¹ Yetiuy+tá umaniere kepauku Jesús tiukatsut+a kuyeikat+ wariena yu txata kiekari mamanet+katsie, tikuxatat+ hapa+na ekahek+k+atat+ aix+ manyine niuki'hekua kewa metan+'anitsie Kaka+yari. T+riyamama tamáta'hutat+ ma pau'uwakai Hamat+ana, ² Hapa+na me pete+takai ukarawetsixi keané herie mamanet+ariex+akai me mux+nariekay wa+ka kuiniya epa+sta: Maria mete iter+wakai Magdalena m+k+ mayama'riutsiyariekai atahuta t+kakame n+'arimama siere, ³ Juana Chuza +yaya, Herodes tiuximaya'tsiriwame, Susana yuwa+kawat+ ukarawetsixi, m+k+ naime mete'wayatuiriekei yu tuminik+ Jesus me parewiet+ hapa+na t+riyamama. ⁴ Mexita wa+kawa mem+iret+ meyuxe+rie, te+teri meya axekai Hats+ana kiekarite'tsie kentimiekai ,M+k+ta pitah+a +xatsi: ⁵ ¨Xewit+ hetsame payat+a hau'emieka yapa+meme hatsi. Mexita m+k+ mu'eximekaitsie, hipat+ putix+ri huye aurié m+k+ta putiketsinarie wikixi ta heima mamu'uwa me pitikwai. ⁶ Hipat+tá putix+ri tetexi'tsie yapaukutá putinex+at+t+ putiy+narix+ta, kepaits+ kwaheixei'yakai yuririya. ⁷ Hipat+ta paukax+ri xuya hatsiyarita, xuya'mutinetsie hamat+ana hatsi putinet+t+ kua'utiy+rax+ pukayunit+arie. ⁸ H+rix+a hipat+ putix+ri aix+ anemetsie kwie, paukayaxix+ pat+a cien'mexa anatet+ w+kawa.¨Umaniere Jesús yautay+ka naime hepa+sta , M+k+ t+rkarima p+putay+: ¨keane meixeiya enamé hamuenak+ ke'uená.¨ ⁹ T+riyamama me pita'iwawiyax+ ke hapa+t+t+ anyit+ panyinekai +xatsi. ¹⁰ M+k+ p+putay+: haretimanik+ ti awie iya ta Kaka+yari mayukanierit+atsie, xeyatuiriyarie xeme, m+k+ta hipat+ ne netiwaraxaxat+wa +xatsik+,ktiú ' MENIERET+ M+K+ MAKWANIERENIK+, HAPA+NA ME'ENANAT+T+, M+K+TA MEKUA'HEKAENANAT+K+KANI.' ¹¹ Hik+ta ik+ +xatsi p+ anyit+'kananyineni: hatsi kah+k+t+ni kaka+yari niukieya. ¹² Keane mutix+ri huyata, m+k+ kah+k+t+ni iya keané me muenana, m+k+ta umaniere t+kakame nuani kawa'kunawairiwani niuki wa iyaritsie, m+k+yuri mekwate'eriekak+ maká ukuwikest+arienik+. ¹³ M+k+ta tetexitsata mutix+ri ,kepauku mienieni niuki, yumamatsie pih+ni yu temawiet+. m+k+ta makua heixeiya reuwiyame'naná; m+k+t+t+ yuri me'erieka yereutewimek+ kepauku in+atsika tixuawere m+k+ yuri maka'ayeit+at+ mapak+ne kaka+yari niukieya. ¹⁴ Iya hatsi mutix+ri xuya tsata me h+k+ te+teri memi'enie niuki, m+k+ta ma'ujut+ mepanku'weiya pa+ta yu huye, m+k+ me kayunix+ani iyari't+arikak+ wa+ka meteyu'pinit+akut+ wichitemawiya ana timiememe m+k+ me mutitse+ye iyari aix+ anetsie kuay+wekax+ani. ¹⁵ M+k+ta iya hatsi mutix+ri kwie aix+ anemetsie, m+k+ta iyameh+k+ kehate memu'enaná yu iyaritsie mekateyu'itaiyat+ p+ta aix+anemek+, m+k+ mepetineiká yuri mete eriet+ ik+axi me haukayaxiket+ aix+ mañinek+. ¹⁶ Hik+ta, ní'xewit+ kwa'utaiyawe k+xeme, kua'ikananita tsamurik+ ya hapa+na utat+a kwaheitatení. M+k+p+tá, wapait+ puyekerieni k+xemetsie, p+ta iya kehate mawatak+ka memixeiya hek+ariwiwame. ¹⁷ Ní'tixa+t+ kuati awie'tsie ni kuati'hek+atsieni kuatiane, ni hapa+na tixa+ kuatiyú awietsin+a, nait+ reyutimaní tiyuhek+at+ payani makuhek+atsie. ¹⁸ Yahumieme xekeneu'enana xekenetimamateket+, tsepa keane iya rexeiya, tiyatuiriyarieka masí'wa+kawa, keaneta tixa+ kuarexeiya, akuxita tixa+ rexeiyame x+ka'yueriekait+ni, sieretá nawaiyarieni.