¹ Nomba yesu na basambi bakopala mina ku yelusalemu elo bafikile mu lupili lwa miolife elo yesu atumine absambi bakwe babili. ² Asosele kuli bo, ''Kabiyeni mu mushi uupaleme, mukosanga mpundu ali kakilwe palya, no musepela pamo. Fikakuleni nokufileta kulinebo. ³ Napamo umo nga sosa fimo kulimwebo pali ifyo, mu sose ukuti shikulu akofifwaya, napopene akomupela mwise nafyo. ⁴ Nefi fyaishile muukusosa ukupitila muli kasesema fifwile fya fikilishawa. Asosela ukuti, '' ⁵ ebeni umusana mwanakashi sione, ''mona imfumu yobe ilei-sa kuli webo, iyafuka kpabili ilitenteme pa mpundu napa musepela umwana wa mpundu.'' ⁶ Awe abasamba bacitile ifyo Yesu abebele. ⁷ Baletele mpundu no musepela no kubikapo amalaya yabo, na Yesu atentemepo. ⁸ Na bengi mwi bumba bayanshike amalaya yabo munshila, bambi kontwele imisambo ya fimuti noku yansa mu nshila . ⁹ Nomba amabumba aya tangile pali Yesu na balemukonka yakobilikisha ''Hosanna kuli mwana Dabidi! Apalwe uukoishila mwishina yyakwa shikulu! Hosanna mu myulu iya pulamo''. ¹⁰ Elo Yesu afika mu yelusalemu, onse umusumba walitenkene abati ''nani uyu?'' ¹¹ Amabumba ya aswike, ''uyu ni Yesu kasesama ukufuma ku Nazaleti mu galilee. '' ¹² Elo Yesu aingile mwi tempele. Atanfishe bonse abaleshitisha no kushita mwi tempele, nokupenuna ama tebulo yaba kakabula wandulama ne fipuna fyabaleshitisha inkunda. ¹³ Alisosele kuli bo, ''cililembelwe, ''ng'anda yandi'' iketwa ing'anda yama pepo, nomba mwaicita ininga ya fipondo.'' ¹⁴ Kabili impofu nabakulemana balishile ku yesu alibaposeshe. ¹⁵ Nomba elo bashimapepo bakalamba balimwene ifyakupapa fintu acitile kabili baumfwile abaice balepunda mwi tempele ukuti, ": Hosanna kuli mwana Dabidi,"balifulilwe sana. ¹⁶ Basosele kuli ena ukuti,''Uli ufwile ifyo bakososa?" Yesu alibaswike, ee! nomba tamwabelenga ukuti, "Kutunwa twa tucece no tonka emwafikilisha ukuntasha." ¹⁷ Kabili Yesu alibaswile no kufuma mu musumba no kuya ku Betani no ku tubilishako ubushiku. ¹⁸ Nomba ulucelo elo abwelele ku musumba, aumfwile insala. ¹⁹ Pakumona umukunyu ku mbali ya musebo, ailemo tasangilemo nangu cimo kanofye amabula. kabili awebele ukuti, "kuli iwe kwikabala fuma ifisabo. ²⁰ Elo abasambi bamwene ifi, ba; isungwike no kudosa abati, "Nga kanshi umukunyu wauma shani apapene?" ²¹ Yesu alibaswike ukuti, "Cine cine nkomweba nati, nga mwakwete icitetekelo nokukanatwishika, tamwacite ici cacitika ku mukunyu, nangu nga mwasosa ku lupili, sendwa nokuposwa muli bemba; kabili fili nokucitwa. ²² Fyonse ifyo mwi pepo, namucetekela mukapokelela." ²³ Elo Yesu aingule mwi tempele bashimapepo mukalamba na bakalemba ba bantu baile kuli wene elo ale sambilisha nakuti, "Nikumaka nshi ukacitila ifi fintu, kabili nani akupa aya