¹ Oku murhondero haliri omwazi, n'omwazi gwali haguma na Nyamuzinda, n'omwazi ali Nyamuzinda. ² Oku murhondero gwali haguma na Nyamuzinda. ³ Byoshi byalemagwa n'omwazi, na ntacho cha kolerwe buzirago. ⁴ Omumwazi mwaly'akalamo, n'akalamo kali bulangashane bw'egulu. ⁵ Obulangashane bukolez'omu mwizimya, n'omwizimya gurhabuyemeraga. ⁶ Hali omuntu warhumwagwa na Nyamuzinda, n'ezino lyage aliri Yohana. ⁷ Ayinja nka muntu w'okuhamya. Ayinja kuhamiriz'obulangashane, yi boshi bayemera enyanya zage. ⁸ Arhali ye bulangashane, aliko ayinjaga kuhamiriz'obulangashane. ⁹ Obo bulangashane bo bwali bokuli, kuderha mpu, eyakayinj'omwigulu, amolekere buli muntu. ¹⁰ Obo bulangashane bwali omw'igulu, n'egulu lya lemagwa nabo, aliko lirhabumenyaga. ¹¹ Ayinj'emwabali bage, aliko abalibage barhamuyankiriraga. ¹² Aliko bala boshi bamuyemerere, abahere obushobozi b'okuba bana ba Nyamuzinda, babola bayemer'ezino lyage! ¹³ Ababurhire arhali oku shagama changwa oku bulonza bw'omubiri, changw'obulonza b'omuntu, Aliko okubwa Nyamuzinda. ¹⁴ Omwazi gwajirwa mubiri, gwalam'ahagarhi kerhu, guyunjulirwe n'olukogo, n'okuli. Rhwabwen'obulangashane bwage, obulangashane nka bulangashane bw'omwana w'echinege kurheng'emwa Nyamuzinda. ¹⁵ Yohana amuhamiriz'aderha: y'ola naderhaga okwayinj'enyuma zani, antangire, bulala aliriho embere zani. ¹⁶ N'okugerer'obushinganyanya bwage, rhwayankirir'olukogo kurheng'olukogo; ¹⁷ bula erhegeko lyahabwagwa na Musa, alik'olukogo n'okuli byalerhwaga na Yesu Kristu. ¹⁸ Ntaye wa bwene Nyamuzinda, olekere omwana wage w'echinege, oli omukagarhi k'Eshe. N'omwana yiwarhumenyesag'Eshe. ¹⁹ N'obu bobuhamiriza bwa Yohana, amango w'abayahudi barhum'abadahwa n'abalawi e Yerusalemu kumubaza: Woyo wende? ²⁰ Ahamya okubinali, arhalahiraga, ababwira oku ye Kristu. ²¹ Nabo bamubaza: k'okuderha gurh'oko? Oli Eliya? Aderha: Ntali yewe. Oli mulebi? Abashubiza: Nanga. ²² Oku buzinda bamubwira: Ob'olindesi lero kuderh'okuyirhushubiza owarhurhumaga bwinja. Bichi wankaderha enyanya zawe wenyine? ²³ Aderha mpu nyono ndi mulenge guli gwayama omu mpingu: Mukwiz'enjira ya Nahano nk'oku Isaya w'omulebi aderhaga. ²⁴ Abarhumwaga bali Bafarisayo. ²⁵ Bashuba mubaza: Chirhumire wabatiza akab'orhali we Kristu, changwa Eliya, changwa mulebi? ²⁶ Yohana ababwira: Nyono, yinabatiza oku menji, aliko ahagarhi kenyu hali eyimurhayinji. Oyo, ayinjir'enyuma zani, ²⁷ kandi ntashinganene okushwekul'ebifundo by'ebirato byage. ²⁸ Ebi byageraga e Betania, embere we Yorodani, aha Yohana abatizaga. ²⁹ Esezi lyaho abona Yesu ayinja ahali, aderha: Lola omwana gw'entama yewakula echaha ch'egulu. ³⁰ K'okulala nababwiraga: Buzinda bwani hayinja omuntu wayinjaga embere zani, yi wanaliri embere zani. ³¹ Ntalimenyere, aliko buzinda achiyerekana omu Israeli, nayinjire kudubika omu menji. ³² Yohana ahana obuhamya: Nabwene muka muchesibwa ayandagala omuchalega nka nguuku, ya muyumangako. ³³ Ntali muyinji, s'aliko owantumaga kudubika omu menji, oyol'ambwirire: eyinji wabona Muka muchesibwa amumanukira n'okuyumanga, oyola yebatiza n'Omuka Ochere. ³⁴ Nabwene, obuhamya okwali mwana wa Nyamuzinda. ³⁵ Esezi waho Yohana alichiri aho, haguma n'abigirizwa babiri b'omu bigirizwa bage; ³⁶ abona Yesu kwagera aderha: Tala mwana w'embuzi wa Nyamuzinda. ³⁷ Ezo ntumw'ebiri z'ayunva zaderha emyazi, zakulikira Yesu. ³⁸ Yesu agaluka, omukulonza abakulikire, ababaza: Bichi muli mwalonza? Bamushubiza: Rabi(kuderha, mwigiriza), ngahe olama? ³⁹ Muyinje, ababwira, munalole. Bagenda babona ahali lamire; banayorha naye olusiku. Byali bichanji bya saa kumi. ⁴⁰ Andreya, mulumuna wa Simoni Petero, aliri muguma mwabo babiri bayunvag'omwazi gwa Yohana bakulikira Yesu. ⁴¹ Ali murhanzi kushimana mulumuna wa Simoni amubwira: rhwabwene omushigwa mavurha kuderha Kristu. ⁴² Anamuhek'embere za Yesu. Yesu, amulola aderha: Oli Simoni, mwene Yona, weyirikwe Kefa (Kokuderha, ebale). ⁴³ Buch'esezi, Yesu alonza kuj'eGalilaya, abugana Filipo. Amubwira: Nkulikira. ⁴⁴ Filipo aliri we Betesayida, w'omuchishagala cha Andreya na Petero. ⁴⁵ Filipo ashimana Nathanaeli, amubwira: Rhwabwene olala Musa ayandikaga omu marhegeko, n'olala abalebi baderhaga, Yesu w'e Nazareti, mwene Yosefu. ⁴⁶ Nathanaeli amubwira, k'echintu chinja chakarhenga eNazareti? Filipo amubwira: Yinja, obone. ⁴⁷ Yesu, abona Nathanaeli ayinj'ahali, amubwira: Lol'owokunali omu Israeli orhaherhe bushuma omu kagarhi kage. ⁴⁸ Ngahe w'amenyeraga? Yesu amushubiza: Embere Filipo aguhamagale, amango walir'ishishi w'omurhi, nalikubwene. ⁴⁹ Nathanaeli amushubiza aderha: Mwigiriza, oli mwene Nyamuzinda, oli mwami we Israeli. ⁵⁰ Yesu amushubiza: bulala nakubwirag'okuna kubwene omushishi w'omurhi, wamayemera. Wabon'ebintu binene kulush'ebila. ⁵¹ Amubwira: Okuli, okuli wabona kurhengera zene echalega chichingwire, na bamalayika ba Nyamuzinda bashona n'okuyandagalira omwana w'omuntu.