¹ M+ta m+k+ kaniwarutah+awirieni +xatsi m+k+mexi tiwa +kit+at+ kehapa+ tiuyu'nenewieni , m+ta katihayawat+, ² Pa+ hait+: ''xewit+ kaniuyeikakait+ni kiekaritsie, xewit+ aix+ rakayuruwa Kaka+yari ka'texiet+ m+ta te+teri kawarukamariyat+. ³ M+ta mana kiekaritsie wiura kaniukateit+ni m+ta m+k+ hurak+a aix+ rakayuruwa hats+a kaneta'axekait+ni pa+'reh+awet+: keneneuparewi ne heima teuwewi aix+ rakay+nik+ ne hepa+sta iya tewi ne h+xie muyemiek+. ⁴ M+k+ reuterix+ iyarieya yaka'anet+ miparewieni, m+ta reutewit+ m+k+ pa+'tiuyutah+awix+ yuk+mana: 'tsepa Kaka+yari nekatexie hapa+nata te+teri ne kawamariya, ⁵ M+ta ik+ wiura tsirany+neme netiwiwiriek+ ne piparewieni m+ta siere hetsiena aix+ netiyurieni hetsiena, tsikwaneti iyarit+akak+ hurawa hauyeim+t+.'' ⁶ M+ta Ukiyari pa+ kaniuta y+ni: xeneu'enana aix+ teyuruwamete tsitiuka'iyari kemutay+. ⁷ ¿Kaka+yari kati'at+ani siere aix+ ti'ane waranayahapa wahetsie ke ana memeh+awe tukarik+ meta t+karik+? reutereta M+K+? ⁸ Ne pa+'nexerah+awe kename aix+ rakayurieni xeimieme keane waranayehapa wahepa+sta. m+ta siere kepauka Uki Nu'aya nuani, kawakaxeiyam+k+ kwiepa te+teri sasuni hetsiena mete'eriekame '' ⁹ M+ta M+k+ siere kawaruta xat+ani ik+ +xatsi hipame keane pa+ meteyuku h+awekai kename aix+ me anekai m+ta mewaxane'eriekai hipame te+teri: '' ¹⁰ Yu'hutat+ ukitsi mekaneunti k+ne teyupanie meyu kunenewiet+wet+, xewit+ h+k+t+kai fariseo m+ta xeit+ h+k+t+kai tumini xexe+riwame. ¹¹ Iya fariseo manakaniuta keni yuta nenewienike m+ta kayunenewiekait+ni yu'hepa+sta ik+ yareuy+nemek+: Kaka+yari, pampariyusi nemetsiyatuirie ne hipame wa'hapa+ nekwa ane metenawawaya, te+teri haxi'mete'uiyari, karayunitsixi m+ta ik+ tumini xexe+riwame hapa+. ¹² Ne ne muyuhakixime hutak+ tsemana mankayeika. Ne diezmo neyatuaya ne mei'iíwa. ¹³ M+ta iya tumini xexe+riwame, yatewapai uwet+ ni'wakwahenierix+ yu'heima yuawitsie, m+ta yu'tawitsie hauyu'hutsunat+ pa+ kanainekait+ni: ' Kaka+yari, nenimayatsika ne hep+sta nexeiyani, neteuyah+wirieka ne tatakuri netiyupit+ak+.' ¹⁴ Né xeme pa+ nexerah+awe, ik+ uki kaneyani yukie reuya h+wiyariet+ m+ta iya kwareuya h+wiyarie, iya ke'ane hut+apa+t+ meyuka uit+a hipame wa'hepa+sta Kaka+yari hepa+sta m+k+mexi mekwate aya'axe, m+ta iya ke'ane naime Kaka+yari tiyatuirie sasúni ti'eriet+ hetsiena aix+ kateueriyerieka.'' ¹⁵ M+ta te+teri t+ri siere mekaniwareta at+wakait+ni, m+ta Jesús wa'hetsie yu'mama mauta net+anik+ imikieri wayatuiriekak+, m+ta kepauka t+riyamama memuninierix+tsie, mewarutitieni. ¹⁶ M+ta Jesús waruxe+ri, pa+'tiwarah+awet+: xewarupit+a t+ri itsimemut+t+ Ne hats+a meke'ak+ne, xekwawaruku hapanani. m+ta kaka+yari kwieparieya wahehtsie kayukatet+aka keane t+r+ wa hapa+ memu'ane . ¹⁷ Sasunimek+ ne pa+'nexarah+awe, ke ane'iyaá Kaka+yari kwieparieya kwatanake'erieni nunutsi hapa+ pekatiyuku h+awet+, Kaka+yari a hetsie kwayukatet+ani.'' ¹⁸ Xewit+ Judio'tsixi wa'ukiyari pita iwawiyax+ pa+ hait+, '' ek+ aix+ petiu +kita peh+k+, kene y+ni tukari kwax+we neyetuiriyarienik+?'' ¹⁹ Jesús'ta pa+ reh+awe,'' ¿ketiuru penetiku ter+wa aix+' tiuka'iyari? xewit+ aix+ kwatiuka'iyari, Kaka+yari xeik+a aix+ tiuka'iyari. ²⁰ Ek+ mari'itsika pemakumate - pekwa a karayunitsiwieka, pekwati amiekamet+ni ,pekwatinawayani, pekwati'itaka, a'yau kenue'enieka meta siere a'tei.'' ²¹ Judio'tsixi wa'ukiyari'ta pa+'p+tay+: ne naimetsie pa+ netikamie meripa+t+ ne netemaik+kaitsie pait+.'' ²² kepauka'ta Jesús mu'enax+ m+k+ pa+ reh+awe: xeik+a tixa+t+ ka'ateuya h+aka. naime pekatituam+k+ tita perexeiya m+ta iyamexi tumini pewayatuirieni ke'ane mekwate hau xeiya m+ta ek+ imik+eri yuawitsie pehexeiyat+ penayeim+k+ m+ta neneu'weiyeni m+ta ne t+riyama xe'h+k+t+ni.'' ²³ M+ta kepauka uki mu'enax+,m+k+ wa+kawa kaniuyuka heiwerieni, m+ta wa+kawame rexeiyakaik+. ²⁴ M+ta Jesús, ixeiyat+, siere'ta wa+kawa muyuka heiweri m+ta pa+ mutay+: kwa y+we iyamexi xikutsixi wa'hepa+sta mautahani Kaka+yari kwieparieyatsie! ²⁵ ka y+weni kameyú mautahani iwipame h+sta, ke'iya xikú mautahani Kaka+yari kwieparieya'tsie.'' ²⁶ Iyamexi me enanat+ pa+ meputiy+: ''¿ m+ta ke'ane puku'wikweni?'' ²⁷ Jesús ta pa+tiuta'a: tita kwati y+we te+teri wa'hetsie kay+weni Kaka+yari hepa+sta.'' ²⁸ M+ta Pedro pa+ m+tay+ neuxei tame naime tete'uku'eiri ta pini tetehe'xeiyakai m+ta te'atsi'uweya.'' ²⁹ Jesús m+ta pa+ tiwarah+awe: sasunimek+, pa+ nexerah+awe xewit+ kwa'uyeika yu kií ka'ukueirieka ,yu'+yaá, yu'iwama, yu't+riyama, aix+ ti'anenik+ Kak+yar+ kwiepariya, ³⁰ Mete'niyetuiriyariekuni masi waikawame ni'ke kepame meteuku'eiri, m+ta kwiepari makamie, tukari kwax+we mehexeiyat+ mekanak+nikuni.'' ³¹ M+ta m+k+ waru xe+rieka yu'doce , pa+ tiwarah+awe m+k+mexi: neuxei teyahuni Jerusalén, m+ta naime kemete'u ut+a temaikate ketiy+ni Uki Nu'aya hepa+sta katinaya at+ariem+k+. ³² M+ta m+k+ kayatuiyam+k+ gentiles, wahats+a, m+ta kata yuriyariem+k+, m+ta katinanaimariem+k+, meta ti'a+tsikamariex+ani. ³³ Arikeri tiweiyax+ame, m+k+mexi meni miekuni m+ta haika tukari hautinekaku M+k+ kaneukukem+k+ m+kite watsata.'' ³⁴ M+k+mexi mekwaheti'enana kehait+ mainekai, palekumek+ pa+ kwatiwaruta h+awix+ meka heiti'enienik+ ketiwara h+awet+ tiwarah+awekai. ³⁵ Kaneyeyani ya'umiemek+, Jesús mewata'hax+atsie Jericó kiekariyari'tsie, xewit+ uki kahaunieret+ muwa kaniutikateit+ni huye muye hahapane aurie tumini wa'ut+, ³⁶ M+ta waru'eni wa+kawa te+teri me'antik+kame, m+k+ kaniuta iwauni keti y+anet+ tiy+anekai. ³⁷ M+k+mexi'ta pa+ meteheh+awekai kename Jesús de Nazaret muwa hau'miekai. ³⁸ Iyaá uki kahauniere muta hiwax+, pa+ ha+t+: '' Jesús David nu'aya, nenimayatsika ne xeiyani ne hetsie.'' ³⁹ Keane h+xiena memuti'k+kakai mepenta te'akai, pa+ meteheh+áwet+ kename kaiwat+ keti'kanike. m+k+ tawarie wa+kawa kaniutahiwa: David Nu'aya nenimayatsika nexeiyani ne hetsie.'' ⁴⁰ Jesús'ta kawakeni pa+ kaniutay+ni kename uki ke'awit+kienike M+k+ h+xie. kepauka uki kwahauniere hurawa mu at+arie, Jesús pa+ re'iwawiya: ⁴¹ ¿keta pereuyah+wa ke'netiyurieni a hetsie?''m+k+'ta pa+'mutay+: Ukiyari, ne pa+ nereuyah+wa kename ek+ penetsiyetuirieni ne nieriya.'' ⁴² Jesús'ta pa+ reh+awe: ''kenan'wiyeni anieriya. sasúni petiuta'erik+ herie penaneni.'' ⁴³ Xeimieme haunieret+ kanayani, m+ta kaneyani Kaka+yari,ut+a tikwit+at+ eye xeiyat+. m+ta meuniniereka yu'nait+ te+teri kaka+yari me te'itakwit+a.