¹ Mini baya bayugami bagemi, mini baya yenamac indireci, yenamac sogam poni onecu, mini baya yenamac onareci siyampo ayogaeciu, mini bayai, iye kipan yaum maram bayai. ² Iye kipan yaum maran baya, Koti mandani yenamac afotagic usinkemi. Yenamac iye kipan yaum maram baya yigemi siyimecumpe, mini baya yenamac sicbanakimi yevagemi. ³ Mini baya yenamac onareci yigem baci fabarurec siyimecumpe, micnonuna foni yige yacbac mana sirakac bantecumpe. Yenamac Sifon namac bac ben Agac Jisas Kraisin namac bac mana sirakac bantecumpe. ⁴ Minugaci, yenamac miniugani mage yigem baci mana afan san yinkecumpe, minifoni fuga sireci yigeunamac simusim maranami maro amankagic intemino. ⁵ Mana baya bempate yenamac indirukecyami, yigemi siyimecyamumpe. Koti beni kagani bami, afo ben kimi ayufum bac iyeugami bemino. ⁶ Afo yenamac secma mam benkaci secumpe sirecma ayufun anda gim banami, bemi umac siankareci, fuga anda iyen uvarecumpe. ⁷ Afo yenamac bena anteckeninic urec anteckan anda gim bec, ena ena namac man sanami, yigeunamasic manda andauc, ben Agac Jisasinic koram poni sesec usinkantemi. ⁸ Yigeunamac secma manda anda iyen dukecumpe seci, senafoni seyarani umac secumpe, afo yenamac kim fuga anda iyem bemino. ⁹ Afo yeunamasic manda andauc fabaruranami, beni avoguc anda avakundemi yenamasic manda andauc ugic sinkaremi, sesec usinkantemi. ¹⁰ Afo yenamac secma manda anda iyen uvarecumpe senteci, yenamac benani umac siga ino senami, ben avaya yenamac kin iyem bemi.