¹ Ilyo Yesu amwipwishi ukulanda ifybo ifi afumine mu Galilee no kuya ku mupaka wa Yudea kwishilya lya mumana wa Yordani. ² Amabumba yakalamba yali kumukonka nao alibondepe kulya. ³ Aba Fariseyo balile kuli wene, balimwesha, npo kutila, Bushe calisuminishishawa umuntu ukuleka mukashi wakwe pamulandu ulii onse?" ⁴ Nao alyaswike atile, "Bushe tamubelenga ukuti uwabalengele pa kutendeka abalengele umwaume no mwanakashi? ⁵ Nowa balengele atile, "Pamulandu waici umwaume ali nokusha wish na nyina, noku bambatila ku mukashi wakwe, kabili aba babili abali nokuba umubili umo.' ⁶ Eco tabali nomba babili lelo mubili umo. Eico Lesa alunda muntu nangu umo ilekapatulila." ⁷ Nabo batile kuli wene, "Nga kanshi Mose akokomeshe ukupela kalata wakulekana no kumuleka umwanakashi aleya." ⁸ Atile kulibo, "Ni pabwafya bwa mitima yenu Mose amusuminishe ukuleka abakashi benu, lelo tacalifyo ukufuma pakutendeka. ⁹ Lelo ndetila kuli imwe, onse waleka mukashi wakwe kanofye pa bulalelele! no kupaumbi, alecita ubucende, no mwaume wapaupa mwanakashi uwalekelepo acita ubucende." ¹⁰ Abasambi batile kuli Yesu, "Nga umulandu wa umwaume nno mwanakashi wakwe wabaifi taciwamine ukupa." ¹¹ Lelo Yesu atile kuli bena, "teonse wenga pokelela aya mashiwi, lelo kano kulyabo capelwa. ¹² Pantu kuli bamutungwi abatungulwa ukufuma munda muli banyinabo, kuli na bamutungwi abatungulwa kubantu; na kabili ba mutungwi abacitila ukuba bamutungwi pa mulandu wa bufumu bwa mu mulu. Uwasumina apokelele ubufubdisho, lekeni apokelele ici." ¹³ Lyene kuli wene kwatwelwe abaice ukuti abikepo amaboko no kupepa, lelo abasambi bali ba kalipile. ¹⁴ Lelo Yesu, "Lekeni abana kabili mwibakanya ukwisa kuli ene pantu ubufumu bwa mumulu bwaba ngefi." ¹⁵ Abikele amaboko yakwe pabana kabili afumineko kulya kwine. ¹⁶ Mona, kwalishile umuntu kuli Yesu nokutila, "Kasambilisha bushe cisumanshi ni ngacita pa kutila mbe no mweo wa muyayaya?" ¹⁷ Yeus atile kuli wena, "Nga cinshi waipushisha inee musuma lelo ulwa cisu, a? umo nga wafwaya kwingila mu mweo, abake amafunde." ¹⁸ No muntu atile kuli wene,"Amafundenshi? Yesu atile kuli wene, "walaipaya, wilacita bucende, wilaiba, wilashinina umunobe ubunte bwabufi, ¹⁹ cindika wiso na noko, uletemwa umwinamupalamano nga we mwine." ²⁰ mulumendo atile kuli wene, "ifi fyonse nalibaka. Bushe findo shelenko na fyo?" ²¹ Yea atile kulibo, "Nga wafwaya ukubo wafikapo, kabiye, ushitishe fyonse ifyo wakwata upele naku balanda nishi naukwata ifyuma mu mulu; elyo wise unkonke." ²² Lelo ilyo umulumendo aumfwile icebo Yesu alandile, afuminepo naikatwa ubulanda, pantu akwete ifyuma ifingi. ²³ Yesu atile kubasambi bakwe, "Mucine cine ndemweba ati, kuli imwe calyafya umuntu uwafyuma ukwingila mu bufumu bwa mu mulu. ²⁴ Na kabili ndetila kuli imwe chaltanguka ingamila ukupula mulinso lya nshindano. ukucila umuntu umkankala ukwingela mubufumu bwa kwa Lesa." ²⁵ Ilyo abasambi baufwile ici balipapuka ngashi na kutila nga kanshi ninane uwingapusuka? ²⁶ Yesu aliloleshe atile kulibo,"kubantu ifintu fyalikosa lelo kuli Lesa ifi ifintu fyonse fyalinaka." ²⁷ Na Petelo, "aliaswike kuli wena, mona ifwe tulishe fyonse no kukukonka nga kanshi ifwe tukakwata?" ²⁸ Yesu atile kulibo,"ndemweba icine icne ati, "Mucalo icipya ilyo umwana wamuntu akekala pa cipuna cabukata bwakwe, imwe mwe bankonka mukekala pa fipuna ikumi na fibili kukupingela muminkowa ikumi naibili yakwa Isreal. ²⁹ Kabili onse uwasha amayanda baminina, wish, nyina, abana, Icilime pamulanda weshina lyandi akapokelela ifya miku umwanda, muli nokupyana umweo wa muyayaya. ³⁰ Lelo abenge aba intanshi bakaba abanuma, nabanuma bakaba abantanshi.