¹ Arikerike ye ti+y+ku, ukiyari kaniwaranaya'hapani hipame setenta, m+ta kaniwaren+'ani meyu huhutame, me'anye hait+t+at+ naitsarie kiekaritsie kentiku'yeikakai meta siere M+k+ meixeiyat+katei kewa meyani. ² M+k+ pa+ p+tay+: waikawa iwaxi h+k+, te uximayatamete etsiwa xeik+a mekanih+k+t+ni. mexi ukiyari pa+ xeteneuta h+awi ikwaxitsiemieme ke kwarani'ani te uximayatamete yu ikwaxi'tsie. ³ Xahuyeta xekenehuni. neuxei, Né nexatsi'an'n+ani xeme muxatsi wahapa+ +rawetsixi watsata. ⁴ Purutsa'ta tumini xekwahet+k+ni, ni purutsa hawai me yani et+t+, ni kakaite, ni hawai xeime xekwaha'h+awe huyeta. ⁵ Xeime kita xehautahax+ani xeme, pa+ xeneutiy+ki'meri: '¡ uxipiya xekeh+k+t+ni ik+ kita!' ⁶ xika xewit+ tewi uxipiya hexeuyat+ mana yukanierit+aka, uxipiya kanika uxipim+k+ m+k+ hetsie, meta xikateta hawaik+a, kananuam+k+ xahats+a. ⁷ Muwa kita xekeneyukanierit+aka, xetekwat+ meta siere xe'haret+ mik+mex+ tita mexeteyatuirie, m+ta ti'uximayatame hetsiena kateu y+weni tipit+arieka. xekwa anhuni kitata. ⁸ Tsepa kewa kiekarie xeme xemauta hax+a, m+k+mexita mexatsi hankwewieka, xeketeneukwa'ani tita xah+xie tikupiyani, ⁹ M+ta herie xekenewara'nenet+wani te kwikwikate mana meyukanierit+a. m+ta pa+ xetenewarah+aweni: ''kaka+yari kwieparieya xa hats+a kaninuani.'' ¹⁰ Tsepa kepauka xeme xemauta hats+a kiekarie, m+ta m+k+mexi tsepa mekaxatsi ankwewie, xekenehuni takwa huye muye hapanet+katsie m+ta pa+ xeutiy+ki: ¹¹ Hapa+na xe'kiekari kwauniyari, kanikuwewerikeni ta ketatetsíe, tame tekaneuyu'itiwani xeh+xie! m+ta xeme xeketenakumaika: kaka+yari kwieparieya xe hats+a kanuani.' ¹² Né pa+ nexerah+awe tukari maya'anitsie aix+ raka y+nitsie wa+kawa t+r+ka+yemek+ katiyuriem+k+ Sodoma hepaista ke m+k+ kiekari hepa+sta. ¹³ A hetsiets+ri, Corazín! ¡ a hetsiets+ri, Betsaida! t+r+kawit+ uximayatsika xeme xehetsie mutiwewiya, x+kate utiwewiyanike Tiro mita Sidón, m+k+ xikate me'uyuti'iyarit+anikeri meripa+ti, kemari miwawieni me'ut+t+ m+ta t+xaritsie me ayaxiket+. ¹⁴ m+ta wa+kawa t+r+ka+yemek+ kati y+m+k+ Tiro m+ta Sidón wa hepa+sta aix+ rakay+nitsie keni xame xa hepa+sta. ¹⁵ Ek+ Capernaúm,¿ pa+ meyiyuku h+awe kename eki iax+ anemek+ pa hankwewiyani ta heima yuawitsie? hawaik+a, ek+ pakanaka h+iyam+k+ taipa. ¹⁶ Ke'ane xeme xe'enieni kane'enieka Né, iyata ke'ane xeme waxetsihaukah+ani wakaneneuka h+aka, iyata ke'ane Né wanetsi haukah+wa, iya ke'ane netsiheyan+'a wakaneukah+aka.'' ¹⁷ Meyu setenta mekananuax+ani meyu temamawiet+, pa+ mehait+kait+: ''ukiyari, t+kakametsixi pait+ siere metatsihan'eni a ter+warikatsie.'' ¹⁸ Jesús'ta pa+ tiwarah+awe: Né t+kakama nexeiyakait+ni ta heima yuawitsie makah+iyatsie mimierikari hapa+. ¹⁹ Xeneniereni, Né t+r+kariya nexeyatuiri xewatiketsinik+ kuterixi meta siere ter+kaxi, wa t+r+kariya xeta ketsinik+, hawaik+a, nim+k+ mekwaxetekwinit+ani. ²⁰ Nita xekwayu temamawieka t+kakame n+arimama mexe'eniek+, xeneyu'temamawieka wa+kawamek+ kexetetewa taheima yuawitsie maka'utsiek+.'' ²¹ Ya xeik+ata siere M+k+ kaniuyuka'temawieni wa+kawa Espiritu Santo tsie, m+ta pa+ p+tay+: ne'atikwit+a, ne yau, taheima yuawitsie ukiyari meta siere kwiepa, eki ik+ petiukana te maikamete meta memau'enierie wa hetsie, m+ta pemi hek+atax+ iya ke'ane mekwate'akumate , t+ri