¹ Xewit+ titewat+ n+ari Pablo, kway+we ni ukitsi wa mamatek+ sinú pa+ta Jesucristo meta Kaka+yari Yaukame, keane men'kuha m+kite wa'tsata, ² Meta yu'nait+ iwamarixi ne hemat+a teyupanie me mayu'tixexe+riwa aku Galicia: ³ Nenimaya'tsika xe'hetsie ke'miemet+ni meta isiere Kaka+yari ta'Yau meta ta'Ukiyari Jesucristo uxipiyaya, ⁴ M+k+ kaniyuyetuani yuk+mana tame'tatakurik+, m+ta isiere tem+kuwikwenik+ hik+ tsitiy+ane'tsie, ya mainek+ ta'Kaka+yari Yaukame, ⁵ M+k+ ra'yat+ ke h+k+t+ni tukarik+.Pa+ keaneni. ⁶ Ne nep+ wa+re xeme m+k+ xemiku'eiri xatsi utah+awix+'tsie Cristo nenimayatsikaya'tsie. Ne nep+wa+re aku xeme xeyu'wapat+wekai'tsie Kaka+yari niukieya y+k+ ane'tsie. ⁷ Ik+ pa+ any+t+ kwa'any+ne kename Kaka+yari niukieya xuawe hipat+, meta hipat+ ukitsi mekani'xuaweni tsiti'anekame me xetewiwiriet+ meta xeni'wapakuni Cristo nikieya. ⁸ M+ta x+ka tame, xewit+ akeri ta'heima kiekame, pa+ xetiutah+awe xewit+k+ niuki y+k+ anek+ aku tame'ta tete'itah+awe,m+k+ tsiti'it+a ke h+k+t+ni. ⁹ Temutiy+'hapa+ mat+ari, hik+'ta ya xeik+a pa+ netay+ni: '' ¹⁰ X+ka xewit+ xetiuta'h+awe xeme kename Kaka+yari niukieya xemankwewi ka'h+k+, m+k+ tsiti'it+a ke h+k+t+ni. '' M+ta, ¿hik+ ne piwaune ukitsi me netsi'akaxewiririeni yat+ni Kaka+yari? ¿Ne piwaune ukitsi wa'hepasta aix+ neti'xeiriyeriekak+? X+ka akuxi ye'netiku'eriwat+ aix+ neti'xeiriyeriekak+ ukitsi wa'hepasta, meta ne ne'kwah+k+ Cristo n+arieya. ¹¹ Ne pa+ nereuyeh+wa iwamarixi xete'akumaikak+, kename uki Kaka+yari niukieya mutaxa kah+k+. ¹² Ne xewit+ uki kwanetsiyetuiri, ni'ta hapa+na kwa'netsi'uta'+kit+a.Ta'aurie mawe'tse Jesucristo ne kane'tiuxeiyast+ani. ¹³ Xeme xena enanaweni ne tukarik+ h+k+a raukay+ne Judadismo'tsie, aku ne nemuyeiyakai'tsie Kaka+yari teyupanieya kareka'in+arimek+ m+ta isiere pa+ ne tiku'eriwat+ kename ne waka'una. ¹⁴ Ne masi ne panyekatei Judaísmo'tsie t+apait+ me yu'wa+kawa wa'hetsie ne hapa+ me yumate,ne kie kiekatari. M+ta kwinie neti'+tetsakai antiyakamek+ ne yeu raya'xeiyekai'tsie. ¹⁵ M+ta kepauka Kaka+yari, ne tsi'anayeha'tsie ne tei hukaya'tsie, ne mayekatei'tsie meta keane netsi'utah+awix+ yu'nenimayatsika'tsie, ¹⁶ Yetiu'tanake'eri yu'niwe tixeiyast+ani h+r+pana, ne ne'kwa'uta'iwai ya'pauka waiyarieyak+ meta xuriyayak+. ¹⁷ Ne ne kwa'het+a Jerusalén m+k+mexi me mu'ax+a'tsie me'ak+neke n+aritsixi akuxi ne ne ka'ayeiwekaku meripait+, pa+'ta ne nehan'yani Arabia pait+ m+ta arike ne panua Damasco. ¹⁸ M+ta'ri arike haika witri anuyaykaku ne pet+a Jerusalén anarike Cefas tite'wakame ne xexeiyat+ ne pat+a, m+ta isiere hemat+ana ne puku'nua 15 tukari. ¹⁹ M+ta xeime ne kwa'uxei hipame n+aritsixi k+rix+a hawaik+ Santiago, iya iwaya Ukiyari. ²⁰ aku ne ne'xetiku'utsiriwa, ne ne pekaxewiriya Kaka+yari h+xie kename ne ne'kati'ita. ²¹ Arike ne pet+a kiekari anyeyeu'tsie Siria meta Cilicia pait+. ²² Ne akuxi ne kwa'ayukumate, ne kwa'xexeiyar+wa Judea wa'teyupanie Cristo'tsie mete'awiye, ²³ M+k+mexi x+ka h+rix+a me enanat+ me utiyuanenike. M+k+ uki heiwa tatsi'uweiyakai,hik+'ta he'h+awet+ yuri ti'eriet+ heiwa pa+ tiu'yuri t+ma tiuka'unax+.'' ²⁴ M+ta m+k+mexi Kaka+yari t+r+ka+yemek+ me paye'xeiyakai ke nem+y+'kaik+.