¹ ¿Tawari'ta tetetayua tame kwinie tewa teyuka uit+at+'? Tame tekwa hauyahuwa xapa paleku tikuxatame tahapa+sta ni xehapa+sta, hipat+ wahap+, ¿ sun+ hu tepeiyahuwa? ² Xeme xeik+a xehuk+ xapa tahapa+sta aix+ tikuxa'ta, raka'utsie ta iyaritsie, akumatiwat+, ter+warie't+ aku yunait+ te+teri. ³ Xeme xete'hek+ata kename xeme xehuk+ Kaka+yari xapaya. Muta'utsie aku ti'ut+wame ka akweiyat+ p+ta Kakaiyari Espiritu'yak+ makanieret+. Hawaik+ kwua aka'utsie tetesie, p+ta te+teri wa hiyaritsie. ⁴ M+k+'ta h+k+ yuri tete'erie Kaka+yaritsie aku temakaw+ Cristo'sie. ⁵ Tekway+wawe ketemuy+ni Kaka+yari hapa+sta teyuhuk+'ate ta t+r+kariyak+, ya humieme kwa y+we p+temutiy+ni kename tey+wawe. ⁶ P+ta Kaka+yari tatsiyatuirie t+rikariya temeixeiyani'k+ ketemuy+ni hapa+stana. Kaka+yari huk+ tati +k+t+'a tehuk+t+nik+ teparewiwame'te hekwuamek+ memekaxewiriya. Ik+ memekaxewiriyax+ h+k+ +kitsika, kwahuk+ utsiekame, p+ta Espirutu tiuyuri. Utsika ramieni, m+ta m+k+ Espiritu tukari yatua. ⁷ Kaka+yari mari'itsikaya meripait+ mieme m+iyakai, aku tetesie meka ut+akai, nua wa+kawa raya'at+ Israel'tari wahatsia mekwua y+wawekai memantaxeiyax+ani Moises xawat+riyak+. Kentiuyu hek+k+arekai'k+ rayahat+ wa+kawa h+xiena kanierekai xawat+riya, m+ta xawat+riya pankan+aximekai yumait+. ⁸ ¿ Ke'hap+ masi kwinie katiuyuhek+k+are Espirituya? ⁹ X+kate meripait+ muyeikakai mari'itsika wa+kawa raya'at+kait+ni ¡ ke hapa+ masi h+k+ karaya'axe mari'itsika tiuyukanenimaya¡ ¹⁰ H+ karik+ m+k+ meripait+ raya at+ mat+a m+tari kwaraya'axe yemekuy+netsie. heimana muyemie'k+ kwinie raya'at+. ¹¹ M+k+ iya mankanuaximekai raya at+ mat+a, ¡iya masi kara'ya axe kwa x+we tukari kaniere! ¹² M+k+ yuri temayeitiak+, tet+r+kawi. ¹³ Moises hap+ tekwa ane, manayukana ixurikik+, Israel'tarik+ katak+ me ixeiya kename kanuaximekai xawat+riya. ¹⁴ M+ta m+k+ kemeteyuk+ h+awe pankanakai. yaxeikai hik+ hap+, yaxeik+a m+k+ ixurik+ warankanama kepauk+ mari'itsika makater+war+wa. ixuriki kwa ant+yepie, xeik+a y+we Cristo'sie mantiyepiyani. ¹⁵ M+ta yaxeik+a hik+, makater+ war+watsie Moises, ixuriki pankanar+ma iyarite. ¹⁶ M+ta x+kate xewit+ tewi hanuani Ukiyari'tsie, mik+ ixuriki panku huriyani. ¹⁷ M+k+ Ukiyari h+k+ Espiritu. kewata'a Ukiyai Espiritu'ya mekaniere, manam+ xuawe uxipiya. ¹⁸ Hik+'ta tame teyunait+, ta h+xie tekwua anakanat+ka ixurikik+, teuxeiya kenraya axe Ukiyari. Aix+ te it+arie M+k+ Ukiyari hap+, aku h+k+ Espiritu.