¹ Ola ma sabaru loke, Maiá Madalena, Maia mama di Tiagu i Salomé kumpa pufume ki kacela pe ba baba ôngê Jizu. ² Ni pumbêlu ria di semana, seru fogawa, ola nansê sólõ, ane be an ntê ximitely. ³ Ane tava ka puta ua an ku ôtô: Nkenu ka txia buru é non di ximitely? ⁴ Ola ane lata wê ane be ua an nguê txia buru, buru é sa ngairu fogawa. ⁵ Ê letxiá ni ximitely, ane bê ua mosu bixiru kabixi ziaru, tasoru ni kiba diretu i ane tava ki mendu. Ê fa ane: Na mendu ua. ⁶ Sê ka nglo Jizu Nazarenu, ki muê ni kusu. Ê tô la ndja! Ê na sa inga wa. Bi pia nga ma pé né. ⁷ Mazi ba fa ane sivirô rê ku Peru ma Jizu ka ba lêlê ni Galileia. Nhã sê ka be mora mê tinhã lumaru ki sê. ⁸ Ane xiê kolê ni ximintely, ane tava ki mendu ka teme. Ane na fa nenhuwa kwa danguê ua, pinda ane tava ki yô mendu. ⁹ [Os melhores manuscritos antigos omitem]. [Maxi bwuaru livu non kulô ka txia vesi kulu uvua a kwine kwin.] Ola ê lata ni pomonhã ni pimêlo ria di semana. ¹⁰ Jizu vutxa Maia Madalena, ma txia sammari demônô onguê rê. ¹¹ Ê xiê ba fa kua mê bê da turu tava ku Jizu, mora ma ane tava ka gõ i ka suá. Ane ndê ma Jizu sa vivu bero ku ane, mazi ane na kelêua. ¹² Sô ane kué Ê ndu ôtô mora pa dosu dingue, ni mondja ka ba kampu. ¹³ Ane ba fa da ôtô xivirô, ane na kelê wa. ¹⁴ Sô Jizu ndu kwuin uã, ola ma ane tava mesa, Ê sama ane atenson da koson dizu, ma ane tava kué, punda ane na kelê ni ane nguê xi ki bê ua ola mê lata. ¹⁵ Sô Ê fa: "Ba turu mundu, fa palavra Desu da turu nguê. ¹⁶ Nguê ka kelê i sa botizaru ka sa salvu, i nguê na ka kelê wa ka muê atê atê. ¹⁷ Sinalié ka lêlê nguê xi ka kêlê: ni nomi un sê ka txia demônô ka fa ôtô lunga, ¹⁸ Sê ka lê kiongô ki mô i si sê bê kua ku tê nbago ê na ka mata sê ua, ê sê ka pê mô diba, duêtxi i ané ka sa kularu. ¹⁹ Sô Sun Jizu fa ku ané, Ê subi ba onse i Ê ta ka direta di Desu. ²⁰ Ane sivirô xiê ba fa lumbarê turu ané i ka konfirma lumba ni milagre i sinaly ku tava ka be ku ané.