¹ Oh ambe ulinalina koni kukwa ko mute, nilindile ² mosoo nilina nyume mubiinu nyume le Monkonga nasongile ko ubume mwima, na kuisedja ko kristo buli omukali utama siba obuume ³ Nibuumo ambe ndjaka ulule na mata ko Eva, nilina booba na mabekanyo sebe itani le kuanya kristo. ⁴ Ambe kulimia ulo kuku buo ombe kristo tababuanga, ambe ulina embe motema osele ambe ombe mukoonu moongo osele, kuikokomenya boongo ⁵ nkusiba ntani melina bakuu ⁶ ambe ntakusiba ke kuitu, tani le ukosefu le mafikiri, na tqbu sedjile mubiinu bamendi na mu bea bemendi. ⁷ Nikubua, nakitile bubi, na dja anje kuba biinu mudje kuijuu, na mubua mukoona moonho a Monkonga buabua ⁸ Na chichilie mu ambe ma tunisa, na kutunuu ambe male le Monkonga, na umo na besangile nkudja kungo kuinu, kutani ata mia mwima aningile ⁹ mosoo, ndukusilu selule mu makedonia beta nsele, lakini kuchulia bime bemendi naikokomenya ano sine. ¹⁰ ukweli lili muuni le kristo, nakubua muinge ketono le kuisedja litatuki mu ubungu le akai ¹¹ Moketono ke nindi, mosoo ntakubuanya, Monkonga ge sine ukusiba! ¹² Nkaketa, na kanketa bumo, kokuchicha babua mudo be kukuiga babua, bidje kuisea mubepea bekusedja ¹³ bime bea bili batumishi ba mata, bea bamata, balule buli batumishi ba kristo ¹⁴ tanibe kuangama, mosoo setani ge sine ukite buli malaika o musenga ¹⁵ tanile kusibikana, bea ba Monkonga ba sekane buli bea be haki, na kulungia kobo kupasha muba na misako sebo. ¹⁶ Na bubua itu kutani mia umeta buli mukosefu, lakini mutume buli mukosefu, nimo nano nisedja bo bombo ¹⁷ buumo nabulengena, nakuba na matumaini le kusedja, ntakuibua buli mokota, lakini buli mia otani isawa ¹⁸ mosoo kuli bia biingi bekuisedja mu mubii, na ano buumo. ¹⁹ nimo mukulia bakosefu biinu bakuu ²⁰ ambe kuli mia ubabika ku butumwa, ambe kulia mia ubakasua na kubatuma, mia ulina kibuli lotete, mia ubakasua mu chaso mumulie ²¹ nilina ngene le kolengena, tamaa kusedja kutani na buuka, mimo buna kitamia na bolengena buli mukosefu, na ano na bukita. ²² Bili bayuda? naano? bili ba Israeli? na ano. bili baana ba habrahamu ? naano ²³ bili batumishi ba kristo, nkulengena buli mia utakuse ba kepea, nilibuumo, kuchulia nkazi, kuchulia kukama, kofungo, kuta kukwa ²⁴ matata isanom bayuda bakasule kinkunya na kuchicha muima, ²⁵ matata isatu nakasule nkoma, matata mwima naumilo, matata isato naitile muose, nakitile butu buima mu kini. ²⁶ ndani le kuena, nabesangile na kwa muose, nulinga kumwa na baadui, kulinga kukwa na chungu seni, kulinga kumwa na mapagani, na ubungu seni, kulunga kukwa ndani le mbukani, kulinga kukwa otete le ose, kulinga kukwa ndani le banduku babi ²⁷ Nabesengile ndani le nkazi mi, mbele le betono biingi, laaka, kosoma kula, ndani le Monkonga mbangu, kutani ose le kuno, na mutaka. ²⁸ na kuli kulengena bombe, nilina mabekanyo, lembe ma tunisa. ²⁹ anye utani na buuka, naano ntani na buukam anye okea anji, ntani na tubua? ³⁰ ambe kulikuisedja ndani le kutani na buuka ³¹ Monkonga, tita le mokota yeso kristo, olina baraka bokila busi, okusiba bue ntamina mata ³² ndani le Damasi, mukuu o chungu areta obesangile okunga mbungu bo ba damaskenia na kuntunua ³³ ontunule na kunchaba kati le idirisha na kuita ndani le kolimpepe le lukasi, na kumaa kuchaka muma boko sebo.