¹ P+ka tiu'y+ni, mexi Jesús tiwa'+kit+akai te+teri teyupanie tiwa'kuxaxat+wat+ niuki hekwa, meniu'ax+ani hats+ana tasinitsixi meman'yetei siere te'ut+wamete meniu ax+ani M+k+ hats+a hipat+ siere ukirawetsixi. ² M+ta menita'h+awe, M+k+ p+'meteheh+awet+: '' yeta'teutah+awi ¿keane metsi n+akak+ yepe'tiyuriewe? ¿sunú keane metsi ye'tuirie n+ari?'' ³ M+k+ p+ti'wara'eiya p+ti'warah+awet+ m+k+mexi: '' Ne siere nexeta'iwawiya. Ye' Xeneteneuta'h+awi ⁴ aku Juan waruti'+yak+, +kitsikaya ta'heima rakane nusú uki pi'net+a? ⁵ M+k+'ta mepitimaix+a, p+'mehait+kait+ ''x+kate teu'tiy+ni, 'taheima; M+k+ tay+ni:' m+ta, ketiuru yuri rekwate'itaeriri? ⁶ M+ta x+kate teu'tiy+ni: ' m+k+ uki'' te+teri metatsitituaxix+ani, m+k+ p+'meteku'eriwakai kename m+k+ Juan h+k+t+kai timaikame.'' ⁷ Ya'umieme m+k+ p+'mete'iei kename mekate'a kumaikai kera nekai. ⁸ Jesús p+ti warah+awe m+k+: '' Ne siere yene'kwuatay+ni keane netsi n+'akaku ik+ yeneti'yuriene.'' ⁹ P+'tiwara'h+awe te+teri ik+ +xatsi: '' Xewit+ uki kaniu ka'eni kaxie, m+ta hipame kawaru'ni+t+ani te uximayamete kaxie'tsie timieme, m+ta kaneyani xei'tapa kiekari m+íxa. ¹⁰ M+ta tukari maya'atsie kaneyan+a'ani xeime yu n+ari kaxie te uximayatamete wahats+a, meteiya'tuirienikeka'tsie kaxie ikwaxiyari. M+ta te uximayatamete kaxie'tsie timiemek+ meniti'wax+ani, siere meniwayah+ani tixa+ kara'pikame. ¹¹ Ya'umieme'ta m+k+ hipame kaware'n+a'ni yu n+arima m+ta m+k+ siere me warutiwani, wa+kawa tewiwemek+, mewara'yax+rieni me yu mamawime. ¹² M+k+'ta tawarie hairieka xeime kane n+ani p+'ta'siere metenei'kwinit+ani, m+ta meni waya'h+ani. ¹³ M+ta ukiratsi kaxie kutsiyarieya kaniutay+ni:'' ¿Ketam+ta neti'yurieni? Nenan'n+am+k+ ne niwé kwinie nereuya'h+wa. X+kate m+k+ mehe' titexiem+kuni.' ¹⁴ Kepauku'ta te'uximayamete memi'xeitsie m+k+, mete'uyutixat+a, p+' mehait+kait+:' ik+ kah+k+t+ni naime tiku hayewiyarieni. Tepimieni, m+k+ tiku'hayawiyarieni tapinite rayanik+.' ¹⁵ Me niwayah+ani kaxie kuraruta, m+ta me nimieni. M+ta, ¿Kewa yurieni ukiratsi kaxie kutsiyarieya m+k+? ¹⁶ M+k+ kanuam+k+ m+ta watikwini te uximayamete kaxietsie timiemek+, hipameta p+ta kawa'n+it+am+k+ yu kaxie'tsie.'' M+ta memu'enax+tsie, p+'meniutiy+ni:'' ¡Kakaiyari ketatsi unani!'' ¹⁷ M+ta Jesús kawaru xeiya m+k+mexi, p+' tiwahuawet+: '' ¿Kean'yit+ pan'y+ne ik+ utsika? ¿TETE KITAMETE ME KWA UTANAKE'ERI, KANAYEIT+ARIENI TETE HIX+APA MAYAKA'? ¹⁸ Yunait+ keane metiweni ik+ tetesie kanayeit+ariem+k+ itsinenet+. M+ta keane kaweni hetsiena, kata petsinariem+k+.'' ¹⁹ M+ta te'ut+wamete siere tasinitsixi meman'yetei mepiwaut+wekai kehap+ aix+ mete ipime me piwiyakekai M+k+ muwa ye'upaukukak+, mete akumaikai m+k+ kename +xatsi wa'hap+sta h+k+t+kai. M+ta te+teri me wareutexiekai. ²⁰ M+k+ meku'xexeiyakai palekumek+, me waren+'a te hupamete palekú meteu'iyarime, meme kaxeiyak+ y+k+ niuki aneme xatsikayatsie, memi yatuanik+ tatuwani hats+a meta siere its+kame. ²¹ Me'pe'iwawiyakai, p+'metehe'h+awet+: '' ti'+kitame tete'akumate kename ak+ peti'+k+t+a meta aix+ petiu'xaxata, xeime hepasta pekwáuka kereu'kuwek+ ken'raya'axek+, xeik+a ek+ peti'+kit+a sasunimek+ Kakaiyari huyeya'tsie