¹ Ovhe mundapi wa Huku ya Tchikumba engu omuhopua, no yondee woe, omba ovhahole otchatchili, ya hami pe atuhe omba tui otchatchili. ² Mokonda yotchatchili tchi-tchi mootwe ya tchi matchituatuako na otwe. ³ Otchali, no nkhenda ya Huku ya no mbembwa ya Huku Tate yetu, ya no ya Yessu Clistu, ondee yae Huku, akae na otwe otchatchi no tchihandô. ⁴ Ami ndjina ehambu enene, okuhanga oyendee woe mavhaendee motchatchili, ngatchi otwe tuatambula ovhizhilika vhia Tate. ⁵ Ya pahe mikukumbu, Tchikumba, ami enga mi honike ovhizhilka ovhipe, ombinha nkhe tuaili navhio pukufhimbika: Ovhiokutia tulihboleni pokati. ⁶ Ya tcho otcheli otchihando: okutia otwe ngatchi tchapopia ovhitumino, yo vhitumino embi, embi nkhe muatele okufhimbika ngeli omomuendela. ⁷ Pae ovhakengeleli ovhenge malu no mouye ya ombo kavha popi okutia Yessu Clistu wa yomukua no lutu. Engo mukengeleli ya otchita tcha Clistu. ⁸ Pukulukemei opo hamupumbwa ovhipuka atuhe tuaundapa, okutia opomutambula ofheto ya fhuapo. ⁹ Engu matuatuako ya hamakaa melongefho lia Clistu, engô kena Huku. enguinha matuatuako okwendea melongefho lia Clistu, engô po havhevhavhali una wo. ¹⁰ umu ngeya na koonue hena malilongefho ongô hamumutambula moyongandavheni ya hamuvhepopifha. ¹¹ Engu evhepopifha nae uninga ovhivhi ngavho. ¹² Ndjina ovhipuka ovhingi mbahanda okumuhonkila, Pae hihandeepe otchininguila moyopapelo nòtinta. Ndjino hekevhelo liokuya koo tupopye pumu, okutia ehambu lietu lifhupo. ¹³ Oyondee womuangu woe engu ahopua Ngavhapuluepô.