¹ Ni dôsú ria ka bi paxikua i fika di npó si fumentu. E ané maiêlu sacerdot i iscrivõ nda ka ngolo uã moru pá tê conderu pa tê condero pa natawa i mateê. ² Puda ané tá fá: "Na ni olá Pascua wá, pá tomento na lata katxi pôvô wá". ³ Jisu ta ni Betania ni kai Simon, unwa leproso, pi ola ma ane tassó ni mera, vutxa nha unwa mengai ku unwa doma ki pufumi kita ku unwa auwa buaru fogawa nardo fina. Ê kebia doma é i lukua pê diba ntê Jisu, ⁴ magi txo ané chatia. Ané fa katxi ane:"Punda ká manda é dana pufumi? ⁵ purfumi ê ka sa bendiru machi di trezentu lélo e axê ka paxi da plobe ". E ane keta kuê. ⁶ Magi Jisu fa: "Légué ni pagi. Punda kui se sa keta? Ê dji unwa kua buaru da vira unw. ⁷ Ni katxi sé semple ka sa ku plobe e ola na sé mecé sé ka dji ben da anê, magi, Aunw se na tê semple wa. ⁸ Ê dji kua mê poi, ê bua onguê, Unw na kulo pá txia unw. ⁹ Veré veré nga fá, nga ma vangelho é ka sa faru ni turu nga, kuaxi ma mengai ê dji ka sa faru, ni nté ré". ¹⁰ Antó Zura Escariote, unwa de kuin Dosso, bé áté chefé sacedote pê da ane Jisu. ¹¹ Ola ma sacedote ndê kueê, fika ki gosto i fé di dê lélô. Ê começa ka ngóló moru di da anê Jisu. ¹² Ni pimélo ria di Fesa sê Fementu, ola anê sacrifica unwa ombô di Paxicua, Ané maielo fa:"Andji bô mêcê á dji mê di Paxicua?" ¹³ Ê manda dosso na kia e fá ané: "Bé bá posso e unwa home sé ka kega bule de auwa ê ka bêrê. lêlé. ¹⁴ Nga mé ka letxa, lêlé e se ka fa dono de kai:"Messe fá: Andji ka fika sala má nga ba mê Paxicua ku ané maiêlo? ¹⁵ Ê ka muça sé unwa sala kimubilia ni diba e êssa giru. Dji nha preparaçon nón. ¹⁶ Ane maiélo xiê anê bê atê poço; ane bê turo kua mora ma Ê fa ané dji nha mê di pascua. ¹⁷ Ola ê ndu nsucu, Ê bi kua anê kuin dosso. ¹⁸ Ola ma ta tassoru ni mésa ka mé, Jisú fa:" Veré veré Anwa nga fa, unwa di sê; ki sê ka mê ki aun, kabi nganaun". ¹⁹ Turu anê sintxi mali i unwa unwa ané faê: "kue sa unw?" ²⁰ Jisu, kundji, fa ané: "Ê unw di kuin dosso, nguê ki aiê sê ka venba npo ki auw ni tamina. ²¹ Punda na di homé kabé mora ma bilbia ka fá ni vira rê; magi ai i nguê ki ka ngana unw! Melhoru pa elê na toca nacewa". ²² Ma ané tá ka mê, Jisu tua npó, da benço, patxi da anê. Antó fá: "tua ixiê sá ongue unw". ²³ Ê tua unwa kassi, da glaça, da turu ané bêbê. ²⁴ Antó fa ané: Ixiê sangui Unw di aliança, i sangui ki sa lucuaho da yô nguê. ²⁵ Ni véré nga fa sé, Anw na ka to bêbê dingue unkuê de vinha atê ria man nga bêbê vin dingui né kai di Desú. ²⁶ Zó canta unwa vungu, bené ba monte di oliveira. ²⁷ Jisú fa ané: sé tu sé ka zeta Unw; punda sa xikevivi: A Firi Pastoru turu ombo wanga. ²⁸ Magi ola mga kora; nga be ni Wê sé ba Galilleia". ²⁹ Peru faé: "Aché ki turu nguê ka lega Ô, na ka lega Wa". ³⁰ Jizú fa dê: " Veremé An nga fa, nsucu é, antê galo ka kanta dossu vêji, bô ka nega Unw texi veji". ³¹ Magi Peru fa:" Nga po muê ki Ô, na ka nega Ô wa". Turu ané dji kuê mê. ³² Anê ba unwa nga ka sama Gersêmani, e Jizú fa ané maielo ê: " Tasso inguê Aunw nga ora". ³³ Ê tua Peru, Tiago i Zon, antó komeça ka fica xatiaru i ni mêmê dôlô. ³⁴ Jisu fa anê: Alima unw sa triste fogawa kuase di muê. Dja inguê i zongô. ³⁵ Jisú tó bê maxi longe tó, kiê só ka ora se ê kada, ola é ka pó passa dé. ³⁶ Ê fá :"Aba, pai, turu kua da ô ka da txia xiê di