¹ Xekenewapitɨaka yunaime kehata hipame nɨaritsixi teu'ximayatamete yu'kutsiyari meke hau'enieka. Paɨmɨmɨ mete kahutɨ kumawere niuki tsiranyɨtɨ Kakaɨyari hepaɨsta meta tame ketente 'ɨkitɨarie. ² Iyá ta kehate yu'kutsima mewarexeiya yuri mete'eriekame, mepei enieka tukarikɨ, mɨkɨmexi ta'iwama me hɨkɨkɨ. Ta'aurie mawetseta, mɨkɨmexi yemekete kahuni waɨkawamekɨ. Mɨkɨ kutsikate meparewiya mete uximayakɨ yuri mete'erie meta aixɨ metehau'eriyarie. Kete'ɨkitɨaka ikɨtsie timieme peti'kuxatatɨ. ³ Xɨka xewitɨ tiwaruta 'ɨkitɨani niuki yukɨ anyɨneme mɨta ta niuki aixɨ manyɨne mekau'tanake'erieni, hɨkɨ, ta'kiyari Jesucristo kemutayɨ. Xɨkateta mɨkɨ ɨkitɨarika mekau'tanake'erieni tatsiparewiekɨ temu'uwani aixɨ anemekɨ. ⁴ Ikɨ tewi pauyu'ɨ meta meta Kakaɨyari niukieya kwa heti'enietɨyeika. Ta'aurie mawetse ta, karekanakemekɨ putaniuka meta yu niuki ka heti'enietɨyeikatɨ kehaitɨ maineni. Niuki ye anyaneme me'enitɨta teɨteri mete haukwatsetɨ mepakɨka, me yukwitɨwe, niuki mexɨatɨatɨ au'erietɨ meyu'tate'atɨ, meteyumaitɨ kename hipatɨ metewa'kwinitɨani meta ⁵ hura mepe'yutiexime aixɨ mekwateku'eriwa wa'hamatɨa. Mɨkɨmexi mepautewari niuki aixɨ manyɨnetsie. Paɨmetekueriwa kename yemetekahutɨ mari'itsika kentinɨ'a mɨkɨ tumini me'uyamanatɨ me akɨne. ⁶ Waɨkawa tete 'a 'i'iwa nenimayatsika tete hekɨatatɨ. ⁷ Mɨta tame tixaɨtɨ tekwate 'u'atɨa ena kwiepa, meta siere tekwayɨwe tixaɨtɨ tete'ayepini hetsiena. ⁸ Ta'aurie mawetsekɨ, aixɨ teteyu'kuhɨaweni ikwai tete'hexeiya meta ikemarikɨ ⁹ Hikɨta iyamexi kehate pɨmete hauyahɨwa mamakɨnekeyu xikutsixi mepetixɨrɨwe 'inɨatsikatsie. Mɨkɨmexi iparitsie mepauxɨrɨwe. Mɨkɨ mapauxɨrɨwe waɨkawa tatakuritsie meu'erietɨ meyu'tsewiximatɨ. ¹⁰ Pɨti'ane naime tiwiwiwe tsiti'ane xɨka tumini teheiwe'erieka. Hipatɨ teɨteri pɨ mete heuyahɨatɨ mepauyaxɨri yuri mete'eriekai mɨta yu'kɨmana waɨkawa heiwerika mexuawitɨa yu tukaritsie. ¹¹ Ekɨ ta, 'uki Kakaɨyari nu'aya, keneu'ata'una mɨkɨ yamanyɨnetsie. Keneuweiyani aixɨ manyɨne, nenimayatsika, Kakaɨyari ke maine pehei'enietɨ, nake'eriya, tiukanewietɨ meta aixɨ eriyarika. ¹² Naimekɨ kepentiyɨwe keneuweiyani titatsie sasuni peti'erie.Ahetsie'mieme kenayeitɨa tukari kwa'xɨwe Kakaɨyari pɨtiutanake'erikɨ hamatɨana pemuyeikani. Mɨkɨ yemanyɨnekɨ pemiyetua niuki kentiuyɨ aixɨ anyɨnemekɨ waɨkawa teɨteri wa'hɨxie. ¹³ Nematsi nɨ'a Kakaɨyari hɨxie, mɨkɨ tipitɨakɨ naitɨ rayenenierekɨ, mɨta Cristo Jesús hɨxie hapaɨna, Mɨkɨ tiutaxa Poncio Pilato hɨxie tita tisasuni hetsie ti miemekɨ. ¹⁴ Kene'utani mari'itsika 'akaxewimekɨ, niuki tsiti'ane tiumawitɨ hepaɨstana, kepauku hamietsie ta'Ukiyari Jesucristo 'utiniereme. ¹⁵ Kakaɨyari pi hekɨata kepauku maya'ani tukari mitipitsie. Kakaɨyari, 'aixɨ 'itɨare, tɨrɨkaɨye, Rey 'itsɨkame hɨkɨ meta 'Ukiyari hɨkɨ tatuwani. ¹⁶ iyá xeikɨa yɨwe mayeniereni tukari mautihanetɨka, ka hau'axemekɨ meta Iyá yukanieritɨatsie waɨkawa xawatɨriya xuawe. Xewitɨ tewi kwa 'ixeiya ya xewitɨ mi xeiya kwa'yɨwe. Mɨkɨ 'aixɨ keti kuxaxatsiwani meta tɨrɨkariya ti pinieya mautihane tukari. Paɨ ke'aneni. ¹⁷ Pɨ kete'warutahɨawi xikutsixi memu'uwa 'ana kwiepa me'kwa hauyu'ɨka, hapaɨna mekwa hauyuwaɨriyani tita mete 'ukapinitsie. Ye me 'anetɨ, mɨkɨmexi pɨta Kakaɨyartsie mepau'yuwaɨriyani. Mɨkɨ tatsi xatɨa tame ta'naime sasuni xikutɨriya 'aixɨ 'anemekɨ te mu'uwanikɨ. ¹⁸ Ketewaru'tahɨawi aixɨ mekete'yurieka, meke hɨkɨtɨni xikutsixi aixɨ metekahutɨ, mekate 'ukakweririetɨ metewanitsie, wa'iyari ya'anetɨ tukarikɨ hipame metewa yatuirieka. ¹⁹ Ya metekahutɨ, mɨkɨ meteyu 'utsirie haukatewamekɨ mɨkɨ tita rakamiekɨ, meyɨwetɨ mema kɨnekɨ tukari kwaxɨwe yu'mamatsie me hɨni. ²⁰ Timoteo, kene'ɨwiyani tita petiye tuiriyerie ekɨ. Niuki kwarekanake peka'enietɨ meta kehate memutiyuane kename niuki ti sasuni me hexeiya aixɨ mekate kuxatatɨta. ²¹ Kipatɨ 'ukitsi niuki ye'anyɨneme me kuxata ,yeme yɨatɨ mepauyaxɨrɨwe niuki sanuni huyeya meu'kwe'eirieka. Xe'hetsie keyu kanieritɨaka Kakaɨyari 'aixɨ 'anemekɨ.