¨ ¹⁹ Umaniere teyayá hapa+na iwamama me payeix+a Hats+ana, m+k+ta makwa'uy+wekax+a memauhurata te+teri kwine meteane'kaik+. ²⁰ P+ta tiutah+awerie: ¨Atei hapa+na a iwama ana'wariena me peti'ú memetsixeyakut+. ²¹ M+k+ta Jesús p+tiwara'h+awe: ¨Ne'teí hapa+na ne iwama m+k+ iya me h+k+ memi enie Kaka+yari niukieya, m+ta yementeka'hu kemaine. ²² Ana tuaritsie Jesús pantiyá kanuwatsie yu t+riyama wamat+a M+k+ta p+tiwarah+awe: ¨Tepank+ne xeitapatsie anta+yetsie ik+ harakunapa. ¨Umaniere mepanhukai yu kanuwatsie. ²³ Mexi m+k+ an'hú hapa, m+k+ta pauku. Xewit+ wa+ka mariwet+ witari ekamat+ puyutsut+a mana harakunapa, wa'kanuwa ha, tah+nir+mekai m+k+yunait+ keriwa'anek+a mekaukai. ²⁴ Umaniere t+riyamama Jesús aurie ak+neka me pentah+t+a, p+mete'heh+awe: ¨¡Ti+kitame, Ti+kitame! ¡Arí tekuixime'rí!¨M+k+ta ayu'h+t+aka pitaimaiyax+ eka ha hapa+na ha'akai kaiwat+ tiumarix+, kaiwat´'panyamaret+ya. ²⁵ Umaniere M+k+ p+tiwarah+awe: ¨¿Keta'tiuy+ yuri xekate'erie?¨ M+k+ta wa+kawa me putimama me haumamát+t+ hapa+nata kunie mete'uh+xikai ye tiuy+kaik+, mapayu'iwawiyakai yunait+: ¨¿Keane kuta h+k+ Ik+, mitan+'ani eka hapa+na ha, m+k+ta mei'enieka?¨ ²⁶ M+k+ mepeta'ax+a Gadareno wakiekaritsie, meh+k+tsie anata+ye haka'anyeiwet+ Galilea hepa+tsie. ²⁷ Keapuku Jesús manakat+a kwiepa met+atsie, pikunakix+ tewi mana kiekame m+k+ mepiwiyakai t+kakame n+'arimama. Wa+kawamexa'rí yuriekai m+k+ kemari kwarakapikai, hapa+na kwa'ayakatei kita, p+ta m+kite mewatiteukiwa. ²⁸ Kepauku m+k+ Jesús muxei, putahiwax+ M+k+ h+xiena pukawe p+putay+ niuki t+r+ka+yemek+: ¨¿tita pereuyah+a nehepa+sta Jesús, Kaka+yari T+r+ka+ye Nu'áya? Né'nemetsiwawirie kastiku pakuanetsipit+aka. ¨ ²⁹ Jesús p+putay+kai t+kakame n+arimama meke ayak+neke tewitsie. m+ixa'rí tsatana mekahakekai tsepa mu h+iya tep+ák+ kaunarik+ +wiyariet+ , m+k+ ranteket+ payukux+nakai t+kakame n+'arieya peneyewit+k+kai yauta tixa+ kuatiuxuawetsie. ³⁰ M+ta Jesús pe'iwawiya: "¿Kepetitewa?" M+ta m+k+ p+putay+: "yu'wa+kawat+," mamautahax+akaka+ hetsiena wa+kawat+ tsitiuka'iyari n+'arimama. ³¹ M+k+mexi mepi'waukai kwawaren+'awanike taipa. ³² M+ta wa+kawat+ tuixuri mana mepu'uwakai metekwat+wet+ tek+ata. Tsitiuka'iyari n+'arimama mepitawawiri m+k+tsie kewareutan+'anike, M+ta M+k+ yatiutanake'eri. ³³ M+ta tsitiu'iyari n+'arimama ukitsie mapayak+ m+ta tuixuritsie mapautahax+a, m+ta tuixuri tek+ata me'paukax+ri hata muwa mupukayunix+ mapukwi. ³⁴ Kepauku iyamexi tuixuri mewa'h+t+wekai mapunierix+ mana kentiuy+kai, mepuyuta'unax+ m+ta yamete'uxa kiekarita hapa+na yauta mete uximayatsie. ³⁵ M+ta te+teri mawayak+ menierikut+ kentiuy+kai. M+ta kepauku memu'ax+a Jesús hats+a m+ta uki mapukaxei aku tsitiuka'iyari n+'arimama hetsiena mamayan+'ariekai, Jesús +kateyatsie utikaime, paleku hauket+ paleku ha'eriwat+, m+ta m+k+mexi meputimama. ³⁶ M+ta iyamexi memixexeiyakai, p+metewarah+awe ke'hapa+ m+k+ uki anekai aku tsitiuka'iayari n+'arimama warexeiyakaitsie m+ta hik+ aix+ mu'it+ariekai. ³⁷ M+ta yu'nait+ te+teri mana matamakakai Gadarenotsixi Jesús p+mete'itah+awixi ke'heyanike mana wa'hats+a kanierekaitsie, M+k+mexi wa+ka maputimamakai. M+ta M+k+ canuwatsie pantit+a m+k+mexi mamakunuax+anik+. ³⁸ M+k+ uki aku mayan+'aiyariekai tsitiuka'iyari n+'arimama Jesús putawawiri kename hamat+ana yemiekai, Jesús'ta pitateut+a, p+reh+awet+: ³⁹ Akie nemieni m+ta yatewarutah+awi uk+ naime Kaka+yari kentiuyuri a'hetsie. "M+ta m+k+ uki yu huye pankuwei, yatikuxatat+ naitsarie mana kiekaritsie aku Jesús hetsiena kentiuyuriekai. ⁴⁰ M+ta kepauku Jesús nuatsie ,te+teri yuwa+kawat+ mepenkwewi 'aix+'anemek+, meyunait+ mepitakwewiekai. ⁴¹ Anam+ta, xewit+ 'uki Jairo titewat+, ke'ane h+k+t+kai warahana sinagoga, puta'a m+ta putitunimake Jesús '+kayat+a m+ta pitawawiri kena kehauyanike, ⁴² m+ta nu'aya yusewikai, 'uka nu'nutsi 12 witari 'ukait+, yam+'m+nekai. Mexi'ta Jesús 'umiekai te+teri'yu+kawame watsata m+k+ta mepip+tsinakai. ⁴³ M+ta, 'ukaratsi, mana puyeikakai 12 witari yuriet+ xuriya 'uhanist+at+ m+ta yutuminiri naime putix+t+akai te'uatamete wahats+a, m+ta xewit+ heriekwa 'enet+a. ⁴⁴ M+k+'ta pet+a Jesús 'ut+a m+ta kutunieyatsie mataka puwi, m+ta yapauku xuriyaya paunuá. ⁴⁵ Jesús p+putay+: ''¿ke'ane netsehemay+á?'' Kepauku yunait+ me'muyuti 'ima, Pedro p+putay+: ''Ti '+kitame, pep+tsinarie.'' ⁴⁶ M+ta Jesús p+putay+: ''xewit+ts+ kanetsihemayuamé, Nets+ nekarakumaika kepat+ net+r+kariya mayet+.'' ⁴⁷ Kepauku 'ukaratsi munierix+ kename m+k+ kay+wekai muyuta'una kaxeiyeriewet+, m+k+ puta'a 'uy+y+akat+ m+ta wenet+ h+xiena. m+k+ puyutaxa meyunaime te+teri wah+xie m+ta m+k+ piwiyakai m+ta m+k+ herie manekai yapauku. ⁴⁸ m+ta M+k+ p+reh+awe: ''Niwe'a, sasuni peti'eriek+ herie pepane. Nemieni pe'uxipiet+.'' ⁴⁹ Mexi M+k+ akuxi haniuka, xewit+ puta'a sinagoga warahana kiena 'akuneka, p+hait+: ''aniwe pem+. Ti'+kitame tsipekwati'iyari.'' ⁵⁰ M+ta kepauku Jesús mu'enax+ yemainekaitsie, M+k+ Jairo puta'ei: ''Pekwahaumaka; sasuni xeik+a te'erieka, m+ta m+k+ herie kananem+k+.'' ⁵¹ Kepauku M+k+ muta'atsie keta, hipame kwawapit+a me'mautak+ne hamat+ana, k+rix+ata warupita+ Pedro, Juan m+ta Jacob (Santiago), m+ta nu'nutsi yauya hapa+na teyaya. ⁵² m+ta, yunait+ meyu'iyarit+akai hapa+nata meputitsuanakai k+mana, m+ta M+k+ P+putay+: ''Xekwa'utitsuanani. m+k+ kwam+ki, p+ta kakutsuni.'' ⁵³ M+ta m+k+mexi mepitinanaima, mete'akumatet+ kename m+k+ m+kikai. ⁵⁴ M+ta M+k+, 'uka nu'nutsi ma'mayatsie kawiereka, putaniu, p+hait+: ''uka nu'nutsi, nankukexi.'' ⁵⁵ M+k+ espirituya hetsiena panuá, m+ta m+k+ pankuke yapauku. M+k+ putan+a'a tixa+t+ ketiumikenike. ⁵⁶ Yeyeuma'ma meh+xixiet+katei, m+ta M+k+ warutan+a'a kename xeime yemekateha'h+awenike kentiuy+kai.