¹ Uraniereta Jesus meta siere n+'arimama a hula mepu uwakai aku Jerusalen mepu axia'ta Betfage, h+ri manka'tsie aku olivos tiyetewakaku, m+ta Jesus waren+'a yu hutame yun+'arima. ² P+ti warahuawet+ '' xe kene'hu huta kieta manieretsie me hulatsie xeimiemeta xepeikaxeiya puritu hakuwiekame manata siere puritu nunutsi hamat+ana. xekenewara hakux+nax+a m+ta xewara hapani. ³ X+ka xewit+ yuk+ hetayuni m+k+ waik+, xeme p+xe te heita'eiya, '' M+k+ ta Ukiyari Ware hauyahuwa'', M+k+'ta tewi xeimieme wara n+'ani xe hamat+a.'' ⁴ Ik+ p+tiuy+ maya'anik+ ke mutay+kai timaikame. ⁵ P+TEUTAHUAWI NU'AYA SION: NEUNIERI, A UKIYARI MAKANAKAMIENI A HATSIA KAHAU YUWE'ETAT+ META SIERE ANAKAIT+ PURITU NUNUTSI'TSIE, AKU PURITU NU'AYA.'' ⁶ Umaniereta t+riyamama mepek+ p+metekak+ kehapa+ Jesus tiwaru n+'akai. ⁷ Me pu'at+a puritu yu niwemakame, m+ta mewarantiweriex+a yu +karite wa hetsie , m+ta Jesus pantiya. ⁸ Yunait+ yuwaikawat+ te+teri mepuka'itax+ yu ixurikite huyeta, hipat+'ta me pawitekekai t+raranime itei+ri mepenka itakai muwa huyeta ⁹ M+ta yu wa+kawat+ te+teri mepu hukai me uhait+t+at+ wa ut+a'ta Jesus pumiekai memi weiyakai, p+mete kuhiwat+, p+mehait+kait+: ''¡ AIX+ KE IT+ARIEKA DAVID NU'AYA!, ¡AIX+ KE IT+ARIEKA KE'ANE HAMIE KEN TITEWA TA UKIYARI'TSIE TIMIEME. AIX+ KE IT+ARIE TA HEIMA MAKAWE WA+KAWA RAYA'AXE! ¹⁰ Kepaukuta Jesus mautat+a'tsie Jerusalen, yunait+'ta kiekaripa te+teri me pautanexia temawiyak+ p+mehait+ka+t+, ''¿ke ane'kuta mik+ hik+?'' ¹¹ yuna+t+'ta te+teri p+meputiy+ p+mehait+kait+:, Ik+ts+ karik+ huk+t+ni Jesus timaikame, Nazaret kiekame Galilea kwieyaritsie.'' ¹² Uraniereta Jesus kaneutayani teyupanie Kaka+yari kita. M+k+'ta yunaime kawarayax+rieni tenawemete meta'siere tetuayamete teyupanie. M+k+'siere kanatix+rieni mexa'te aku tumini mewatipatakaitsie meta siere wa +pari patix+ri tuayamete haum+xi. ¹³ M+k+ p+ti warah+awe: ''P+kateuku ukani, ' NE KITA TIYETEWAT+ KANAYEIM+K+ P+TA MEWAYU TINENEWIWATSIE,' M+TA XEME XENAYEIT+AKA TER+TA TIWANA'WARIENETSIE,'' ¹⁴ Uraniereta mekwa hauneniere wa'+kate mamawi mepu axia hatsiana teyupanie, M+k+ herie waranet+ax+a. ¹⁵ Uraniereta me manyetei tatsinitsixi meta siere te ut+wamete me niuniere wa+kawa kenti y+we M+k+ kentiuyuri, m+ta mewaru'enieni t+r+ p+me teku hiwame teyupanie p+me hait+kait+, ''Aix+ ke it+arieka David nu'aya'' m+k+tá tsimeteniuyumani meniuyaha'ani. ¹⁶ P+mete heh+awe, petiwa'enie keme hait+ka iya te+teri?'' Jesus