maka?" ²⁴ Yesu aliswike no kusosa ati, "Naine nkomupusha ilipusho limo nga mwanjeba, nkomweba mu maka ncitila ifi fintu. ²⁵ Bushe ulubatisho lwakwa Yohane kabatisha lwafumine kwi? Ku mulu nangu ku bantu?" Balanshenye abene umo babebele ukuti, "Nga twasosa ati nikumulu alatwaba ati, "ninshi tamwamusuminine?' ²⁶ Nalo nga twasosa, ati, Ni ku bantu, tuletina ibumba, pantu bonse baishibile Yohane ukuti ni kasesema. ²⁷ Elo ba aswike Yesu ati, "Tatwashiba" kabili asosele kuli bo, "Nanshamwebe mu maka ncitila ifi fintu. ²⁸ Lelo mukososa shani? Umuntu ali nabna baume babili. Aile ku wa ntanshi ati, "We mwana kabiye, kabombe lelo mwi bala lya myangashi. ²⁹ Alyaswike ati, 'Nshayeko.' panuma alilipile alile. ³⁰ Elo aile ku wacibili asosele ifyo fine; nao alyaswike ati, e mukwai; lelo taileko. ³¹ Bushe nani pali aba Yesu asosele kuli bena ukuti, "Nkososa icine cine kuli mweobo bakasangula bamisonko na banakashi bacilende bakanutangulila pa kwingila mu bufumu bwakwa Lesa. ³² Pantu Yohane aishile kuli mwebo mu mshila ya bulungami nemwe tamwamutetekele awe bakasangula nabanakashi bacilende balimutetekele lelo imwe nangu ilyo mwamwene tamwalapile panuma nokumutetekela. ³³ Umfweni ku mulumbe umbi kwali umuntu umwine wa ng'anda uwalimine ibala lya myangashi, ashingulwisheko ulubango, aimbilemo no mwakukamina no kukula ulupungu; kabili alisekeeshe ku balimi no kuya kumbi. ³⁴ Elo inshita yaku sombola yapateme, atumine aba bomfi bakwe ku balimi ukuya pokako ifisabo. ³⁵ Nomba abalimi ba myangashi balibulile ababomfi baumine umo, no kwipaya umbi, nokupola umbi amabwe. ³⁶ Nakabkili umwine we bala atumine nabambi ababomfi; ukucila pabantashi kabili bacitile cimo cine. ³⁷ Panuma yaifi, umwine kabili atumine umwana wakwe kuli bo nokososa ukuti, bakamucindila.' ³⁸ "Elo abalimi bamwene umwana basosele umo babelele ukuti uyu empyani. Katumwipaye nokupyana ibala lya myangashi." ³⁹ Bamusendele kunse ye bala no kumwipaya. ⁴⁰ Nomba umwine we bala nga aisa, akabacita shani abalimi ba myangashi?" ⁴¹ Basosele ukuti, "Akabonaula cibi ababi babantu nokusekesha ibala ku balimi bambi, abenga mupa icakaniko ca filimwa pa nshita ya busombushi." ⁴² Yesu alisosele kuli bo ukuti, " Bushe tamwabelenga mu malembo, 'ilibwe elyo bakakula basulile lyeba umutwe wapa cifutu. Ici ecacita shikulu, kabili cabe ca kupapa mu munso yenu? ⁴³ Napali ici, ndesosa kuli inwebo, natiubufumu bwakwa Lesa bukapokwa kuli mwebo no kupelwa Luko ulukotwala ifisabo fya buko. ⁴⁴ Onse uukuponena pe bwe ili akafungaika noyo likaponenapo likamushonaula." ⁴⁵ Elo bashimapepo bakalamba naba Falise baumfwile imilumbe iyi, baishibe ukuti akososa pali bo, ⁴⁶ Bafwaile ukumwikata, batinine ibumba, pantu abantu bali kumumona nga kasesema.