¹ Pablo meta Timoteo, Cristo Jesús nɨ'arimama, yu'naime xe'hepaɨsta kehate xe'manaya xɨriya Cristo Jesús kɨmanakɨ Filipos xeyu'kanieritɨa, 'ukirawetsixi wa'hamatɨa metá teyupanie xete'uximaya. ² Imikieri xe'hetsie keyu kanieritɨaka metá 'aixɨ 'anetɨ xe'hetsie keyu kanieritɨaka Kakaɨyari ta'Yau metá 'Ukiyari Jesucristo miyatuá aku. ³ Kepauku nexe'aye'eriwatsie pampariusi nepi pitɨa ne'Kakaɨyari. ⁴ Tukarikɨ xeyu'kanieritɨa ne'newiyatsie, ne'yu temawietɨ ne'yu nenewie. ⁵ Pampariusi ne'paine 'aixɨ te'teyuxeiyakɨ matɨaripaitɨ Kakaɨyari niukieya teme'timatsie paitɨ. ⁶ Paɨmɨmɨ nereuyu'waɨriya ikɨ'tsie, kename Iyá tiutsutɨa 'uximayatsika aixɨ aneme xe'tukaritsie akuxi hikɨ ti uximaya pi'nɨni kepauku Jesucristo hamie'tsie. ⁷ Aixɨ anetɨ ane ye ne ti ne mate xe hepaɨsta ne 'iyari'tsie ne xe hexeiyakɨ. Xeme yu naitɨ ne iwama xe hɨkɨ imikieri'tsie hakunena. Meta kepamexa ne mantahɨiya kaxariyarita, Né heimana ne mutanunuwakɨ meta ne me ka xewiriyakɨ Kakaɨyari niukieya. ⁸ Kakaɨyari neniereme hɨkɨ kenti ane, waɨkawa ne xetsi ha eriwatɨ Cristo Jesús nenimayatsikatsie. ⁹ Ne newiya pɨ ane: waɨkawa ke xuaweni nake'eriya xetsata, waɨkawa xete hetimamateni meta waɨkawa xe meti enanatɨkɨkani, ¹⁰ Aixɨ xeteu'iyaritɨ xemakɨnekɨ, aixɨ xete'ukaxatsikatɨ meta tsixekate'itɨtɨatɨ xe'hekɨarekɨ kepauku Cristo hamietsie, ¹¹ Tita kenti nake ikwaxi waɨkawa xe'haukatetɨ Jesucristo mi yatuá aku, Kakaɨyari temawierie'kakɨ meta tikwitɨariekakɨ. ¹² Hikɨ pɨ nereuyahɨwa xeme xete akumateni, iwamarixi, naitɨ kentiwatiyɨtɨya ne tukaritsie netsi 'uparewi Kakaɨyari ne kuxatakɨ tewapai. ¹³ Ye ti anekɨ, itsɨkate me wa yeteitsie puhekɨarixɨ kename Cristo kɨmanakɨ cadenakɨ ne akuwie meta teɨteri yu naime wa hɨxie hekɨatsie. ¹⁴ Echiwatɨkaku yunaitɨ iwamarixi ' Ukiyaritsie mete wiya ne ma kuwiekɨ, meta tɨrɨkariya mepexeiya niuki me kuxatatɨ meka haumamatɨ. ¹⁵ Hekɨakamekɨ hipatɨ Cristo me kuxata mete heukwatsetɨ meta haxɨa me xuawitɨakutɨ, hapaɨnata hipatɨ meyɨa aixɨ mete ku'eriwatɨ. ¹⁶ Iya me mu kwinatɨ aixɨ nake' eriyakɨ mete kuxata, mete akumatetɨ kename Kakaɨyari niukieyatsie heimana nenua. ¹⁷ Me manyeteita Cristo me kuxata wa'iyari kenreuyahɨwa meta itarikakɨ. Mɨkɨ pɨ meteku'eriwa kename neyuti heiwerieni antiyakamekɨ mexi cadenakɨ ne 'akuwie. ¹⁸ ¿Ketari netinekuhɨawe? Tsi'anetɨ kwa'ane, tsepa kemeteyu'kuhɨawetɨ me'yɨa, yaxeikɨa kuta Cristo mene kuxata, ya umieme ne pauyutemawie. Hɨ yuri, neyu katemawieni, ¹⁹ Nerakumate kename Kakaɨyari netsi xɨná nemakuwiekɨ hikɨ hapaɨna xe nenewiyakɨ meta Jesucristo yu Espiritukɨ netsi parewieni. ²⁰ Ne iyari naimekɨ pakaxewi kename neka ti nanaimarieni, pɨta, nekamakamekɨ hikɨ meripaitɨ hapaɨ, ne waiyaritsie Cristo raya' atɨ waɨkawa payani, xɨkate ne ayanierekamɨkɨ ya aku ne tiu mierie. ²¹ Nemayaniere Cristo kɨmanakɨ, xɨkateta ne u'mɨni ne iwarika hɨkɨ. ²² Xɨkate ta akuxi ne ayaniereni, pɨ hekuyɨtɨ pe kuyɨne kename ne 'uximayatsika waɨkawa ikwaxi haukatei. Mɨta, ¿ketitakɨ ta nereu ha'a? Nekwa rakumate. ²³ ne kwara'kumate ke ane ne manayahana, xɨkate ne ayanierekamɨkɨ ya ne ti mɨkinike. Pɨ ne reuya hɨwa nemɨnikeyu neyemiekɨ Cristo hatsɨa, pɨta aixɨ ane hamatɨana nemuyeikani. ²⁴ Mɨta, pɨreuyewetse xe kɨmanakɨ ne'nemayeniereni. ²⁵ Ne iyari aka xewikaku ikɨtsie ti meimekɨ, ne rakumate kename ne uyeikani xe'hamatɨa, xe'yu temamawiekakɨ meta Kakaɨyaritsie waɨkawa xe'te wiyanikɨ. ²⁶ Xe yɨwetɨ xe makɨnekɨ Cristotsie xeyu temamawietɨ ne'hamatɨa Ne'nemayanierenikɨ. ²⁷ Niuki Cristotsie tikuxata utɨana xeke neu huni, xɨkate ne xe hau ixɨarimieni ya ne kwa reta awe, aixɨ aneme niuki ne'eniekakɨ xe hetsie timieme, kename yu naitɨ xeyuwiya ka hekɨakamekɨ, yaxeikɨa xe te yu kuhɨawetɨ, xete uximayatɨ tɨrɨkaɨyemekɨ niuki hipame xewa kuxaxatɨwatɨ. ²⁸ Tixaɨtɨkɨ xe kwa te haumamaka niuki ke aneme me wewie ke hate mexe hauxane'erie. Xe kwa utimamawekɨ mɨkɨ mete hetimani kename Kakaɨyari waka'u'ná, mɨta, xe wikweistɨarikatsie timiemekɨ, piyatuá Kakaɨyari. ²⁹ Ikɨ xe ya tuiri, Cristo xe mau nake'eriekɨ, sanuni xet'eriekɨ xeikɨa hawaikɨ, hapaɨna xeteu'kakukuinekɨ kɨmana, ³⁰ Ya xeikɨa anemetsie xe'uyahutɨ Néhapaɨ, xe te marie hikɨ kename akuxi ne tukaritsie ya xeikɨa ti ku'niuwa.