itsimemut+t+ wa hapa+. h+ ,yau'a , ek+ pa+ pereuya h+wa a h+xie.'' ²² Nait+ pini tiyatuiya né hetsie ne yau hepa+sta, m+ta ni'xewit+ kwarakumate ke'ane nu'aya h+k+ yauya xeik+a, ni xewit+ kwarakumate ke'ane h+k+ yaukame nu'aya xeik+a , keme'aneneme newaranayahapa mekaneit+maikuni. ²³ Kepauka t+riyamama yu'h+k+ate yukanierit+akai hama+ana, m+k+ pa+ p+tay+ awiet+mek+: kaka+yari wa+kawa imik+eri wayatuirie iyamexi ke ane menire kentiy+ana tita xeme xetexeiya. ²⁴ Né pa+ nexerah+awe, meyu wa+kawa te maikate meta reyes pa+ meteyuku h+awekai metexeiyakut+ tita xeme xetexeiya , m+ta mekwate uxei, m+ta mete'enikukai tita xeme xete'enie, nita m+k+mexi mekwate'u'eni.'' ²⁵ Xewit+ ti +kitame judías mari'itsikayatsie kaneunkukeni i'in+atam+t+, pa+ hait+: Ti +kitame, ¿ ne kenetikamieni neyatuiriyarienik+ tukari ka x+we? '' ²⁶ Jesús ta pa+ reh+awe: tita raka uxa mari'itsikatsie? ¿keta haine? ²⁷ He'eiyat+ m+k+ pa+ kaniutay+ni: ek+ pemauya h+aka ukiyari a kaka+yari a iyayari aka xewimek+, a k+p+r+ aka xewimek+, naime at+r+kariyak+, m+ta ah+awiya aka xewit+, m+ta a'iwa pekehauya h+aka eki kepem+reuyuyah+wa hapa+. ²⁸ Jesús pa+ reh+awe: '' ik+ aix+ pekatiniu ani. pa+ ketekaye'a, mita ek+ tukari kax+we pehexeiyat+ penayeim+k+.'' ²⁹ M+ta ti +kitame, yu hetsie nuam+t+ Jesús pa+ rah+awe: ¿m+ta ke'ane h+k+ ne'iwa?'' ³⁰ Pa+ta re'eiya Jesús pa+ hait+: '' heiwa xewit+ uki Judío Jerusalén yeyaka Jericó hauyaka. mexita huyeta umie te nawawayamete mekanenkunake, m+k+mexi naime piniteya mekateninawairieni, m+ta menitiwax+ani, mekani'mieni t+ma. ³¹ Anatsieta xewit+ tatsini muwa huyeta maumiekai ,kepauka m+k+ mitseitsie, m+k+ yatewapai kaniukuyani. ³² Ya xeik+ata xewit+ Levita, kepauka mana makunetsie m+ta mixei, yetewapait+ kaniukuyani. ³³ Xewit+ Samaritano, pumieka+ Huyeta iya uki kewa mekateitsie. kepauka mixei, kaniti nenimayata. ³⁴ M+k+ kaniwayani hats+ana kanikuh+ax+ani ixurikik+ mauk+ h+h+nikaitsie, kanita wirieni haceiti siere w+nu kaniku wiriex+ani mauk+ h+h+nika+tsie. m+k+ kanenti yeni yu tewatsie m+ta caneit+ni kita k+kamete memuyehipitetsie, m+ta kanitah+ni. ³⁵ Uxa'arieka tukari plata tuminiyari hutame kaniwati'+ni iya kita tih+weme kaniu +it+ani, pa+ hait+: ik+ kene'+wiyeni m+ta x+ka tixa+ tsirany+nemek+ pe'itix+t+ani, kepauka ne'nemanuani, nematipit+ani. ³⁶ ¿Ik+ yu haikat+ ke'ane h+k+, ek+ pera'eriwa, ke'ane iwayat+kai iya tenawawayamete watsie muyuh+a? ³⁷ Ti'+kitame pa+ p+tay+: iya ke'ane nenimayatsika muhek+atax+ m+k+ hepa+sta. Jesús pa+ katineh+aweni: kenemie m+ta pa+ketekamieni.'' ³⁸ Mexita m+k+mexi me u'hut+, M+k+ kaneuta hani kiekarita, xewit+ uka titewat+ Marta kanenkwewieni yukie. ³⁹ M+k+ yu'tarutsi kanexeiyakait+ni titewakame María, m+k+ Jesús ketateya h+tsie kaniuta yar+ni m+ta niuki kaniu'enieni. ⁴⁰ M+ya marta kwa i'h+kai ax+ tikuyuruwat+ ikwai rakatuax+anike. m+k+ta Jesús hats+a kaniwayani m+ta pa+ kaniuta y+ni: '' Ukiyari, ¿ pekare a'iyarit+a ne tarutsi nesa+kame netsi'ukuhayawax+ neraka tuax+anik+? ⁴¹ Pa+ teutah+awi kenetsi parewieni.'' m+ta ukiyari pa+p+tay+ m+ta m+k+ pa+ rah+awe: Marta, Marta, ek+ wa+kawa h+awiya pepexieya, ⁴² Xeik+a tixa+t+ xewit+ kateuyewekani. María katinanayehana tita aix+ ti'ane, imikieri muye tuiriyeri kwanawaiyerieni.