16 ¹ Ané farizeu ki sadusseu bi pê Jizu ni plova, pindji pê mussa un-ua sinale de onsê. ² Magi Ê kundji ané: Ola ngossi ka bi, Sê ka fa: Ê ka tê bom tempo, punda onsê sa buaru. ³ E pomonha sê ka fa: tempo ozé sa mali, nuvé sa boru e kulu. Sê ta interprta kua de onsê, magi na interpreta sinali de tempo wha! ⁴ Un-ua gerassó mali e adultera ka pindji un-ua sinali, magi né-un-ua sinali na ka da sê wha, se ê na sa de Jona. E Jizu, dessa ané xiê bêrê. ⁵ Ane maelu rê vitha ôtô kiba, magi ané kessê de bé ki mpô. ⁶ Jizu fa ané: tua atensó e sa ki kuidadu ku fermento de farizeu e sadusseu. ⁷ Ané maelu rê keta ki ôtô fa: Sa punda nó na biki mpó wha. ⁸ E Jizu ndê kuê fa: Omé de fé txododo, punda kuai sê ka keta ki ôtô fa punda kuai sê na bi ki mpó! ⁹ Sê ndê e né lembua de tanón mpó da tanón mili omé e de kuanto zongué ma sê koiê. ¹⁰ E de naké mpó da kuana mili omé e de kuanto zonguê ma sê koiê. ¹¹ Ma sê na ndê ma na fa sê de mpô! tua atensó e sa ku kuidado ki fermento de farizeu e saduseu. ¹² Antó ané ndê Mê na tia ka fa de ané sê kuidadu ki fermento de mp[o, magi de ané sê kuidadu ki sinamento de farizeu e sadusêu. ¹³ Oló ma Jizu bi lugué setu de Sesareia de Filipe, Ê puta ané maelu-rê: Nguê ma povo ka fa ê sa Ná de Onsê! ¹⁴ Ané fa: Ané ka fa: Zon Batista: ôtô ka fa: Elia: ôtô ka fa: Jeremia ôtô un-ua de ané profeta. ¹⁵ Ê puta ané, Magi sê ka fa Un sa nguêi! ¹⁶ Limo Peru kundji fa: Bô sa Kristo, Ná de Dessu vivo. ¹⁷ Juzu kundjé: Bô sá bensuaru, Simó Barjona, punda ê na sa kani e sangue ki revela-ô kué wa, magi Táta Un ki sa onsê. ¹⁸ E també An nga fa-ô ma ô sa Peru, e diba londé nga zi guêza Un e poto de fenu na ka nguêté wa. ¹⁹ An nga da ô sabe de Alê de Onsê. Kua ma ô ka liga ni tié ka sa ligaru ni onsê e ma ô ka disliga ni tié ka sa disligaro ni onsê. ²⁰ Antó Jizu manda maelu rê pa ané na fa né-un-ua nguê Mê sa klisto wha. ²¹ Ndjina dia ixi za Jizu komessa ka fa ané maelu rê ku ê sa pa ané ba Jerusalem pê ba sofe yô kua ni món de ansiõ, xefi sasserdote e skriba, sa motxi e tô lata ni kuana dia. ²² Antó Peru sama Jizu pê bóro e xumbé, fa: Londji de Un, Sun, kué na ka ba da kiô wa. ²³ Magi, Jizu bila, fa: Siê ba mema Un, demono, bo sa da Un buru de tope, punda bô na ka kuida kua Dessu, magi kua de omé. ²⁴ Antó Jizu fa ané maelu-rê : Si nguê mêxê lêlê Un, zeta êle mé, tua kussú rê e lêlê-Un. ²⁵ Magi nguê mêxê salva vira rê ka pendê. E nguê pendê punda Un ka bê. ²⁶ Punda kuaí un-ua nguê ka poveta nganha tia loké e pendê vira rê! Kuai un-ua nguê dá ni toka de vira rê! ²⁷ Punda Ná de Omé ka bi ni glória de Táta Rê ki anju Rê. Antó Ê ka dá kada un-ua kua ki toka de kua ma ané zi. ²⁸ Véremé Ãn nga fa sê ma un-ua sê ki sa ingué na ka ximenta motxi atê ê ka bê Ná de Omé ka bi ni Alê rê.