¹ M+ta uraniere, kepauku wa+kawa te+teri memuyuxe+ri, yuwa+kawat+ hipat+ yunsit+ meyu p+tsinakai, M+ta M+k+ yu t+riyama p+tiwarah+awe akuxi hipame p+katiwata'h+awiwet+: "xeney+ +wiyat+ fariseotsixi wa'ikit+arika, m+k+ ti'itarika. ² Tixa+ kwatixuawe ti'awietset+, m+ta tiyuhek+ata, m+ta tixa+ ti'awietset+, kareyutimanike. ³ M+ta tseapa tita tiutaxatsie uy+wikaku ti'eni+ri+k+re mu hek+atsie, m+ta tita petiuta'xa kitaa me'enanakaku, yemetiy+ni ki heima pait+. ⁴ Ne p+nexerah+awe xeme ne hamikuma, xekwa mamaka iya ke'ane waiyari memiekame, uraniereta yemeteyurieme tixa+ kwatixuawe kemeteyurieka. ⁵ Ne'ta xeme nexetamarit+ani iya ke'ane p+ta xetexieka. Iya xetexieka aku, ke'ane ra'miemerí, t+r+kariya mexeiya taipa xehaux+rieni. H+, Ne p+nexerah+awe, xeutexieka. ⁶ ¿Makatetuiya auxuwi wikixi mete aya'at+ hutame tumini? Akuxi m+k+ xewit+ kwat+maiyarie Kaka+yari h+xie. ⁷ M+ta akuxi nait+ a k+pa a mu'utsie mauka'u inaitsit+ka. Xekwa haumamaka. Xeme masi xete aya'axe ke akuxi yuwa+kawa wikixi. ⁸ Ne p+nexerah+awe, ke'ane ukitsi wah+xie netsitaxa'ta, Uki Nu'aya hapa+na metsitaxa'ta Kaka+yari akerimama h+xie, ⁹ ke'aneta ukitsi wa'h+xie yuta'imani Kaka+yari akerimama wah+xie ta'imaiyarieni. ¹⁰ Ke'aneta Uki Nu'aya hep+stana niuki tixuawit+ani, xeuyah+wiyarieni, m+ta iya ke'ane Espiritu Santo tatieni, m+k+ kwareuyah+wiyarieni. ¹¹ Kepauku xeman'hapanieni, Sinagoga, tatuwani h+xie hapa+na men+'a wah+xie, xekwayu h+aweni kexetiy+ni xeyukuh+anike, hapa+na niuki ke'ane xeyatuani, ¹² M+k+ Espíritu Santo xetita +kit+ani anam+ kexentiy+ni. ¹³ M+ta xewit+ mana te+teri metamat+ p+reh+awe M+k+: "Ti'+kitáme ne'iwa p+teutah+awi tete'ukuhayewiyarie hix+ata ketiupini." ¹⁴ Jesús preh+awe: "Uki, ¿Ke ane p+merah+awe kename ne aix+ rakayuruwa ne'h+k+ ek+ a'hetsie?" ¹⁵ M+ta M+k+ p+reh+awe: "Xeyuh+xiyani kataku xeme p+xete'uy+h+awe wa+kawa xetehexeiyani, p+kwati ane'kuta ana temu'uwa xewit+ tewi wa+kawa pini rexeiyani." ¹⁶ Uraniereta Jesús +xatsi warutah+wiri, p+hait+: "xewit+ uki t+minikame kwieya wa+kawa ikwaxi tiukaxei, ¹⁷ M+ta m+k+ p+tiuyuh+awix+ yu hetsie, p+hait+: '¿keney+ni, nekwa heixeiya kewa ne ikwaxi nemeti'uta? ¹⁸ m+k+ p+putay+: p+'i netiyuriem+k+.Ne ki ti'utame neti'uname m+ta hipame p+ta netiwewieni masi ut+t+me, muwata hatsi neti'uta hapa+na hipame pini. ¹⁹ Ne k+p+ri p+netitah+awe: "K+p+ri, perexeiya wa+kawa pini wa+ka witaritsie tinakeme. Neuka'uxipi paka amex+it+at+, petikwat+, pe'iet+, neu'akatemawi." ²⁰ M+ta Kaka+yari p+reh+awe: 'Uki kwahau'ena, hik+ t+karik+ a k+p+ri pauyah+iya, m+ta m+k+ pini perexeiya, ¿ke'ane pinieya ra'yani?' ²¹ Pa+m+ ane ke'ane tesoro yu'utsirie yuhetsie mieme m+ta tixa+ karexeiyat+ ane Kaka+yari