p+ti waru'ei: '' H+! xeik+a xekwa ekater+wawe: ' WA TETA T+R+ ITSIMENENE META SIERE T+RI MEMUT+T+ AIX+ METE UKWIKAX+'?'' ¹⁷ M+ta Jesus waru hayawax+ m+ta pet+a kiekaripa tiyetewa'kaku Betania mana panhui. ¹⁸ M+ta ximeri, mexi akunuakai kiekaripa, M+k+ pu hakam+. ¹⁹ Kaniuxeiya higo ite+ri huyetesta kaweme; pet+a hatsiana, m+ta tixau kwatiukaxei xeik+a xawari pauka'ukai. M+ta p+reh+awe, '' tawari'ri kwakaya'xe a hetsie ikwaxi.'' xeimieme'ta higo ite+ri puta'wa. ²⁰ Yapaukuta t+riyayamama m+k+ memuxei, menui timamani m+ta p+metene'h+aweni, ''¿ ke tiuru m+k+ higo ite+ri puta'wa xeimieme?'' ²¹ Jesus p+ti waru'ei p+ti warah+awet+ '' Sasunik+ ts+karik+ Ne p+nexeta huaweni x+ka xeme sasuni xete erieka xe katetawe'eriet+, xeik+a p+xekwate yurieni Ne kenentiuyuri ik+ ite+ri higo ite+ri hep+sta, p+ta p+xete itah+awe ik+ h+ri ''mana kenankukexi haramaratsie ke neuka'h+wa', pa+m+'ta katiy+m+k+. ²² Naime tita petita wauni pe'anenewiet+ hasuni peti eriet+, peti yatuiriyarieni.'' ²³ Uraniereta Jesus pet+a teyupanie, mamanyetei tatsinitsixi m+ta siere ukirawetsixi kiekatari kiekari mukumanetsie mepayeix+a hatsiana mexi'ta ti'+kitákai p+meniutiy+ni : ''¿Tita t+r+kariyaya'k+ ik+ ye'tiyuriene ? ¿Ke'ane m+k+ metsi yatuiri ik+ t+r+kariya?'' ²⁴ Jesus p+katiwaru'eiya m+ta p+'kaniutay+ni: '' Ne siere nexeta iwawiya. X+kate yexenete utah+awe, ne'tsiere yenexetita h+awe hapa+na tita t+r+kariyaya'k+ Ne yanetiyuriene ik+ yenetiyuriene. ²⁵ Juan +warieya, ¿ke ra'ne, ta heima ra'kane sunu ukitsi mepi net+a?'' M+k+'ta meniuku niuni yu'hetsie, p+me hait+kait+, '' X+kate tame p+te utiy+ni, taheima paka'ne', M+k+ p+tatitah+awe,' ¿Ketiuta sasuni xekwate uta'eri hetsiena?' ²⁶ Xikata p+te uti y+ni, ' ukitsi watsie' tewarexeiya yu wa+kawame te+teri, m+k+'ta mepeixeiya Juan timaikame.'' ²⁷ M+k+'ta Jesus p+mete u'ei p+me hait+kait+, '' Tame tekwate akumate''. M+k+'tsiere p+tiwarah+awe: '' Ne siere yene kwaxetita h+awe tita t+r+kariya'yak+ Ne yeneti yuriene. ²⁸ Keta, ¿xete kumama'teke? Xewit+ uki ware xeiyakai yu hutame yu niwema. M+k+ pet+a mutewi hats+a p+rehuawe: ' ²⁹ Ne'niwe, kenemie hik+ kete uximayatamie kaxie uva ite+ri'tsata'. Nu'ayata p+ti eiyax+ p+ha+t+, ' Ne nekwa yemie', m+ta arike pi'wapax+ yu niuki m+ta pet+a. ³⁰ M+ta uki pet+a hutarieka yuniwe hatsia hapa+na re'h+awe. Ik+'ta nu'aya p+ti eiyax+ p+'hait+ '' H+ ukiyari ne neyemie ,' m+ta ya utay+ka kwa het+a. ³¹ ¿Ke ane niwemama yatikat+a