¹ Nabere ndi nalola, nabon'enganda -buzi eyumangire oku ntondo y'e Siyoni, haguma n'abantu bihumbi egana na makumi mane nabine, babaliherh'ezino lyage ne ly'eshe oku malanga. ² Nayunv'omulenge gwahuluk'omu chanya nka kashalala ka lwinjilunene, nka mukungulo gunene n'ogo mulenge na yunva gwaliri nka chihogero ch'abimpiz'omulizi bali bazin'omulizi gwabo. ³ Baliherhe bayimp'olwimpo luhyahy'embere z'entebe y'obwami n'embere za bila biremwa bine n'abashaja. Na ntaye wakayigire olo lwimpo luhyahy'arhali bila bihumbi egana na makumi mane na bine bya chungulwag'omu gulu. ⁴ Balala barha chizingisaga n'abakazi, bali bagumaguma, bana kulikir'enganda-buzi ngasi hoshi eja. Ba balala balondwerw'omu bandi bantu, bachi shogwa nka mushaku g'oku rhulira Nyamuzinda n'omwana w'echibuzi. ⁵ Omu bunu bwabo murhaliri byabubeshi bulala baliri bachere. ⁶ Nabona owundi malayika ya balal'emalung'ali gwerhe'omwazi g'obuholo gw'esiku n'amango mpu agumanyise oku bantu b'egulu; ku ngasi chihugo, ngasi buko, ngasi lulimi, n'oku ngasi lubaga. ⁷ Ayinj'ayakuza n'omulenge gunene mpu: Muyubahe Nyakasani muna muh'erenge bulal'asanzi k'okuch'olubanja kayinjire: Muharhamy'owa lemag'amalunga, edaho, enyanja n'eshoko a'amenji. ⁸ Owindi malayika, owakabiri, ayinja mpu: charhogere, charhogere, chilala chiBabiloni chinene chalalusag'abantu b'amashanja goshi n'obuhushi bwacho. ⁹ N'owundi malayika wa kasharhu akulikiraho aya kuza n'omulenge gunene eri hakajir'omuntu waharhamy'echiryanyi n'echishushanyo chacho, changwa nakaba n'echimenyis'oku malanga,eri oku kuboko kwage, ¹⁰ oyo naye njanywa okulivayi ly'oburhe bwa Nyamuzinda, lihungwirwe buzira kuvanga omu ngumbu y'oburhe bwage, ayinji yikuba n'omuliro n'obusingu omu masu gaba malayika bw'omweru n'omu masu gw'omwana buzi. ¹¹ N'omusi gwamalibuko gabo gwarharama enyany'esiku n'amango, barhana rhamuk'ezuba n'obudufu abaharamy'echilyanyi n'eshushano yacho, na ngasi ojakw'echimanyiso chage. ¹² Hano habachesibwa bakomerera, bala bakulikir'amarhegeko ga Nyamuzinda n'oku yemera Yesu. ¹³ Na shubi yunv'omulenge gwamanuk'emalunga gwa derha mpu: Yandika: Kurhenga mukano kachanji, liri ragi oku mifu yafire omu Yesu! Muka aderha mpu echi, yibayandagala omu mikolo yabo, bulal'ebijiro byabo biba kulikire. ¹⁴ Na lolere na bon'echichu ch'omweru eri na kw'echo chichu kuyiker'omuntu oshushene na Mugala wa Nyamuzinda, n'oku rhwe lyage kuli echishema ch'ehoro, n'omu fune yage mwalir'echoji chirhyazizwe. ¹⁵ N'owundi malayika ahuluk'omu shengero, ahamagala n'omulenge gunene, ali yikere oku chichu: Lik'echonjo chawe, ona shalule, bulal'akashanji k'oku shalula kagerere, omwaka gwedaho gwayere. ¹⁶ Owaliyikere oku chichu akabula akahoro kage oku daho,n'emyaka ya yushulwa. ¹⁷ Owundi malayika ahuluka omu luli emalunga, naye eri agwerh'akahoro kakalihire. ¹⁸ N'owundi malayika, owaliherh'obuhashe oku muliro, arhenga omu luhya, n'oku derha n'omulenge gunene, abwira owaliherh'echonji chikalihire mpu: Lambul'akahoro kawe karhyazizwe, onache amarhabi g'omulehe, bulal'emburho zago zikola ziyere. ¹⁹ Malaika av'akabula akahoro kage okudaho. Arhema emilehe y'omu gulu, arhalira amalehe gay'omu mukenzi gunene g'oburhe bwa Nyamuzinda. ²⁰ Ogo mukenzi gunene gwakandiragamo embuga y'echishagala, n'eshagama ya sheshakala mw'ogo mukenzi, gwanabalala kuhik'okubinogosho by'endogomi, bul'ebwamagulu chihumbi n'amagana ndarhu.