¹ Ka nyongo nde n'ndo asokeni lelenga nyongo kpe n'nde dha bheiki bekebike osaga ka kposokana. ² Ka nyongo nde aoba nande ka labande dha badyongi na Bamalaika bao mesia kakpe,na kisi bodjede na deketa atotokisi azabu a doni. ³ Basi besu belamande namnasina aoba na beke ambi wokovu bamgbomgbo namnande?Atuka bopheli a muna Mokonga,mbusa obelekea motesu na bundo dha bamooki; ⁴ Nadye Mokonga aobelekea na abo kimoti ka njilia,na gaba zawadi a memande n'nda na nkiki,bia bondo dakondi sasake. ⁵ Ka nyongo nde dha kabisi a Malaika Mokonga n'nde a biki,aunde belabika golake. ⁶ Kagea nkpa moti koma imoti atungami aoyonga nkpa nde eka ata ka gakaake?ao muna bakpa ka lelengake. ⁷ Ondidisi ka saa aboa kusi a Malaika ololisi mukiti a obebo ombisi gola ndjakako. ⁸ Umbisi kema bubui kusi etindiake.Ka nyongo nde kabisa kema kusiake,kasagi kema moti nde baka bisi kusiake.Ngaa bekenimbe to kema moti n'nde babisi kusiake. ⁹ Ngaa bemoni Yeso,dha bangii saa na boa kuusi a Bamalaika,ka nyongua tambaga a kukua,ba lobisi mokito a obebo na bokutu,kagea kongola a Mokonga a kengee kukua ka nyongua kila nkpa. ¹⁰ Ka gea abiki na baniki basii ba kidie n'obebo, atomemi kandje,ka nyonguake,na ka gbagake kema bubui aiki,digimisa Muame ba mgbomgbo a boami ndiabo kaphe a tambaga. ¹¹ Nkpa nde aokombi n'obe mbo baokombi benu bobu bonde bakpa moti, kanga soni, ¹² Netobeande inako ka bananji na nelembande bokutu. ¹³ Nebisa ande bekea ndeamo na baniki ndiamo bunde Mokonga damophi subia Yeso. ¹⁴ Ka gobea,baniki badatu magia na ngobo n'obe bonde otodadu;ao beekea akue kankpato abungisi aphe a Nketi; ¹⁵ Nukua bobu bunde dabatu ka buiki a kokobe,kabanga kukua. ¹⁶ Ngaa dakatondu katina a Bamalaika ngaa atondu n'ebokoti a Abulahamu. ¹⁷ Ka bondo atokeni kengeana na munamake ka nyongo bubui,abe muana bambombo na ngomi ka nyongua Mokonga. ¹⁸ Na kabende ba kengisi katombagake aenei tanbea bunde bao tombaga.