wayau kereuyah+akai? M+k+ p+meputiy+, ' manyaka.' '' Jesus p+tiwarah+awe, '' Sasunik+ p+ne xerah+awe, tumini xexe+riwame meta siere yewatsixi meneuta hax+akuni Kaka+yari kweparieyatsie xeme xeka hautahax+awekaku. ³² Juan xe'hats+a nua'kai huye aix+ anetsie xe'raxaxat+wat+, xemeta yuri xekwa'te ita'eriri; mexi'ta tumini xexeiriwame siere yewatsixi yuri mete uta'eri hetsiena. Xeme'ta , xemunierix+tsie yetiuy+, xekwa uyut+maix+a yuri xetetaherienik+. ³³ Xeneu'eni xeime tawari +xatsi. Kaniu yei'kakait+ni xewit+ uki, xewit+ tewi kwiniepa kwie hexeiyat+. M+k+ kaxie puka uit+a, penat+ya'ta siere piwati kuniriyar+, putawewi utewime ki tih+weme, m+ta waru ni+t+a kaxie etasmete. Uraniereta m+k+ pet+a xeitapa kiekari. ³⁴ M+ta maya aximekaitsie inaiyarika, m+k+ wareyan+'a hipame yun+'arima uva ikwaxi wawamete. ³⁵ M+ta kaxietsie uximayamete mewarutiwi n+'arimama, xeime mepauti wax+a, m+ta me'pími, xeime'ta mepau tituaxix+a. ³⁶ Tawari'ta, kiekame hipame waren+'a yu t+riyamama, meyu wa+kawame, tawari'ta te'uximayamete kaxietsie, yaxeik+a mewareyuri. ³⁷ Uraniere'ta, kiekame pen+'a yu niwe wahatsia, p+'hait+: ' m+k+ ne niwe mene han'eniekuni.'' ³⁸ M+ta te uximayamete kaxietsie kepauku nu'ayamemuxei, p+ mete uyuta huawix+:''Ik+ ka huk+t+ni naime tiku hayewiyarieni ; niwa, k+m+ tepimieni m+ta tiku hayawiyarienikiekai teteyuku hayewirieni. ³⁹ M+k+'ta menei'hana, meniwaya h+ani kaxie kuraruta, m+ta menimieni. ⁴⁰ M+t+, xikate nuani kaxie kutsikame, ¿m+k+ ke wa yu rieni te uxi ma yatamete ? ⁴¹ Te+teri me pait+katei: ''M+k+ wa ti kwini wa+kawa ukitsi tsi me te u iyari, m+ta hipame p+ta te uximayamete wa hirit+ani kaxie, ukitsi ke ane me te yu tuari, kaxie me ka in+initsie'. ⁴² Uraniereta Jesus p+ti warah+awe, ''kariku'ta xeme xekwa ekater+wawe Kaka+yari utsikayatsie:' TETE ME KWA UTANAKE'ERI KITAAMETE, KANAYANI KUNIE RAYA'AXE MUKAHAIT+A. M+K+ UKIYARI KATIUYURIENI, M+K+'TA AIX+ KA ANENI TA H+XIE'? ⁴³ Ya umieme nexe ta h+aweni, kaka+yari kweparieya xenawaiyarieni m+ta hipame p+ta meya tuiriyarieni mehau kayaxikeme. ⁴⁴ Ke aneta tetesie kaweni takaine itsinenet+ tax+reix+ani. ke aneta hetsiena mayar+ni tete, kata petsinariem+k+. ⁴⁵ M+ta mamayetei tatsinitsixi siere Fariseotsixi memi'eni ik+ +xatsi. M+k+ p+meteniu erieni kename m+k+ waxata'kai Yatikuxatakai. ⁴⁶ M+ta kepauku memiwiyakukai M+k+mexita, meputimáma te+teri memi xeiyakaik+ teuteri p+mete ixeiyakai kename timaikame h+k+t+kai.