¹ Malayika wa karhano abanda omu mulizi, nabona enyenyezi yarhog'emalunga yarhibukira oku daho, bayiha oluchinguzo ly'echiriba ch'ekuzimu. ² Yachingul'omwina gw'ekuzimu.Omulwina mwazamuk'omusi,musi guli nka gw'endugurhira n'ezuba n'ebyalega gwaba mwizimya enyanya by'ogo musi,g'omuchiriba. ³ Omumusi mwarheng'enzige zayunjul'egulu, zahabwa obushobozi, buli nka bushobozi engobe zijira en'ogulu. ⁴ Zabwirwa zira bihyaga ebiri okudaho, n'ebirhi chiro n'omurhi s'aliko abantu barhagwerh'echimenyiso cha Nyamuzinda oku malanga. ⁵ Zahabwaa okurhayirha, s'aliko kulibuza myezi erhano n'amalibuko zajiraga galiri kuguma n'amalibuko g'engobe amango gamalum'omuntu. ⁶ Mwezo siku abantu balonz'olufu barhanalubonaga bachifij'okufa n'olufu lwabayaka. ⁷ Enzige zalishushire nka farasi zirheganyizw'okubirha, zigwerh'eshungwe okurhwe liri nka horo n'amesho gali nka g'abantu. ⁸ Zaligwerh'enviri ziri nka nviri z'a bakazi n'amenyo gazo galiri nka gantale. ⁹ Zaligwerh'empenzi ziri nkampenzi za chuma n'omululumo gwebyubi byazo gwaliri nka mululumo gw'enindiri y'efarasi zalibirhir'ebirha. ¹⁰ Zaligwerh'emichira eri nka yangobe n'emisholo n'omumichira yazo mwomwaliri emisi yoshi y'okulibuz'abantu myez'irhano. ¹¹ Zaligwerh'omwami wazo, Malayika we'kuzimu ahamagalwa omu chiebraniya Abadoni n'omu chigiriki Apoliyoni. ¹² Malibuko marhanzi gamagera, lolaga hayinjire gandi mabiri ebuzinda bwagola. ¹³ Malaika wandarhu aband'omu mulizi nayunva omulenge kurheng'okumahembi mane gw'olurhamba lw'ehoro luli emalanga ga Nyamuzinda. ¹⁴ Abwira Malaika wa endarhu waligwerh'omulizi: shwekula ba malaika bane, bashwekulir'omulwinji lunene lw'e Efrata. ¹⁵ Naba malayika bane bali chirheganyize oku kachanji, olusiku, omwezi n'omwaka, bashwekulwa mpu libayirha echigabi cha kasharhu ch'abantu. ¹⁶ Oluganjo lw'enfula miherho n'abagenda oku Farasi bali milioni magana mabiri. ¹⁷ Nantyo nabon'e Farasi omu mbonekezi n'abaliziyikereko baherh'empezi zishushire omuliro, zinashushir'ezige n'echirimi, marhwe g'e Farasi galiri nka marhwe g'e Ntale n'omubunu bwazo mwalemaga mwarheng'omuliro, n'omusi n'echirimi. ¹⁸ chiguma chabisharhu chafa, n'ebijirwa bisharhu omuliro, omusi, n'echirimi byarhengaga omu bunu bwazo. ¹⁹ Bulala obushozi bw'e Farasi bwaliri omubunu bwazo, n'omu michira yazo, emichira yazo yaliri nka njoka zigwerhe amarhwe, nantyo z'alengez'okulimbula. ²⁰ Abandi bantu barhayirhwaga n'ebijirwa barhahungamaga, ebijiro by'efune zabo, okuntu bakaleka okuhera abazimu, ebishushanyo by'ehoro, g'amarhale, n'emiringa amabale n'emirhi, ezirhabona zirhanalambagira. ²¹ Barhanahungamaga obunizi bwabo, obukurungu bwabo, obuhushi bwabo n'obushambo.