8 ¹ Ola ma Jizu tuka fô monte, whã memé nguê Lêlê mema. ² Sô bi wã leproso pê puna uê Rê, fa: Sumuê, si Bô messê, bô pô kula wú. ³ Jizu sendê mó Rê sô tokê, fa: Aun messé, ta kularu. ndjandja ê foi kurado di lepra rê. ⁴ Jizu fa ndê: Pia na fa nkuwã nguê kuê wa. Lêlê mondja ô, ba mussa ané sarsedote sô da oferenda ki Meseji manda, mora wa testemunha da ané. ⁵ Ola Jizu letxa ni kafarnaum, wã soré bi Lêlê sô logué: ⁶ Sumuê, tabarou un sa pezu ni kai lesaru y mali fogawa. ⁷ Jizu fa ndê: Aun nga bé nga kulé. ⁸ Sô soré-é kundji: Sumu, aun na sa buaro pa ô letxa leto kai un wa, magi fa wa lumba sô tabarô un ka sa kularu, ⁹ punda an turu sa wã omé sujeito a sefi soré aun tê soré maxi bassu un. Nga, fa ixi bé, y ê ka bé, y ôuto: Bi, y ê ka bi, y tabaro un: Dji kuê, ê ka djié, ¹⁰ Ola Jizu ndê kuê, ta boka biriru é fa da ané nguê ta ka lêlê: Veré veremé Nga fa sê ki né ni Israiel aumbê nguê ki yô afé. ¹¹ Nga fa sê: Yô nguê ka bi ni Leste y també Oeste, ka tasso ni mesa ki Abron, Isaki ku Jako, ni Leno dy Onsé. ¹² Magi ané na di Leno ka sá zugaru ni kilembeka kiba lua, andji katê sua ku mé detxi. ¹³ Jizu fa da soré: Bé, axié mora ô kêlê, axié ka sá djiro ra-ô. Sô tabarô-é foi kularo ni horé-é mé. ¹⁴ Ola ma Jizu letxa ni kai di Perú, bê sogla ré detaru ku feble. ¹⁵ Jizu te mó ré febléé legue, so é lata komesa ka xive ané. ¹⁶ olá suku kubi, ané bi ku yo ngue ki demono tá ká kontrola da Jizu, só Elé txia ané supito ku wá lumba, só kula turo ané ki tá duetxi. ¹⁷ Di moréé, sé ta kua ki foi faro por Isaia, o profeta: Ê tua ni dibá Rê turu duéxi non só kega turo mali. ¹⁸ Sô JIzu bê yô nguê ni boró Rê, da ané intrussó pa né ba otô kiba ionga di galileia. ¹⁹ Sô wã eskriba bi tê kuê sô fa: Messe, aun nga lêlê-ô ba kualikere nga mô ka dé. ²⁰ Jizu fa dé: Ané lagaia tê vuvu, sô ané bisso di osé katê kama, magi Ná de Omé na tê andji pê ntê rê wa. ²¹ Otô ané maielo fa ré: Sumó uwara un pimelo be ba txia pai un. ²² Magi Jizu fa ré: Léle un, dessa ané mothi txia motxi rê plopi. ²³ só Jizu letxa ni wá vapô, Ané maielo Rê Lêlê. ²⁴ Antó bi wã memé ma tempo ni mionga, ni mora ki ané bossa ta ka kubi vapô, magi Jizu ta ka dumi. ²⁵ Ané maielo bi-lêlê sô ané koré-é, fa: Salvanon Sumu, non sa kuase muê. ²⁶ Jizu fa ané: Punda kuai sê sa ku mendu! Sê sa di pouko afé! Antó Elê sô lata, kêta ki ané vento ki mionga, sô plassê wã mema kamaia. ²⁷ Ané omé ta ku gosto fa: kali mora omé sa xié, ki atê mesmo mionga ku vento ka kundjié! ²⁸ Sô Jizu ndu ni outô kiba, ni region di ané gadareno, douso omé ki ta kontrolaro por demono ta bê. Ané ta ka fô ni xinteli sô ané ta yô tomentaro, di morê ki neunwa nguê ka fô viagi na ka pa la ni mondjé wa. ²⁹ Antó ané nguita sô fa: kuai non tê kiô, Ná di Dessu! Bô binguê di tomenta non antidji di tempo makaru. ³⁰ Na iô londji inguê, wa iô grupo poko ta ka mé. ³¹ Ané demono loga Jizu fa: Si tia non, manda non ba ané grupo poko-é. ³² Jizu fa ané: Bé! Ané demono xiê sô ba ané poko, sô antó turu ané grupo sata ni barrera boiaro ni kiba mionga sô ané poko muê ni aua. ³³ Ané omé ki ta ka tua konta ané poko fuzi, sô letxa ni posso, tanga turu, kua ixi ku ta da kua ané omé, ku ta ku demono. ³⁴ Antó turu nguê posso bi pa taka ku Jizu. Sô ané Bê, logué-é pa êlê dessa zona ané.