¹ kuchulia bumo tabulengena, banduku banim tube boongo kumubii na kumutema, na kumanyia utakaso kokukwa boba Mungunga ² Mutuninge ifasi kumutima inu! tutakitule miakinono, na tutani na otete na mia, tuta tumile kipea ³ tani kuba ukumu nikubalengea mosoo neke nalengena mulindani e motema itu kuba na kukwa ⁴ nili natumaini na biinu, nilina kepea ke kuapamia mu biina, nalisidje na ndonga ndonga nalonganino katikati ubita be kelongo ⁵ mosoo, tangu takiidje kuma kedonia, mubiitu otasele kutika tabesangile mu otete, bita abutala, na booba ⁶ Lakini Mungunga, okulisi dje bia babililo, otu usidje kulokotito Tani mukulo noni, lakini mokolonganino mo tito ge sine osimile mubiinu, otu kanyale mumabekanyo sinu, bisoli inu, kolonganino kuinu, mosoo kolonganino koni kobesangile njili ⁸ Ata bumo mubililo mu baluba eni, ntani na samee, na ata bumo ntani na samee, mosoo mubililo na inge baluba mu matu a mbombo ⁹ Nalonganino mwino saa tani buumo mobesangile mubililo, lakini mukunililo mukidji kutoba. mosoo mobesangile mukubililo ko Mungunga mutu patile ata musaada ¹⁰ mosoo, kubililo kuchilia Mungunga kolo na masemee na zokovu ku bime utukitile lakini kubililo ko chungu kolo na kukwa ¹¹ Sea, kubililo kuchulia Mungunga, elule na ku sakasaka sina mu biinu na kuisedja ku haki, nubililo sina, na booba sina na pusa sina na kuukasina, na kusuicha sina, mosedjile kubamendi mutani na makosa muinge kitono ¹² Ambe nabuandikia tani muketono ke ubale omudodjue, na tani le ubale okilisidja, mosoo le misako inu kubitu ese le Mungunga ¹³ nibuumo tuli na boolu na kuchulia inge boolu nabesangile talonganino na Tito ni motema oni olika boolu moketono kinu ¹⁴ ambe mbele eni nalonganino mu biinu, nta pele ata ketono, na umo talengenile bili kweli, talonganine mbele le Tito, obesangile ukweli ¹⁵ Osea kubiinu upendo; na olina mabekanyo le nusiba buuma mumusekele na booba na ninganinga. ¹⁶ Nalonganino na bepea bemendi nilinabo kubiinu