h+xie." ²² Jesús p+tiwarah+awe yu t+riyama: Ya'umieme p+nexerah+awe xeme, xekwa yukuh+aweni yu'tukarik+, titak+ tetekwani, hapa+na yu waiyaritsie, tita xete'anakapini. ²³ Tukari katih+k+ masi ke akuxi ikwai, m+ta iya waiyari masi ke akuxi pini. ²⁴ Xewaruxeiya iya kwatsari, m+k+mexi makwa uka'etsa hapa+na makwa uka'itsana. M+k+mexi makwa heixeiya ki meteti'uta hapa+na hatsi meti'uta, yat+t+ Kaka+yari tiwamikwa. ¡Xeme masi xekate aya'axe! ²⁵ ¿M+ta ke'ane xeme yuh+awet+ yu tukari tateriya? ²⁶ Mets+ xeme xekay+wawe kexete uyurieni tixa+ kwatikwaniwe, ¿ketiuta xeyuku'h+aweni hipame wa'hep+sta? ²⁷ Xeuxeiya iya tutu, m+k+ ke'hapa+ tiuwewere. M+k+ makwate uximaya hapa+na makwa yuxu'u. akuxi p+nexerah+awe, Salomón naime rexeiyat+ m+k+ wahapa+ kwatiuy+ni+t+a. ²⁸ X+ka Kaka+yari yatiwan+it+aka tutu mauti'u yatata, hik+ mayeneniere, uxa ata taipa mauwiwiyani, xeme masi xeti kemarit+ani, ¡xeme wa+kawa sasuni xekwate'erie! ²⁹ Xekwa iwaut+weni tita kwai xetekwani, hapa+na tita xete an'ieni, m+ta siere xekwa yuh+aweni. ³⁰ M+ta te+teri yu nait+ kwiepa meta'ma ik+ metetixexeiya, m+ta Xe Yau rakumate kename xeme ik+ yeti'anene xetehauyah+wa. ³¹ M+ta xewaut+weni Kaka+yari kwiparieya, m+ta ik+ nait+ pini xe'teyatuiriyarieni. ³² Xekwa haumamaka, neniwema itsixeyumate, Xe'Yau aix+ xereu'eriya xetiyatiurieni m+k+ kwiepari timieme. ³³ Yu pini xeteneutua m+ta xeyatua iya ke'ane tixa+ makwate'hexeiya wahats+a. Xeuyutiwewiri k+tsiurite aku tsikway+we, hapa+na tesoros taheima mieme aku kwax+we, aku kewa kway+we tinawayame mautahani, meta hapa+na tepaxi makwate p+niyawetsie. ³⁴ M+ta kewa xe'tesoro meyukanierit+a, manam+ siere xe'iyari kaniere. ³⁵ Xeneuhayawa xe'iwi t+t+ kuxeyuk+ mitsinat+kani, m+ta xeuyupit+a xek+'xeme tat+kani, ³⁶ m+ta te+teri wahapa+ xe'aneni aku memikwewie ti'+kitame makunuani meyeika wiesta ne+kixa, m+ta m+k+ kepauku mamie m+ta tikayuit+ani, yapaukuta m+k+mexi itupari mepeiyepirieni. ³⁷ Aix+ me'it+arie m+k+ n+'aritsixi, m+k+ ukiyari wakaxeiya meteh+kame kepauku nuani. Sasunimek+ p+nexerah+awe yu kemari pa'yeni xe'kuxeyutsie, m+ta xe'kayatsa xetekwanik+, m+ta nuani hapa+na xe akatu'irieni. ³⁸ X+kata m+k+ ukiyari hutarieka mete'+wiyakaitsie nuani, m+ta siere hairieka tawari mete'+wiyatsie, m+ta x+ka warukaxeiya aix+ ma'aneneme, aix+ me'it+ariet+ meh+k+t+ni m+k+ n+'aritsixi. ³⁹ M+ta ik+ xetenakumaika, x+ka ukiyari kiekame rakumaikake kepauku nuani tinawayakame, m+k+ kwatiupit+anike m+wa kieta tiunawarienike. ⁴⁰ Hapa+na siere xetenemaika, mets+ xeme xekate akumate kepauku Uki Nu'aya nuani. ⁴¹ Pedro p+putay+: "Ukiyari, ¿ik+ +xatsi pa'h+wa ta'hetsie xeik+a ti'mieme, sunu siere yunaimetsie mieme?" ⁴² M+k+ Ukiyari p+putay+: "M+ta, ¿ke'ane h+k+ kati'itawat+ m+ta timaiwet+ ti'+wiyame aku ke'ane ukiyarieya ti'h+rit+ani hipame waheima anyakait+ aku hipat+ n+'aritsixi ti'wayatuirienike tinakeme ikwai kepauku maya'anitsie tukari? ⁴³ Nenimayatsie m+k+ n+'ari, aku m+k+ ukiyarieya mikaxeiya yetiyurieneme kepauku nuani. ⁴⁴ Sasunimek+ p+nexerah+awe kename m+k+ h+rit+arieni naime tita pini rexeiya. ⁴⁵ X+kata m+k+ n+'ariwame yu iyaritsie p+'utay+ni: 'Ne ukiyari nuanikekai reutewi,' m+ta p+y+anet+ utayuani n+'aritsixi wati'wayat+, m+ta ti'kwat+ m+ta ti'iet+, m+ta ienet+ tawet+, ⁴⁶ m+k+ n+'ari kutsiyarieya kanuam+k+ kepauku kwa'ikwewieka, maya'ar+kanitsie kepauku kwarakumaikatsie, m+ta ichinenekame tiwitex+ani m+ta pi'hek+ata m+k+ hetsie hipame sasuni mekwate'erie h+xie. ⁴⁷ Ik+'i n+'ari, retimaika ukiyarieya kentin+'akai, m+ta yakatikamiet+ yaka'uy+ka yakati'kayaka kerah+awer+wakai, wa+kawa tiweiyax+ani kaunarik+. ⁴⁸ M+ta ke'ane kwarakumaikai, m+ta yatikat+a kuweiyax+anik+, etsiwa xeik+a kuweiyax+ani kaunarik+. Ke'ane iya wa+kawa tiyatuiriyarie, waukawa tiwawiyarie, ke'aneta wa+kawa ti'xeiyast+arie, m+k+ masi wa+kawa ti'tawawiyarieni ⁴⁹ Ne ne'nua tai kwiepa netiwiwienike, m+ta p+nereuyah+wa kenameri keta'kari. ⁵⁰ Ne nepeixeiya +yarika m+ta neka'+yarieni, m+ta ¡ne'ta netiukukuine kepaukurike maya'ani! ⁵¹ ¿P+xeteku eriwa ke'name ne uxipiya neya'at+a ana kwiepa? Hawaik+, ne p+nexerah+awe, p+ta xekwa yun+kak+. ⁵² M+ta hik+ umautiy+ne p+tiy+ni meyu auxuwit+ meh+k+t+ni xeitapa kieta mekayun+t+, yu'haikat+ te+teri yu hutame me watixane'erieni,meta meyu'hutat+ te+teri yu'haikame wamat+a. ⁵³ M+ta m+k+mexi me yutax+riex+ani: yu'yau mat+a yu'niwé, meta yu'niwé mat+a yu'yau,meta yu'tei mat+a yu'niwé,m+ta nuaya yu'tei mat+a; meta siere yu'muué mat+a yu'war+ka+ meta yu'war+ka+ mat+a yu'muué.'' ⁵⁴ M+ta Jesús pa+'tiwarah+awe te+teri yu'wa+kawame: ''Kepauka xeme haiwi xem+xeiya akamiekame tserieta'tsie, ya'pauka xeme pa+'xetiy+ni: 'Pakamie witari' m+ta pa+'tiane. ⁵⁵ M+ta kepauka mu'ekani yutsut+a, xeme pa+'xemait+ka: m+ta uxukat+ payani m+ta pa+' tianeni. ⁵⁶ Xeme,te'itawamete xetenakumaika meta xenimaiwaweni kem+tiy+ane kwiepa meta ta'haima, m+ta, ¿keti'uta xeme xekwa'imaiwawe hik+ tukari? ⁵⁷ ¿Ketiu'ta xeme xe'kwateyuwawiriwa tita aix+ tiane xe'hepa+sta? ⁵⁸ M+ta Ketiu xeme xemayu'kaheka mat+a xepek+ tiwatixanetsiwa'tsie ,huyeta'ta wa+riyarika xeh+ni aix+ xe'teakayurieni m+k+ mat+a,kataku aix+ rakayuruwa hats+a xeye'at+arieni m+ta aix+ rakayuruwa hats+a kaxeyetuam+k+ xutarú, meta xutarú kaxariyarie kaxeneutax+riem+k+. ⁵⁹ Ne pa+ ne xerah+awe,xeme ni'ta heiwa xekwa'wayak+ne meta kepauka xewayak+nerike tumini yapa+meme xeyetuame.''