Aunw. magi, na sa mora mon mecê wa, magi monra Ô". ³⁷ Ê bi, taka ané ka domini, é fá Peru: "Simô bô sa dumi? Bo na kapô zongo ne unwa ola wá? ³⁸ Zongo i ora pa ô na letxa ni tentason. Ê supitu sa pontó magi onge sa flacu. ³⁹ Ê to bá wê thô dji oraçon, ê tô fa kare mê. ⁴⁰ Outo veji Jisú to bilêlê ané maiêlo rê taka ané ka dumi dingui; wê ané ta demasse mo tlixi fogawa i ané na tinha kua pa kundji wá. ⁴¹ Ê tô bini têsse vegi ê fá ané: "Sé sa kadumi anda i discansaru? Ê xiga! Ê xiga olá. Na home ka sá daru da mon pecaró. ⁴² Lata, bé nô! punda nguê ixi sa ngananw ê sá pétu". ⁴³ Welemé, ma ê taka fá: Zura, unwa di kuin dossu, vitxa unwa pôvô ngairu ta kuê; bixiru katana i njingui pô, di grupu di principai sacerdote, escriba i ancion. ⁴⁴ Nganaru da ané unwa xinali, ê fa: " Ê sá ixi ma nga da vezo! manhé ê békuê ki ngnara". ⁴⁵ Ola Zura ndunha ê bi atê Jisú ê fa: "Méssé!" ele dê bejo. ⁴⁶ Antó ané tê i pê pesu. ⁴⁷ Magi unwa nguê ki tá nha saiha unwa katana, feri servo di sumu sacerte ê cóté odia ta. ⁴⁸ Jisú fa ané:"Sê bi pa manha Unw mora unwa ladrô, ki katana i ngigui pó? ⁴⁹ Olá nma ta ki sé turu ria ni ngueza ka xina sé na manha unwa. Magi kuê fi djiro pa biblia kassa kumifiru." ⁵⁰ Ê turu nguê ki ta ku Jisú leguê só i fuzi. ⁵¹ Unwa moço Ta lêlê, ê ta bixiru unwa lançolô di lino ki sa buiarú ongue rê, ané ndamê, magi, ⁵² ê masivi ê dessa lamçoloê pé sô, colê berê unu. ⁵³ Ané bé ki Jisú atê sumu sacerdote. Turu ané zunta chefé sacerdote, ancion i escribas. ⁵⁴ Olá mê, Peru ta ka pia turu kua longi, ate letô nga di sumo sacerdote. Ê taçó kaxi nguara, ki ta peto fogô pa ê sa ketxe. ⁵⁵ Ané chefe sacerdote ku turu Sinedrio ngolo nguê konta Jisú, pa ané ngolo moro matê. Magi ané na bêuwa, ⁵⁶ Yô nguê bi ku difamaçon kantê ê, magi turu kuê ta keto wa. ⁵⁷ Otô lata i bi ku ma fama kontrê ê; ané fá: ⁵⁸ "Non ndê ka fa: Aun ka baga nguezeê ma adji ki mon home i ni tessi ria an ngi outô, ki na sá giro ni mon humano". ⁵⁹ Moremé axê kusasson i na da cétu ma. ⁶⁰ Anton, sumu sacerdote latá catxi ané zunta da Jisú: "Bo na ka kundji ne unwa kuawa? kua ma ané homeê ka fá contla Ô"? ⁶¹ Magi ê ta boca fissaru na kundjiwa. Outo vê sumo sacerdote punté: "Bô sá Cristo, Na di Desú Benditu? ⁶² Jisú fa: "Aun sá. Sé ka pia Na homeê tassoru a direitu di Poderoso ka bi ki nuvé di oncê". ⁶³ Punda kuê, o sumu sacerdote yaiya cabise ê fa: "No to mésse testemunha? ⁶⁴ Sê ndê fa vonvon. Kuai sé capidji?". Ê turu nguê condena Jisú ma ê toca muê. ⁶⁵ Otô nguê zuguê ki kupi no onguê rê dê ki kua i fa: "Profetiza!" Anê nguara bé kuê ê dê ke kua. ⁶⁶ Peru ta pate koxe, ni patio, unwa na kia di sumu sacerdote bi lêlê. ⁶⁷ Nê ê, bê Peru zuntu fogó, pa ê pô kueitxi, ê pia buaru dé ê fá: "Bô turro ta ki Nazereno, Jisú". ⁶⁸ Magi ê fá inga:"Na ta kua na intende kua bô sê ka fá". Anton ê Xiê ba patio. ⁶⁹ Magi nha na kia ndê começa ka fa dingui nguexi ki ta nha: "Home ê sa unwa anê. ⁷⁰ Magi ê fa inga dingui. Magi ngue ixi ki ta nha fa Peru: Veremé bô sá unwa anê ê bô sa unwa galilieu". ⁷¹ Magi ê cómeça ka fa mali ka zula: "Na konsê homé ixi má sê ka fá". ⁷² Anton, welemé, galo kanta dossu vejiê dindi. Peru lebra di lumba ma Jisú ta faê: "Antiji pa galo kanta dossu veji tesse veji bô ka nega Unw". Ê letxa ni tristeza komeça ka sua.