5 ¹ Ola Jizu bê yô nguê, banda mundu, tassó Rê, i ané maelu rê bi atê Êlê. ² Antó Ê biri boka rê i xina ané, tô fá: ³ Ku gosto sá pobli di Supitu, punda ané sa Lenu onsé. ⁴ Buaru sa ané nguê xatiaru punda ané ka ba sá animaru. ⁵ Buaru sa ané nguê mansu, punda ané ka ba leda tia. ⁶ Buaru sa nguê xi ku tê fomi i sêri de zustisa punda ané ka bi sa sasiaru. ⁷ Buaru sa nguê ku mizerikordiozo punda ané ka ba tê mizerikordia. ⁸ Buaru sa nguê ku tê kosón limpu punda ané ka bê Dêsssu. ⁹ Buaru sa nguê ku tê paxensa punda ané ka ba sa samaru ná Dêssu. ¹⁰ Buaru sa nkênu ku sa pisiguiru punda zustisa, punda dy ané sa leno onsé. ¹¹ Buaru sa sê ola má nguê ka ofendê i pisigui, ô fá turu tipu di mali i fasidadi kontla sê punda sê ka sigui Un. ¹² Ta ku gostô i alegria, punda mémé sa rekompensa sê ni onsê. Punda mora é nkênu ka pisigui plofeta ku ka antigi sê. ¹³ Sê sa salu tia é, mazi si salu pendê gosto, má a ka sivi kuê dingui! Sô ê na ka sivi dô-ôtô kua dingui wa, sô pa sê zugaru ta i sá du-mundu dá nkênu. ¹⁴ Sê sa kandja dy tia é, un-wa posón giru diba kolima na ka pô sa méma konderu wa. ¹⁵ Ny-wa nguê ka iêrê whã kandja i ka pê kosi di un-wa zonguê, mazi, ola ê, ka pê kandja é ierê ra turu ni kai. ¹⁶ Ky kandja sê ka iêrê wê nkênu, di taly mora ma ka bê kua buaru ka lova Tata nón ku sa ny onsé. ¹⁷ Na pensa ma An bi pa lokê ku Alê ô Plofeta ua, na bi pa lokê ku sê wa, mazi pa kumpli. ¹⁸ Sô ixi-é, verémé, nga fa sê, atê ma onsé i tia ka psa ny-wan pontu ô tili ka ba sá, di ny-wan mora, ka ba sa muraru ny Alê atê ku turu kua ka kumpli. ¹⁹ Sô kua kuali un-wa nguê ku ka kebia txoodódó di mandamentu i xina ôtô gi kuê é mé ka sa samaru txoododó ny Lenu onsé. Mazi kua kuali un-wa ku ka lokê mandamentu rê i xina ka sa samaru mémé ny Lênu onsé. ²⁰ Kué sô manda nga fa sê, si zustisa sê na exeder zustisa di eskriba i farizeu, di mora na ka letxa ny Lenu onsé. ²¹ Bo ndê ma fá ny djina-kulu: Ná mata-wa, i kua kuali un ku mata ka sa sujeitu a zugamentu, ²² Mazi nga fa sê ku kua kuali un sê ku ka sa ku leva kontla namó rê ka by sa sujeitu a zugamentu, i kua kuali ku ka fa namo: Bô sa un-wa maloko! Ka ba sa sujeitu i sê zugara ny tribula-ny kua kuali ku fa: Blutu-é! Ka bi sa sujeitu a fogô ra fénu. ²³ Sô si bó bé ku plezenti pa altar ni nha bô ka lembla ky namô ô kua kontla bô, ²⁴ dessa oferta ô nha, ni wê altar i bê pimbelu gi pagi ku namo ô, sô bi mussa plezenti ô. ²⁵ Letxa ni akordu ku nguê ku akuza séru, sô bô sa kuê ni mondja pa tribunali, pa akuzarô rê na ra tanga ô da zuxi, i zuxi ka tangô ra ofisial, i ka zugô pezo. ²⁶ Veré mé nga fa ô na xiê nha antê bô ka paga ultimu xintosô ô. ²⁷ Bô ndê kua má fa: na zunta doussu mengai wa! ²⁸ Mazi nga fa sê kua kuali un wa ku ka bé pa un-wa mengai ku intesón mali sa ê gi adulterio kuê ni kloson rê. ²⁹ I, si wê dileto ka bê ku ô ka gi ku mali, txié ta zuguê ta, punda sa maxi buaru un-wa nga ônguê ô muê dy ky turu onguê ô sa zugaru ni fenu. ³⁰ I si món ô dleitu ka bé ku ô gi kua mali, koté zuguê ta, punda sa maxi buaru un-wa luguê onguê muê ki turu onguê sa zugaru ni fenu. ³¹ Sô a fa: kua kuali un-wa ku manda mengairê bêrê dé un-wa kata di divorsio. ³² Mazi nga fa sê ky turu nguê ku ka baga ku mengairê, pê na sa punda imoralidadi sexual wa, ê ka zé un-wa bandira, y kua kuali ki kaza kuê, sô pê baga ka kometê adultero. ³³ Bô ndê kua ma fa ané nguê nakulu: Na zula fassu wa, mazi kumpli zuramentu sê da Sun. ³⁴ Aun nga fa sê ma Un na ka zula di né-wa kua wa: né da onsé, punda ê sa tronu Dêsu. ³⁵ Né da tia, punda ô sa fimi di opé ô, né da Jeruzalem, punda ê sa possó di mémé Alê. ³⁶ Na zula da ntê-ô wa, punda ê na pô bila un-wa fita ntê pétu ô ziaru. ³⁷ Mazi lumba ô sa véré-véré ô inó-inó. Kua kuali kué dô kê ié ka bi di malignu. ³⁸ Sê ndê kua ma fa sê: wê ku wê y detxi ku detxi. ³⁹ Mazi nga fa sê: na vugu ku nkênu mau wa, ôtô mora, kuakuali nkênu ku ka da ô un-wa suru póló, tô dé ôtô kiba póló també. ⁴⁰ Si nguê mêssê bé ki ô tribunali y tua tunika ô, dessa nguê i tua també kapa ô. ⁴¹ I si nguê obliga-ô nda un-wa milha, bé kuê dossú. ⁴² Da kua kuali ki pindji ô, y na bila mema ô da kua kuali nguê ki messê pindji ô kua pesaru-wa. ⁴³ Bô ndê kua ma fa: ngôgô ki nguê ô, i na ngôgô ku numigu ô wa. ⁴⁴ Ku turu kua nga fa sê: ngôgô ku numigo sê, i fa lasón da nguê ki ka vugu ku sê, dá bensón da bguê ki na ka ngôgô ki sê wa, ⁴⁵ Pa sê sa ná de Tata sê ki sa ni onsé, punda ê ka gi soló bé nnê da nguê buaru y da nguê mali y ka manda suba da zustu y inzustu. ⁴⁶ Punda si sê ngôgô ku nguê, ka ngôgô ku sê sê kuali rekompensa nganha ku kué! Ê sa veré atê kobarô dy impostu ka zi kué mé! ⁴⁷ I, si sê fa mantxa da námó sê sô, kua sê ka zi ôtô! Ê na sa véré atê zintxi ka zi kué mé! ⁴⁸ Anto sa setu, mora setu de Tata sê Selestial.