¹ Ni buumo tulina bubuno butumishi, kuchulia rehema, kilo kutama ² Tasoma kolengana komendi ko ngene kobisama, tuta kutamwa ko belengo, tani kusamika kolengana ko Mungunga na mata; lakini kokusedja betono be ukweli, tajisedja buli tulina haki kuchulia zamiri le bea mbele le Mungunga ³ Ambe mokoonu moongo itu ubisama, ebisama kobea belimana ⁴ ndani sebo Mungunga o chungu olimenya mafikiri sebo bitani ba amini, bubano nuru le Mukoono moongo, le utukufu le kristo, uli chaso le Mungunga ⁵ Mosoo tatunakita mahubiri kubutu sine, lakini yesu kristo mokota, na bitu sine tuli batumwabinu moketono ke yesu. ⁶ Mosoo ni Mungunga ni ubule ngenine: nuru ika tubuke kutuka mukini, ni ge nkaisedje ku mitima situ; utuninge nuru naelimu le utukufu ko Mungunga kuchulia chaso le yesu kristo. ⁷ Lakini ta saka kamona mu masaani ekitilona muti, na bamuu bokuchua, buuka bo Mungunga, tani mubiitu sine. ⁸ Taminana komendi, lakini tuta fungwi, tasea kumashaka, lakini tutaluko, ⁹ tachua kumateso lakini tutalike bitu sine, betute andji, lakini tuta minana, ¹⁰ Kila butu bekutudja ko yesu, na buzima bo yesu, bosedje mumubii itu ¹¹ Mosoo bitu tuli bazima, kila butu taningano kukukwa moketono ke yesu, ata buumo buzima bo yesu bosekane ku mibii situ, se kukwa. ¹² Ni buumo, ketambu kekita nkazi ndani situ, lakini buzima ndani sinu ¹³ Mosoo buumo tuli na mutima o imani, buumo boandiko, naamini nimo nalengenile, bitu bamendi taamini, nimo tabolengena ¹⁴ Taseba ge ofufule mokota yeso, okatufufule na biitu ko yeso, na kutusimecha na biinu mbele seni ¹⁵ Mosoo kolengena komendi kuli kuini, na neema lilino e ongezeka mubia biingi ibe biingi ko utukufu le Mungunga ¹⁶ Mosoo tutatamile, lakini kutani mia kubitu o kubutale oboa, lakini mia witu o ndani okito o ndoto kila butu. ¹⁷ Mosoo mateso mitu ekanyisa, itukita ntukufu le milele echua nyingi ¹⁸ Mosoo tutakosea be pea beku sekana, lakini bitasekane, mosoo, bepea besekana bili bemuda, lakini bitasekane bili be milele.