¹ Pablo Cristo Jesusi n+'arieya Kaka+yari kentinake'erie, meta Timoteo ta'iwa, ta'hetsie mieme Kaka+yari teyupanieya Corinto mewe yu'nait+ yuri mete'erie, auriena Acaya. ² Kaka+yari uxipiyaya siere imikierieya ta'Yau Ukiyari Jesucristo xeme xe'hetsie h+k+t+ni. ³ M+k+ Kaka+yari Ta'Yau ta'hetsie mieme Jesucristo ketikwit+arieka. M+k+ Ta'Yau nenimayatsika mexeiya Kaka+yari ta'naime tatsin+t+wame. ⁴ Kaka+yari tatsi parit+ani naimek+ titak+ tenteyu heiwerie m+ta tame tey+wawet+ tepak+ne tewa parit+ani hipame aku ke'ane meyuheiweriet+ka. Ke'ane mete uka'eniwa tame tewatin+t+ani aku Kaka+yari kehapa+ anemek+ tatsuti parit+a. ⁵ M+k+ hapa+ kentiuka'eniwa Cristo ranayuhayawa ta'hetsie miemek+, ya'xeik+a tame tan+t+arika panayuhayawa Cristo hepa+sta. ⁶ M+k+ x+ka tame tete ukakukuineni, teparit+arienik+ m+ta siere wikwest+arika xehetsie, x+ka'ta te'utin+t+areini, hapa+na siere xeme xehetsie n+t+arika. M+k+ n+t+arika xe'hetsie aix+ anemk+ tiy+ane kepauku xeme xekayumex+it+at+ xeyumikwa aku hamuwieyarieka tame'ta siere aku ya'xeik+a tete ukwinix+. ⁷ Yuri tete'erie wa+kawa xeme xe'hetsie tete akumate x+ka hik+ xete ukakukuineni, yaxeik+a n+t+arika xepitipine tanaimetsie. ⁸ M+k+ tame p+tekwatehauyuyah+wa xeme xete tawe'erieka, ne iwama, m+k+ tsiranyinetsie aku keteme'i+arie aku Asia reyetewatsie. Tame m+k+ ta'hetsie wa+kawa tiuy+ akaxewimek+ tete ukwinix+ tekwa y+wawekairi tete'unewieni, p+tete ha'eriwakai kenameri tekakuwikenikekai. ⁹ P+'tete yumatekai teyatuiyat+ tekwi iwakekai m+k+ h+k+t+kai yuri tekwate eriekak+ p+ta Kaka+yaritsie, aku m+k+ m+kite waranku uit+wa. ¹⁰ M+k+ tatsukuwikwest+a m+kiriyatsie, m+k+ tatsi anayahapa tawari'ta tame hetsiena tepiti'pine m+k+ xeik+a tatsi anayahapani tawari. ¹¹ M+k+ tiyurieni kentiy+we xeme siere xeketaneparewieka yu nenewierik+. M+'ta hipat+ papariusi meyatuani Kaka+yari hetsiemieme nenimayatsika yatuiyata ta'hats+a hipat+ aku meyunennewiek+. ¹² Tame tepauta'+ ik+ yenti anek+: aku kenteka'hu ta iyaritsie. M+k+ yatey+a tekate'itat+ tey+a xeme xe'hepa+sta Kaka+yari tiutayuruwa ana kwiepa. Tame yatey+a ik+ xeme xe'hepa+sta, hawaik+ tame te+teri keteteku'eriwa, p+ta Kaka+yari imierieyak+. ¹³ Tame tekwatewaruta ut+iri aku xeme hawaik+ xekwateter+wawe ni siere xemeiti eniet+yani. P+netiku'eriwa, ¹⁴ waniu xeme xetatsiku'eniwa yapamek+, tame tete akumaika ke'titak+ xeme xete hexeiyani +'rika tukaritsie hepa+sta ta'Kaka+yari Jesusi, xeme xehapa+ paka hek+aka titak+ tetehauta'+ka. ¹⁵ Akaxewimek+ yenti anek+ ne iyari yapuy+ nexe iwatamie xeme'meri xeme yu'mamatsie xemih+nik+ xehetsie hutak+ nemaumienik+. ¹⁶ P+ anyit+ panyine newa iwatamie yenereumiet+ Macedonia. Nexe'xeiyata nemakunuanitsie muwa Macedonia, mexi'ta xeme Judea xenetsi hete+tax+. ¹⁷ Kepauku p+netiku eriwakai, ¿heitseriemek+ p+netinemaikai? ¿Ne yenetiku eriwa tewi ketiuka iyari hapa+ hawaik+, aku ney+t+ nemaynik+ ''H+, h+'' yata ''Hawaik+, ¿hawaik+ axeik+a?'' ¹⁸ M+ta, hapa+na siere aku Kaka+yari kwati itawa, tame p+tekwa hait+ka ''h+'' yata ''hawaik+'' axeik+a. ¹⁹ M+k+ Kaka+yari nu'aya Jesucristo, m+k+ aku Silvano, Timoteo siere ne mat+a tete uti'xa xe'h+xie, hawaik+ ''h+'' yata hawaik+. Ta'aurie mawetse ''h+''. M+k+ nait+ Kaka+yari imierieya ''h+'' panyine Hetsiena. ²⁰ Ya umieme siere Hetsiena hakunena p+tepait+ka ''p+ke'aneni'' Kaka+yari'tsie tei'tipit+. ²¹ Hik+'ta Kaka+yari tatsi akaxewiririe xe'hats+a Cristo'tsie, m+ta M+k+ tatsutan+'a. ²² M+k+ri tame tastitep+at+a tatsi yatuiri yu'Espiritu ta'iyaritsie heyemek+ akaxewimek+ kepauku M+k+ tatiyatuiriniekekai. ²³ Hetsienamieme ne Kaka+yari neh+awe m+k+ ketiuhek+ata ne'hetsie mieme, m+k+ makaxewi ya'umieme nekwanua Corinto nekwaxetax+r+wanik+. ²⁴ Ik+ kwah+k+, kementekahuni kehapa+ mey+at+ yuri mete'eriekak+. ta aurie awekamek+ tepu uwa tete parewiet+ xe'hamat+a temawiya xemexeiyanik+ mexi yuri xete'erie.