¹ Yu wa+kawat+ hipat+ aix+ meteyurieku iyaatita kentiy+ane aku yatiuy+ a'na tetaamatsie. Aku m+k+ memiyatua ta'hetsie, ² ke'ane aku mat+aripait+ mamunierix+ m+ta siere n+'aritsixi Kaka+yari niukieyatsie. ³ M+ta, ne'hep+sta siere aix+'ane wa+kawa ne'iwaunet+ iyaá kewa rehatinex+a mat+aripait+ nemita'ut+a kehapa+ reukuhane a hetsie ne'itipit+ ek+ petimaiwe Teofilo. ⁴ Ik+ tih+k+ peretimanik+ tita tisasuni aku iyaa tita ek+ petiuta'+kit+arie. ⁵ Herodes muyeikakaitsie, Rey de Judea, xewit+ puyeikakai tatsini Zacarias titewat+, mete awiyakai aku Abías tsie. +yaya xewit+ h+k+t+kai Aarón niwemama iyaa Elisabet titewakai. ⁶ M+k+ aix+ metekahukai Kaka+yati h+xie, mei'eniet+ mari'itsikatsie hapa+na kentin+'akai wa'Ukiyari. ⁷ M+k+ta nunutsi mekwa hexeiyakai, iyaa Elisabet kwa'niwewekai m+k+ yu hutat+ wa+ka witari makutekai a'nam+. ⁸ Hik+ta paya'ar+kakai kepauku Zacarias Kaka+yari titimawirienikekai, kepauku hetsiena tinakekai m+k+ titimawakekai . ⁹ Ke'hapa+ mete'uhukai xeime tatsini mamanayahana tita'uximayanik+, m+k+ yu'wa+kawat+ mepenayaha teyupanie mautahanik+ p+tsi taiyake Kaka+yari h+xie. ¹⁰ Yunait+ teuteri wa+kawa takwa meyunenewiekai kepauku iyaa p+tsi taiyariekai. ¹¹ Ana'ta xewit+ Kaka+yari akerieya puyuhek+atax+ h+xiena, manata tseriena putike aku niwetari p+tsi taiyariekaitsie. ¹² Keapuku Zacarias munierix+ puti'ma hetsiena mariika pukawe. ¹³ M+k+ akeri p+'reha+awe: "pakwahaumaka Zacarias, a'nenewieri puyu'eni. A'+ya Elisabet tihukata. Ek+ta m+k+ Juan petiter+wa. ¹⁴ Ek+ temawiya pakaxeiya hapa+na hipat+ meyukatemawieni kepauku tinuiwa. ¹⁵ M+k+ wa+ka raya'ani Kaka+yari Hep+sta. M+k+ ni heiwa winu kwa an'ieni, hapa+na tixa+ titawaiyakame, m+k+ta wa+kawa yatuiriyarieni Espíritu Santo akuxi yu tei hukayatsie ayakait+. ¹⁶ M+ta yu'wa+kawat+ Israel niwemama Yu'Ukiyari Kaka+yari hats+a mapanuax+ani. ¹⁷ M+k+ panyayar+ni Kaka+yari h+xie t+r+ka+yemek+ yu k+p+ritsie hapa+na Elias t+r+kariyayatsie. M+k+ yatikayani yaukate wa'iyari enuit+anike yuniwematsie, ke'ane makwa hau'enana aix+ mete anayak+nek+ aix+ manyinetsie aku aix+ tikamie aku aix+ ma'anenik+ Kepauku Kaka+yari hamietsie. ¹⁸ Zacarias p+'titaha+awixi akeri: "¿Ke hapa+ta ik+ neretimani? ne neukiratsi'ri ne'+ya hap+na mauyumateri." ¹⁹ M+k+ta akeri p+ti'ei: "Ne neh+k+ Gabriel, aku ke'ane