesine lo lule na biingi. ³ nasinga nduku, ata kuisedja takitile kubiinu itelikile buabu muinge kitono, na mube tayari mumona nalengenile ⁴ ntakuanya ambe bamakedonia kwena naano, na biimusanga mutani tayari na kilo kulengena biinu, toseangene muino misako le tumaini ⁵ nibuumo nabekanyile kubikia nduku bidje mbele kobo, na kukita ikisio mulengenile mbele ibe tayari nimo ibe buli ikisio tani kepea ke kuningo na buuka ⁶ nimo nalengena kikino kitono, mubale opanda to mbombo oka sea to mbombo, na ubale oka panda nyingi oka sea biingi ⁷ kila mia uninge umo motema one umubua, kilo kubililo na otete, mosoo Mungunga okuanya mia uningana na ndonga ndonga ⁸ Na Mungunga opashwa kumusuicha matata abii, misako eongo ⁹ Nimo eandiko, oamatana oninga bakosefu, sheria leni lelika milele ¹⁰ Na ge uninga mukumi o kisamu tuuma, mukate bulikula, mukaninge naku sambikia otata abii biguma, na kusambikia biguma be haki ¹¹ mukaba baumi mubepea bemendi, kosea kuitu taningo mujolelo ko Mungunga ko nkaji situ. ¹² Mosoo kukasia ko butumishi ilina baraka nyiingi mbele le Mungunga ¹³ ambe kukasia tulinabo ilina heshima mbele le Mungunga na mukooma moongo, na misako eongo kobea bamendi ¹⁴ Nimo bosine bikite malombi mosoo babuanya moketono ke neema le Mungunga obakitile. ¹⁵ Neema ibe na Mungunga otu kitile boongo tutakusiba umo tu busuicha