¹ Ala ane ta ka vitxa Jeruzalem petu da Betfage ku Betania, ene banda mundo de Oliveira Jisu manda dosu na lekaru, ² ê fa ane: "Ba lêlê pôvô ku sa wê sê. Ala sê ka letxa, nê ka bê wã jumentu ma naxi subi wa. Txié bikwê. ³ Xe a puta sê: Da kuaí sê sê ka dji kuéé?, Sê ka kundji: Jisu sê ka precizarê, Zô ê ka bi kuê"". ⁴ Ane bé bê wã jumentinhu manharu ni wã poto, ku ba lúa, sô ane luê coro é. ⁵ Wã dosu nguê ku ta nha puté: Kua sê sa ji luê jumentinhu? ⁶ Ane kundji mora jizu ta fa ane, sô ane nguê é désa ane bé ane. ⁷ Wã dosu na lekaru bé ku jizu da jumentinhu, pê kabixi ane diba rê, Jisu bê diba rê. ⁸ Yô nguê ta ka tuá kabixi ane ka pê mondja, ôtô ane ka pê tango pô ma ane txia ni mevia; ⁹ Nguê ta ka bê kuéé ka lêlê méma ku nguita: ozana ngôgô ku turu kua ka bi ni nome Táta. ¹⁰ Ngôgô ku lênu Táta Davi. Ozana ka banda. ¹¹ Anton Jizu létxa Jeruzalem, ê nda ba nguêza ê pia turu kua ku sa boro. Ala ê xiga ngoxi nsuku ê ba Betânia ku na kuiné dosu. ¹² Ôtô ria, ala ê bi Betânia, ê xintxi fomi. ¹³ Ê bê wã fiposo ku musa fia rê lôndji, ê ba pia xi ê ka mé né. Ê ndu petu rê, na bê néwã kua xi ê na sa pia wa, punda ê na sa olaúnkuê wa. ¹⁴ Ê fa axi; Néwã nkênu na ka ba mé mé ô wa. Ane na lekaru ndê kuéé. ¹⁵ Éné bi Jeruzalem. Ane létxa nguêza, jizu komesa ka kolê ku turu nguê ku ta ka mendê, ka kopua. Zuga meza ane nkênu ku ta tloka lêlu ku kua taso ane ku ta ka bêndê pombô. ¹⁶ Ê na lega néwã nguê letxa nguêza ku kua ba bêndê wa. ¹⁷ Ê xina ane fa: Na fa sê ma kai un ka sama kai lasó da turu nguê wa? Maji sê tué bila kai ladró. ¹⁸ Ane xefi saserdote ku eskriba ndê kuéé, ba ngólo moru pa ane maté ta. Ane ta tê mendu punda yô nguê ta ka gôgô ku kua mê ta ka xina ane. ¹⁹ Sô tadji ane xiê fô posó. ²⁰ Sô pomonha ala ma ane ta ka nda, ane bê fipôso ixi mê fa, kutaru atê leji. ²¹ Anto Peru lembua ê fa, Mésé, fiposó mô fa kuta bêrê. ²² Jizu kundji ane: Tê afé ni Dêsu. ²³ Vêremé nga fa sê xi kuakuali sê fa londe é: kiê mionga, na tê dúvida ni coso wa, maji kêlê kuaxi ma fa, Desu ka jié. ²⁴ Sô sô sô nga fa sê, turu kua ma sê ka pindji ni laso, kêlê ma sê tué, a ka da sê êlê. ²⁵ Ala sê ka ji laso, sê ka pora turu kua ma sê tê ku ôtô nguê, pa Táta sê ku sa onsé ka pora sê turu mali sê. ²⁶ Maji xi sê na pora wa, Táta sê ku sa onsé na ka pora sê ku mali sê wa. ²⁷ Ane tô bi Jeruzalém. Jizu ba ngueza, ane nkênu ku ta ngueza bi lumba kuê. ²⁸ Ane puté: mô ka ji ane kuéé? Nguê da ô autoridade di ji kuéé? ²⁹ Jisu fa ane: Nga ba púta sê wã kua, kundji un nga fa sê kuali autoridade nga zi kua. ³⁰ Batismo de zon sa de onsé ô de home? Kundji un. ³¹ Ane pufia ku ane, fa ku ane mé xi non fa: Di onsé ê ka fa: Anto punda kuai non na kêlê wa? ³² Maji xi non fa: Di home...Ane temé pôvô punda turu nkênu bê Zon mora pofeta. ³³ Anto ane kundji Jizu; Non na táwa. Jizu fa xi: Aun na ka fa sê mora ma nga zi kua é wa.