¹ Wipingula, pakuti nobe wikapingulwa. ² Pantu ubupingushi mupingula, mukapingwilwako. Icipimo ulingilamo nobe eco bakaku pingwilamo. ³ Cinshi ulolesha akantu akanono akatobola mu linso lyakwa wenu, lelo ikipampa kili mu linso lyobe taukimona? ⁴ Kuti walanda shani kuli wenu, ''leka mfumye akali mu linso lyobe," ilyo ikipampa kikili mu linso lyobe? ⁵ We mumbi munda we! ubale ufumye ikipampa kili mu linso lyobe, elyo wala mwenekesha ukufumya aka kutobola mu linso lyakwa wenu ⁶ Wi pela icamushilo ku mbwa, nangu ukuposa ba margariti bobe ku kumba pantu kuti bafinyataula ku makasa, no kwalukila ukwisa kukwalukila nokukuputaula mutu pimfya ⁷ "Lomba, kabili kikapelwa kuli iwe. Fwayeni, kabili kikasangwa. konkosha, kabili ukeswilwa kuli iwe. ⁸ Pantu onse ulomba, alapokelela, onse ufwaya alasanga; naku muntu ukonkosha akeswilwa. ⁹ Ninani pali mwebo, umwana wakwe alomba umu kate, amupela ilibwe? ¹⁰ Nangu alomba isabi amupela insoka? ¹¹ Eico, imwe mwembifi mwalishiba ifya bupe ifisuma ifyo mupela abana benu, ngapali bufi wishinwe waikala mu mulu apela ifisuma kuli abo abamulomba? ¹² Efyo, ifili fyonse ungafwaya abanobe bakucitile efyo naiwe uchite kuli bene. pantu ifi efunde naba kasesema. ¹³ "Ingileni pa mpongolo yakamfyemfye. pantu empongolo yasalala kabili inshila iyapabuka itwala ku boni, kabili abantu abengi bendamo ¹⁴ Lelo inshila itwala kumweo iyakamfyemfye kabili iyafyenenkana kabili banono baisanga. ¹⁵ Kengeleni kuli bakasesema babufi, abo abeshila kuli imwe mu fyakufwala fyampanga, lelo mukati mimbulu ya kutakanya. ¹⁶ Nikufisabo fyabo eko mukabeshila. Bushe abanut balasaba imyangashi kumyunga, nangu amakuyu kulibacisa? ¹⁷ Munshila imoine umuti onse usuma ulatwala ifisabo fisuma. Lelo umuti ubi utwala ifisabo fibe. ¹⁸ Icimuti cisuma teti citwale icisabo cibi, nangu umuti ubi teti utwale ifisabo fisuma. ¹⁹ Umuti onse utwala fisabo fisuma ulatemwa nokuposwa mu mulilo. ²⁰ Eco kanshi, mukabeshibila kufisabo fyabo. ²¹ Te muntu onse utila ati kuli, ine ''shikulu, shikulu '' akengila mubufumu bwamumulu, lelo nyabo abacita ubufwayo bwa kwa tata uwa mumulu. ²² Abantu abengi bakalanda kuli ine muli bulya bushiku, shikulu, shikulu, tatwaseseme mwishina lyenu, namwishina lyenu tatwafumishe ifiwa, kabili mwishina lyenu tatwakitile ifisungusho ifingi? ²³ Kabili nkalanda pabwelu kuli bena shamwishibe! fumeni apa, mwe bakakita bamampulu! ²⁴ Eico umuntu umfwa icebo candi nokuficita akaba ngo muntu uwakukengela uwakulile ing'anda yakwe pa libwe. ²⁵ Imfula yalishile, nelyeshi lyalishile, no mwela walimine nokuma palilya ganda, lelo taya ponene, pantu yakuliwe pa libwe. ²⁶ Lelo umuntu onse uufwa amalembo yandi nokukana bela akaba ngo muntu watumpa uwakulile ganda yakwe pa musesenga. ²⁷ ''Kabili imfula yalilokele, ilyeshi lyalishile, nomwela walipungile nokupuna pali ilya ganda, eco yaliponene, nokupona kwaiko kwali kuponenena.'' ²⁸ Ilyo yesu apwile ukulanda aya mashiwi amabumba yapapile, pakusambilisha kwakwe. ²⁹ Pantu alibasambilishe ngo muntu uwakwete insambu, ukucila pali bakalemba babo.