Kaka+yari h+xie muwe. ne ta nemeyan+'arie nemetitaxat+anik+, niuki temawiyakame. ²⁰ M+ta yati'anek+, ek+ kaiwat+ pepumakani, pakaniuwet+ papayani, kepaukurike ik+ niuki mayuya'at+ani. Ik+'i yatiy+ni sasuni pakwa tiuta'erik+ ne'niukitsie, ik+'i yatiy+ni kepauku maya'ani. ²¹ M+ta teuteri Zacarias mekwewiekai. M+k+mexi meyu h+xiyakai m+k+ wa+kawa reutewikaik+ teyuyapanie yeyeikat+. ²² Kepaukuta m+k+ wayat+a, m+k+ kwaniuwekai. M+k+mexi p+'mete'uy+h+awix+ kename m+k+ Kaka+yari hein+tsieya uxeyakai aku mana teyupanie yeyeikakaitsie. M+k+ta yu'mamatek+ waruh+awet+ kaiwat+ puyuhayawax+. ²³ Kepauku makax+ uximayatsikaya m+k+ yu'kie pet+a. ²⁴ U'maniereta tukari anyayaku, +yaya Elisabet putihukatax+. M+k+ auxuwi metseri yuxa+ta waput+a. M+k+ p+'putay+: ²⁵ Ik+ Kaka+yari yatiuyuri ne'hetsie kepauku netsi'utinenimayatax+ netsiuti'utax+ kataku teuteri menetsu'tinanaimanik+. ²⁶ Ata huta metseriyaritsie, iyaa akeri Gabriel Kaka+yari pein+'a kiekarita Galilea hapa+na Nazaret tiyetewakaku, ²⁷ xeime hats+a uká naimime m+k+ta mepuyutipikai kename ma'anyuwit+nikekai xewit+ uki'mat+a José titewat+. M+k+ta David nuiwarieya h+k+t+kai, m+k+ta uka naimekai titewakai Maria. ²⁸ M+k+ hats+ana nua p+'reh+awet+: "¡pitawa+rit+a; ek+ Kaka+yari metsu'tinenimayatax+! M+k+ Ukiyari a'hetsie kaniere." ²⁹ M+k+ta wa+kawa puyutih+awix+ yatiu'enakaik+ payu'iwawiyakai ketita ik+ wa+ritsika tih+k+t+kai. ³⁰ M+k+ ákeri p+'titah+awix+: "Maria, Pakwahaumaka, penikaxeiya Kaka+yari nenimayatsikaya. ³¹ Neunieri, ek+ petihukata nunutsi petinuiwit+am+k+. Ek+ta 'Jesus' petiter+wa. ³² M+k+ t+r+ka+yet+ payani M+k+ p+tiuh+awer+wat+ payani Kaka+yari nu'aya watapai makawe. M+k+ Ukiyari Kaka+yari piyatuirieni David'uwenieya. ³³ M+k+ tan+'ani Jacob kita tukari mautiyune kwahau'axe M+k+ n+'akatsie. ³⁴ Maria akeri p+'rah+awe: "¿ke hapa+ ik+ yatiy+ni, akuxi ne uki'mat+a ne'kakahuiwet+?" ³⁵ M+k+ akeri p+'reh+awet+ p+ti'ei: "Espíritu Santo a'hetsie ka'teeni Kaka+yari t+r+kariyaya metsi an'kanani. M+k+ aku tinuiwa tatakuri kwahexeiya p+tih+awerieni Kaka+yari Nu'aya." ³⁶ M+ta neunieri, a'mare Elisabet, hapa+na siere payahuka akuxi ukaratsit+t+. Hik+ri atahuta metsayari kah+k+t+ni mayahuka, M+k+ aku mete akumaikai kename kaniwewekai. ³⁷ Ni tixa+t+ kwatij+k+ y+wet+ Kaka+yari hep+sta." ³⁸ Maria p+'putay+: "Neunieri, ne neh+k+ Kaka+yari n+'arieya. P+keti'aneni ne'hetsie ek+ kepamaine." M+ta ákeri ya'utay+ka pet+a. ³⁹ M+ta yapauku Maria pankuke a'na tukaritsie mex+iwa pet+a h+rimutsie kiekari Judea tiyetewakaku. ⁴⁰ M+k+ Zacarias kita pautaha m+ta Elisabet putah+awix+. ⁴¹ Anam+ta p+'ti+y+ keapuku Elisabet Maria mutah+awix+tsie m+k+ nunutsi hukayatsiepait+ pukuyua m+ta Elisabet hetsiena Espíritu Santo wa+kawa payukatet+a. ⁴² M+k+ p+'putay+ t+r+ka+yemek+: "Penenimayatsie ek+ ukari'watsata hapa+na nenimayatsie mayaka a'hukatsie. ⁴³ ¿Ketiuta ne nepanaya'hanie ne nemayani teikame iyaa Ukiyari ne 'hetsie nua? ⁴⁴ Neunieri, kepauku aku penetsuta h+awix+tsie nemu'enax+tsie, nunutsi ne'hukatsie putitsunax+ temawiyak+. ⁴⁵ M+ta nenimatiwa m+k+ sasuni tiuta erik+ kename yatiy+ni niuki aku yatuiriyarie Kaka+yari miyatuiri." ⁴⁶ Maria p+'putay+: ⁴⁷ "Ne'k+p+ri Ukiyari hep+sta yutemawie m+ta ne'k+p+ri yutemawie Kaka+yari hep+sta Netsi Wikwest+wame. ⁴⁸ M+k+ Netsuxei kename né n+'ari neh+k+. Neunieri, hik+pait+ u'mautiyune nuiwari mamakamie p+'meneteuh+aweni mutinenimayatsie. ⁴⁹ M+k+ aku t+r+ka+ye wa+kawa tiuyuri ne'hep+sta m+ta M+k+ p+titewa Santo. ⁵⁰ Nenimayatsikaya nuiwaritsie payani tawarie nuiwaritsie iyamexi ke'ane memitexie. M+k+ Yu'hek+ata kename t+r+ka+ye; ⁵¹ M+k+ puka'e hipametsie ke'ane aku meyuwe'eta yu'iyaritsie. ⁵² M+k+ wara'iwax+ tatuwanitsixi kewa memen+'akai iya'ta waranku'uit+a ke'ane makap+nariekai. ⁵³ M+k+ warutihuxait+a mamauhakakwikukai aix+'anyinemek+, iyaata tuminikame puhayawarie tixa+ karexeiyame. ⁵⁴ M+k+ piyatua parewiya iyaa n+'arimama Israel, waraye'erist+anik+ ke'hapa+ tiwayatuiri nenimayatsika ⁵⁵ (aku xe'yeyauma ketiwarutah+awekai) aku Abraham hapa+na wanuiwari tukari mautiyune. ⁵⁶ Maria pu'kunua Elisabet'hats+a haika metsaya pautine hamat+ana ukait+ u'maniereta yu'kie pakunua. ⁵⁷ Hik+tari paya'a Elisabet'tiniwe m+ta m+k+ yu'niwe puh+a. ⁵⁸ Auriena kiepa mamautitekai hapa+na maremáma mapu'enax+ kename Kaka+yari i'hek+atakai nenimayatsika hep+stana m+ta hamat+ana mapuyukatemawi. ⁵⁹ A'nam+ta p+'tiuy+ ata haika tukari umiekaku nunutsi circunsición mapuwewiri. M+m+mexi "Zacarias" mete iter+wax+ yauya p+'titewakaik+. ⁶⁰ Teyaya'ta p+'tiu'a p+'hait+: "Hawaik+. M+k+ p+ta Juan titewat+ payani." ⁶¹ M+k+mexi p+'meteheh+awe: "xewit+ kwa'uyeika p+'titewat+ xeme maretsixi xekutei. ⁶² M+k+mexi yu'mamatek+ yu'yau p+mete u'iwawiyax+ kehapa+ titater+wakekai. ⁶³ Yaukame hukú xiteyari putawau ti'utsiwame m+ta p+'tiu'ut+a: "M+k+ Juan'titewa." M+k+mexi yunait+ mapuwawa+rix+a yamutay+k+. ⁶⁴ Yapauku'ta tenieya panyutayepi nenieya siere pu'x+nix+. M+k+ putaniu hapa+na Kaka+yari tiutakwit+a. ⁶⁵ Marika wat+a iyaa ke'ane wa'aurie mamatet+katei. Ik+'i yatiuy+ niuki pautak+nix+a mana kiekari mamanet+kateitsie h+ritsie Jude tiyetewatsie. ⁶⁶ Keyupat+ta memu'enana yu'iyaritsie niuki maputi utax+ m+ta p+'maputiy+. "¿Ke tita ik+ nuntsi rayani?" M+ta Ukiyari'mamaya Hetsiena yukanierit+akai. ⁶⁷ Yauya Zacarias putah+niyarie Espíritu Santo m+ta niuki yatua, p+'hait+: ⁶⁸ Ukiyari ketikwit+arieka, aku Israel wa'Kaka+yari, M+k+ kanuani tikuparewienet+ M+k+ta kaneya'at+ani Yu'kiekari metaama warutinanai. ⁶⁹ M+k+ penkuha xeime áwa wikwest+arika tame ta'hetsie aku n+'ari David kiena, ⁷⁰ aku kehapa+ tiuniukai iyaa wa'hetsie wa'teta timaikamete aku mamu'uwakai meripait+ mat+aripait+. ⁷¹ M+k+ pi'at+ani wikwest+arika ta neikixiwima wa'hetsie m+ta siere iyaa yumaime ke'ane matatsi xane'erie. ⁷² M+k+ yakatiyuriem+k+ ta'yeyauma wa'xeiyast+anike nenimayatsika, ⁷³ m+ta siere waraye'erist+anike kehapa+ tiwaruxewiri. ⁷⁴ M+k+ xewiriyarika warutaxat+a iyaa Abraham ta'yau. M+k+ p+'tatiuxewiri kename tame tatsiyatuirieni, akuxi te utix+narieka iyaa ta'ne+kixiwima ta'heima mamuyahukaitsie, aku temeyexeiyanik+ tekahaumamat+, ⁷⁵ tatakuri tekatehexeiyat+ aix+ many+netsie H+r+pana tukarik+ umautiyune. ⁷⁶ H+, ek+ ta, nunutsi, p+petiuter+war+wani timaikame taheima ta'Yau kaniere n+'arieya, Ek+ pepanyayar+ni ta'Ukiyari h+xie aku yu 'huye aix+ meyurienik+, aku teuteri meyukuh+awenik+ ⁷⁷ M+k+ hamiek+, ek+ wikwest+arika pe'hek+atak+ aku yu'kiekari tatakurik+ tiwareuyah+wirieni. ⁷⁸ Ik+ yatiy+ni wa+kawa nenimayatsika mexeiya ta'Kaka+yari, ya umieme M+k+ tau matineikatsie hatineni tatsiparewienike, ⁷⁹ wahek+ariwiyake iyaa ke'ane muy+witsie memu'uwa hapa+na siere m+kiriya mariwetsie. M+k+ ik+ yatiyurieni tatsi'xeiyast+anike ta'+kate muhunik+ kaiwat+ tiumatsie. ⁸⁰ A'nam+ta nunutsi putawerix+ t+r+ka+yet+ pat+a yu'espiritu'tsie m+ta M+k+ tixa+ kwatiuxuaweriwetsie puyeikakai kepaukurike muyu'hek+atax+ teuteri wahep+sta aku Israel.