timieme. ²² ¿Aix+ ti'ane tame tumini teya'tuaka Cesar hats+a, nusú tixa+? ²³ M+ta Jesús peika'eniet+ya yu'hets+a kenti maiwekai, p+'tiwara h+awe: ²⁴ ''Xeke'neneuxei'yast+a xeime tumini. ¿Keane h+k+ tuminitsie maka meta mana'maúxa?'' M+k+ta p+' me'putiy+: '' Cesar kah+k+t+ni.'' ²⁵ M+k+'ta p+'tiwarah+awe: X+ka'tes+ p+'aneni xeketene'yatuiri Cesar ketipat+ tixuawe meta tita tipinieya Cesar, m+ta Kakaiyari reketene yatuiri tita tixuawe Kakaiyari pinieya.'' ²⁶ M+k+'ta wa'iyari yakwa'+y+ memita niukiwiya M+k+ kemu tay+kai te+teri wa'h+xie. Meuwa me puyu'hayawax+ meka yumaiwawet+ kentiu'y+kaik+ m+ta tsi'mekwa utiy+. ²⁷ M+ta hipat+ saduceos Hatsiana mepek+, kehate p+'memait+ka kename kay+we hau'm+me haman'taniere, ²⁸ m+k+mexi'ta mepe iwawiya M+k+: p+'mete heh+awet+ Ti'+kitame, Moisés p+tatiu utsiri X+KATE XEWIT+ UKI IWAYA U'M+NI, YU +YA HEXEIYAT+, M+TA KANUARIET+, M+K+ UKI KAY+WENI X+KATE HEW+T+NI YU IWA +YAYA, M+TA KAY+WEKAX+AM+K+ XEIME NUNUTSI MEX+KA AYEXEIYA YU'IWA HETSIEMIEME. ²⁹ Me pu'uwakai ata'huta iwamari mat+ari mu hait+a pu'tine+kix+, m+ta pu'm++ katinuariwet+, ³⁰ m+ta hutarieka siere. ³¹ M+ta siere hairieka meiwit+, yaxeik+a siere ma ata'hutat+ mekwa'utinuarix+a m+ta mepu'kwi. ³² Uranierita ukaratsi siere pu'm++. ³³ M+ta maman'tanieri't+arientsie, ¿keane +yayá pe'h+k+t+ni? Me ata'hutat+ iwamari me mei'wit+k+ aku.'' ³⁴ Jesús p+ti'wara'h+awe: temari niwetsiekate a'nai kwiepa me mu'uwa me puti'nene+ke m+ta siere meyatuíwa meme yuwit+k+nik+. ³⁵ M+ta iyaá keane p+'mete'matiwa tukari makamietsie maman'tanierit+arieni m+kite watsata, mekwa'hetinene+ke, hapa+na'ta mekwa'heyatuiwa me tiwikienik+ meta me metinene+kek+. ³⁶ Hap+ana'ta tawarie mekwa 'hekwini, yaxeik+a p+'mekwa'hey+ni akeritsixi wahap+ Kakaiyari niwemama, meh+k+t+t+ niwamama keane warantanierit+a. ³⁷ M+ta m+kite mamanku'uit+arieni'tsie, Moisés tiuta +kitax+, kentiuy+ hakunenatsie aku ite+ri xuyat+ka, kewa m+k+ muta h+awix+ yu Ukiyari M+K+ KAKA+YARIEYA ABRAHAM SIERE KAKA+YARIEYA ISAAC META SIERE KAKA+YARIEYA JACOB. ³⁸ M+k+ kwa huk+ wa Kaka+yari m+kite, p+ta iya mema yeneniere, yunait+ meka te ayaneniere M+k+'tsie.'' ³⁹ Hipat+ta te'ut+wamete p+'mete niuani: Ti'+kitame , aix+ petatiku'eiya.'' ⁴⁰ M+ta mekwa'y+wawekai tawari memiye iwawiyani. ⁴¹ Jesús'ta p+'tiwarah+awe: '' Kehap+ xehait+ka iyaá Cristo kename nu'aya David? ⁴² M+k+ yu' k+mana David xapaya'tsie p+'karaine Salmos, M+k+ Ukiyari p+'reh+awe ne Ukiyari: '' KENAUKANI NE MAMA TSERIETA, ⁴³ KEPAUKU'RIKE PEWARA'IWA TSIMEMETE'HAUERIYA A KETAT+A PEWAKUTUANI.' ⁴⁴ Yu'umieme'ta David pu'tah+awix+ Cristo ' Ukiyari', ke hap+ta aneni M+k+, David nu'aya?'' ⁴⁵ Yu'nait+ te+teri me anakáku p+'tiwarah+awe yu't+riyama : ⁴⁶ ''Xekeneyu'+wiyani te'ut+wamete wa'hep+sta, kehapa+ xeik+a me tehauyah+wa memu'huú yu'kutuni t+t+mek+, p+'mete hauyah+wa meke'hah+awar+wani palekúmek+ ti'watuiyatsie, m+ta +pari manya hait+t+atsie memateni aku muwa Sinagogas, meta wiesta'ta me matet+ka mete aya'axe mamayaxiketsie. ⁴⁷ M+k+mexi'ta siere mete ayakwa'tsie wiuraxi wa'kita, m+ta siere kwinie meteyuwe'etat+ka yu'nenewiya kwinie me aya't+t+riyat+. M+k+'ta wa+kawamek+ metiwiyariekuni.''