¹ Paulo sêvu di Dêsu apostulu di Jizu Klixtu, segundu afé di ané koiêru di Dêsu, di conhecimentu véré segundu piedadi. ² Né afé di vira etena ku Dêsu. ku na ka xidiga wa pomêtê antigu pê bi mundu. ³ Ê tempu setu, Ê mussa palavla rê, ne katxi lunbare, me ta fa sê mora ma Dêsu fa savaro non. ⁴ Tito sá verá wa na non fé naria, glasa ê fé ni Dêsu Tata klixtu Jizu savaró non. ⁵ Punda kua sé hun legaô ni Creta, pô pé luma kua ku tava fata, pa pô pê presbiteru ni pôson ni pôson axi mora manta fa ô. ⁶ Presbiteru tê ku sê Irrepreensivê, ómé di hunwã ma mengai tá, ku na rê krenti , a na ka poka mali rea ne, indiciplinaru na. ⁷ Ê sa pa bispu mora administradoru di Dêsu, a na ká pô ka fa mali rê. Ê na ka pô sa fidalgo wa, ê na ka pô televa wa, ê na ka pô sa guê ka kaga wa, ê na sa agressivu wa, ê na ka pô sa gue ka lêlê likeza wa. ⁸ Aiê, ê tê ku sa ku vonté de côiê nguê, sá buaru, sá sutétu, Zuxtu, santu, tê ku ta domina viráré; ⁹ Ê tê ku sá pegaru ni palavla ma ka xina, pê sa pleparadu pê flá buaru; ni dotrina véré, só pê chumba nkênu ku ka kontrariô. ¹⁰ Punda ê tê iô Insubimisu, maxi, maxi sa ané discrenti, ka ngana só bê ku nkênu mondja mali, ku palavla ané ´sa mali; ¹¹ Ané nkênu sa di kabo ka nkênu. Ané ka xina kua ku sa pa na xina wa. pa ané tê ben ma kua na ka kêlê wa, dana familia tela. ¹² Hun wa profeta fa ané katxi ané: Cretensi sa ka xidigo semplé, animali demónon, Pliguiçosu. ¹³ Testamentu sé ê sá véré, ê manda atê kurigi ané ku rigoru, pa ané sa buaru ni afé. ¹⁴ Ná dá tenson ni iô lenda judaicu, nê mandamentu di ané homé ku ka aparta di véré. ¹⁵ Veré mé turu kua sá limpu da ané limpu, mazi pá ané ku sá suzu, ku sá discrenti niwa kua sá limpu wa; punda antê menti ku kunchensa ané sa danáru. ¹⁶ Ané ka fá má ané konsê Dêsú mazi ka nega Dêsú ku obra ané. Ané ka ji nkênu ôdia outô, sá desobidinti ku outô, sô mussa má ané sô xcluidu pa kalikeru obra buaru.