¹ Iwamarixi p+tete hauyah+wa xeme xete akumaika aku Kaka+yari imikierieya yatuiya teyupanie mamuyukuxexe+riya aku Macedonia. ² Hix+apa wa+ka in+atsika xuawe aku heiwerika, anayuhayawat+ temawiya m+ta siere t+t+ me puretsixit+t+ wa+kawa tumini meyatua mete uyukanenimaya. ³ M+'ta ne nepunierix+ kename m+k+mexi meteya'tua wa+ka kepamek+ memu y+wekax+a m+ta masi heimana wa+kawa kahapa+ mekway+wawekai. M+ta wa'iyaritsie mayene xewit+ yakatiwarah+awekaku, ⁴ wa+kawa te'iwaut+, metatsutawawiri aku tey+wawet+ tetewani ik+'i parewiyatsie aku yuri mete'erie wa'hetsie mieme. ⁵ Ik+ p+kwa tiuy+ aku tame ketete ikwewakai. Hetsiena mieme, mat+ari pait+ Ukiyari Hats+a meyuyatua. Umaniere'ta, meyuyatua ta'hats+a Kaka+yari +reuyah+akaku. ⁶ Ya'umiemeta tepiwawirie Tito, aku m+k+'ri mikatsut+akai ik+'i uximayatsika, aku meya at+anik+ ik+'i xeteyatua aku xeme. ⁷ M+ta xeme ranayuhayawa xehepa+sta: yuri eriyarikatsie, xe'nuikitsie, xete akumate wa+kawa, paleku xetekumateket+ nake'eriyarikatsie tame ta'hepa+sta. M+ta xeme siere xaka xewiriyani ik+ imikieritsie keranayuhayawani. ⁸ Ik+ yenemaine hawaik+t+t+ n+'ari kwah+k+. Ta'aurie mawetse, yenemaine p+ne nexe in+atat+ xenake'eriyatsie ne i'in+atat+ hipat+ te+teri kemetekahu. ⁹ M+'ta xeme xepekumate ta'Ukiyari Jesucristo imikierieya. Tseapa M+k+ nai rexeiyakai, xeme aix+ xetehauku'tenik+ M+k+ pure payuyeit+a, M+k+ pure ayuyeit+aku xeme xemak+ne naime xete hexeiyat+. ¹⁰ Ik+ yamanyinetsie xeime mari'itska nexeyatuirieni m+k+'ta xeparewieni. Xei witari mautinena, xeme xeik+a xekwate ukatsut+a xete uximayat+, siere yexetekak+ kexetehauyah+akai. ¹¹ Hik+tari xekenakah+wa. Aku kehapa+ xeteyutemamawiekai yexeteyurienike umaniere'ta, hapa+na siere xete akah+ani, mex+iwa kepauku xey+wekax+ani. ¹² X+ka xeme ik+ yamanyine yaxete yuriekuni, aix+ anyit+ panyine siere yunake'erie. Ik+'i yamanyine tewi'tsie kehakuneka tita rexeiya, haik+'ta tita kwarexeiya. ¹³ M+'ta ik+ yamanyine p+kwati'ane hipat+ maparewiyanik+ m+ta xeme xeyuti ikat+ani. Hetsiena mieme, p+ta yaxeik+a tipa+meme xetenexeiyani. ¹⁴ Xeme anayuhayawakame xete hexeiya hik+ tukari meteyatuiriyarieni m+k+mexi tita mete hauyah+wa. Ik+ siere yati'ane m+k+mexi ranayuhayawakame metehexeiya xeme xehetsie timieme tita xetehauyah+wa, pa+ma'ta yaxeik+a tipa+meme xetehexeiyani. ¹⁵ Ik+ yati'ane p+re uxak+: ''KE'ANE WA+KAWA REXEIYAKAI TIXA+ KWARANAYU HAYEWIRI, M+TA KE'ANE ECHIWA REXEIYAKAI TIXA+ REIYAH+AT+ KWARAT+A.'' ¹⁶ M+'ta panpayusi Kaka+yari, aku Tito iyarieyatsie yukatet+a m+ta siere ne pa+m+ nexereuku +wiya xeme. ¹⁷ M+ta m+k+ xeik+ kwa itanake'eri tame parewiya tewaukai, p+ta paleku puyu iwayax+ ik+ yamanyinetsie. M+k+ peyat+a xe'hats+a yareuyah+at+ yu'hetse. ¹⁸ M+'ta tame tepein+'a hamat+ana aku ta'iwa aku meminake'erie yu'nait+ teyupanie mamuyukuxexe+riwa aku ti'uximayak+ Kaka+yari niukieya kuxatat+. ¹⁹ M+'ta ik+ xeik+a hawaik+, p+ta m+k+ panayahanie iya mepeneya'ha iwamarixi teyupanie mamuyukuxexe+riwa ta'hamat+a muyeikanik+ aku rakah+anik+ ik+ yamanyinek+ tumini man'+ni. Ik+ yati'áne Ukiyari raya'ar+kame temayeit+akak+ m+ta siere temihek+ata ta'parewiya yatetehaunake'eriet+ teteparewie. ²⁰ Tame p+teteku'eriwa p+tekatehauyah+at+ aku xewit+ niuki xat+aka ta'hepa+sta aku yatete kahuku tumini teyatuak+. ²¹ Tame teyu +wiya aix+ tetekahuni, xeik+a Ukiyari h+xie waik+, hapa+na siere te+teri wa'h+xie. ²² Tame siere xeime ta'iwa tepein+'a wahamat+a; muixa kahautineika'kaku tepi in+atat+we, m+ta p+tete ixeiya aix+ tikamiekame aku tete uximayatsie. Hik+'ta m+k+ masi wa+kawa aix+ tikamie aku xe'hestie kwareutawe'eriek+. ²³ M+ta Tito'tsie hakunena, m+k+ h+k+ neparewiwame temiweiya uximayatsika xeme xe'hats+a. M+'ta ta'iwamatsie hakunena, m+k+mexi teyupanie mamuyukuxexe+riwa mewareyan+'a. ²⁴ M+k+mexi mete aya'at+ meh+k+ Cristo'tsie. Ya'umieme xe'waruhek+atsiri aix+ eriyarika, m+ta xeuhek+a'ta aku teyupanie mamuyukuxexe+riwa ketiu tame tepauta'+ xe'hepa+sta aku hipame aku teyupanie mamuyukuxexe+riwa.