¹ Yesu alandile kuli bene nakabeli mu milumbe, ati, ² "Ubufumu bwa mu mulu bwaba kubati ni mfumu imo iyapekenye umutebeto wa bwinga bwa mwana wakwe umwaume. ³ Alitumine abasha bakwe mukwita abo abalalikwe ukwisa ku mutebeto wabwinga, lelo tabaishile. ⁴ nakabili imfumu yalitimine abasha bambi, ati, kebeni abalalikwe, "Moneni, nimpekanya umulalilo wandi. Ingombe shandi shilume, ne ngombe ishaina nashipaiwa, ne fintu fyonse nafipekanishiwa, Iseni ku mutebeto wa bwinga." ⁵ Lelo tabayangilweko kabili balifuminepo baliya, umo kwi bala lyakwe, naumbi ku makwebo yakwe. ⁶ Elo bambi baikete abasha ba mfumu, ukubacita ifya nsoni, no kubepaya. ⁷ Imfumu yalikalipe kabili atumine abashilika bakwe no kubonaula balya bantalamisoka no koca umusumba wabo. ⁸ Elyo atile kubasha bakwe, Ubwinga nabupekanishawa lelo abo abalalikwe tali abayana. ⁹ Eikyo kabiyeni ku mansansa ya nshila no kwita abantu abengi ku mutebeto wa bwinga abo mulesanga." ¹⁰ Abasha baliya ku misansansa no kukolonganya pamo bonse abantu abo basangile, bonse abali nabasuma, kanshi ing'nda ya bwinga yaiswilemo na beni. ¹¹ Lelo imfumu luntu yaishilemo ku komona aba bwinga, amwenemo umo uushafwele nsalu wayabwinga. ¹² Imfumu yatila kuli wene, cibusa bushe wingile shani muno ukwabula ilaya lyabwinga? Lelo umwaume talandilepo. ¹³ Elyo imfumu yatile kubasha mutabilini amaboko na makusa, no kumuposa kunse ku mfifi kunse ukukaba ukulila no kushenjanya amano.' ¹⁴ Pantu abaitwa bengi, lelo abasalwa banono." ¹⁵ Elyo aba Fariseyo balile no kupandana amano yakuti bengekatilamo Yesu mukulanda kwakwe. ¹⁶ Elyo batumine abasambi babo kuli wene, pamo nabena Herode. Batile kuli Yesu, "Kafundisha twalishiba ukuti uli wa cine, kabili ufunda inshila yakwa Lesa mu cine. Tansakamana ifya muntu kabili tawakwata akapatulula pakati ka bantu. ¹⁷ Eico twebe, uletontonkanyapo shani? Bushe kyalisuminishiwa ukupelako umusonko kuli kaisare nangu iyo?" ¹⁸ Lelo Yesu ailwike ububifi bwabo no kutila kinshi mulengesesha." ¹⁹ Munage ikobili lya musonko," Elyo baletele ndalama kuli wene. ²⁰ Yesu atile kuli bene, "Cimpasho cakwa nani shina ifi?" ²¹ Batile kuli wene, "Kaisare." Elyo Yesu atile kuli bene, kanshi peleni ifya kwa Kaisare kuli Kaisare, na kuli Lesa ifintu fya kwa Lesa." ²² Luntu baumfwile ici balipapuka. Elyo bamushile no kuya. ²³ Pali bulya bushiku bamo aba saduki, abalanda ati takwaba kututubuka, balishile kuli wene. Balimwipwishe, ²⁴ abati, "Kafundisha Mose atile, Ingo muntu afwa, mbula bana, wabo afwile aupa umukashi wakwe no kukwatila wabo abana." ²⁵ Kwaliko aba bwana nyina cine lubali uwa cimo alyupile napanuma alifwile. Tashilepo abana, alishile umukashi wakwe kuli wabo. ²⁶ Elyo wabo wa bubili akitile cimo kine, Elyo uwa butatu efyo cali nkufika na kuli wabo wa cine lubali. ²⁷ Panuma ya bonse umwanakashi alifwile. ²⁸ Nomba mukashiwa akesaba mukashi wakwa nani pali abo aba bwana nyina cine lubali? Pakuti bonse balimupile." ²⁹ Lelo Yesu alyaswike no kutila kuli bene, "Mwaliluba pantu tamwaishiba amalembo nangu maka yakwa Lesa. ³⁰ Pakuti mukubushiwa tabopo nangu kuupwa. Lelo baba nga ba malaika bakwa Lesa. ³¹ Lelo palwa kubushiwa kwa bafwa bushe tamwabelenga fintu calandilwe na Lesa kuli imwe ukutila, ³² "Ninebo Lesa wakwa Abulamu, Lesa wakwa Isaki, Lesa wakwa Yakobo? Lesa te Lesa wabafwa lelo ba mweo." ³³ Luntu amabumba yaufwile iki balipapile isambilishi lyakwe. ³⁴ Lelo luntu aba Fariseyo baufwile ukuti Yesu atalalike aba saduki, balikolongene bonse pamo. ³⁵ Umo muli abo uwa malango alimwipwishe ilipusho, kukumwesha. " ³⁶ Kafundisha, lifunde nshi ilikulu ilya mu malango?" ³⁷ Yesu atile kuli wena, "Ulekutemwa wisokulu no mutima obe onse; ³⁸ Ili efunde ilikulu kabili ilyantanshi. ³⁹ Nefunde ilya bubili ilyaba ngaili-' uletemwa umunobe nga wemwine. ⁴⁰ Muli aya amafunde yabili emwashintilila amalango naba kasesema." ⁴¹ Nomba luntu aba Fariseyo bali nabalongana kyopamo, Yesu abepwishe ilipusho. ⁴² Atile, "Bushe mutonytonkanya shani palwa kwa kristu? mwana wakwa nani." Batile kuli wene, "Nimwana Dabidi." ⁴³ Yesu atile kuli bene. "Nga kinshi Dabidi pakuba mu mupashi amwita shikulu atila, ⁴⁴ Shikulu atile kuli Shikulu wangi, "Ikala kukuboko kwandi ukwakulyo. mpaka nkalenge abalwani bobe ikyakunyantapo amakasa yobe"'? ⁴⁵ Nga Dabidi apo aita Kristu Shikulu; kuti aba shani mwana Dabidi? ⁴⁶ Tapali nangula umo uwakwanishe ukumwasuke shiwi kabili tapali muntu uwapamine ukumwipusha nakabikili ifipusho ukufuma pali bulya bushiku.