¹ Jizu lega xitu siê be pa region di Judaia ni wê oiô Jordon; sô ane yô nguê tô bi dingui. Ê t ô xina ane mora ta ku kusyume. ² Ane Farisêu tô bi sô ane punta: "Veré sa buaru mé omé ka bô lega mengai rê?" ³ Ê kundji: "Kwai ma Muizé fa?" ⁴ Ane fa: "Musé fa omé xkevê ua wa kata di baga, Antón, baga ki mengai". ⁵ Jizu, fa ane: "Kwué sa punda koson sê sa dizu ku Muisés manda xikruvê kué. ⁶ Djina komesu di turu kua Desu dji ome i mengai". ⁷ "Da kuaé m omé lega papa rê ku mamá rê zuntu mengai, ⁸ ane dosu ka tô sa ua nguê sô. Aié ê na tô sa dosu wa magi un wa nguê sô. ⁹ Magi aié kua ma Desu ka zunta omé na ka wangue wa". ¹⁰ Ola ma ane tava kai, ane maiêlu tô zunta da kué. ¹¹ Ê fa ane:" Turu nguê ki ka lega mengai rê ki ka zunta ki ôtô mengai, ka agi pekaru. ¹² Xi mengai lega omé rê ba tua ôtô omé, menagaié ka peka. ¹³ Ane tô bi ku na txororo pê pô mon né, magi ane maiêlu keta. ¹⁴ Ola Jizu bê kué, ta xatiaru ê fa: "lega na txororo bi lêlê un na zeta ane wa, punda govenu di Desu sa da nguê mora na txororo. ¹⁵ Nga fa sê vere mé: "Turu nguê ku na tua govenu di Desu wa mora na txororo, ê na ka letxa ne vira de Desu". ¹⁶ Anton ê tua na txororo pê morê i de benson. ¹⁷ Ola mê tua mondja é bere unwa ome kolê bi; pê npuna só punté: "Mesé buaru, kuai nga poi dji nhã pa tê vira longô?" ¹⁸ Jizu kundji: "Da kuai manda bo ka sama buaru neunwa? Nguê na sa buaru xi é na sa Desu. ¹⁹ Bô konsê mandamentu: "Na matawa, na tua mengai nguê, na futawa, na fa mali nguê, na futawa, gogo pa ô i ma ô". ²⁰ Ome é fa: "Mesé, turu kué an logue na antia na txororo". ²¹ Jizu pia de i amé, fa ré: "ua ka fata ô; be ba bendê turu kua bô tê da plobi, bô ka tê unwa likeza onsê. Anton bi lêlê un". ²² Magi omeé, xatiaru ku palavra xiê, xiê ki leva punda ê tava ki ô likesa. ²³ Jizu pia boro rê fa ane maiêlu: "Mê sa dizu nguê tê kua letxa ni govenu Desu!" ²⁴ Ane maiêlu fika ku boka biriru da fa rê. Magi Jizu to fa ane dingui: "Na un, ma é duru letxa ni governu di Desu! ²⁵ Ê sa maxi buaru unwa kamelu pasa ni vuvu di unwa guia maxi du ki unwa liku ni governu di Desu". ²⁶ Ane tava tapaiaru i ka fa un ane da ôtô: "Sô nguê ka poi sa salva? ²⁷ Jizu pia ane fa: "Pa ome é na ka giua magi pa Desu turu kua é ka ka pô dgi". ²⁸ Peru komesa ka fé: "Ma non lega turu kua ba mema i lêlê Ô". ²⁹ Jizu kundji: "Veré me nga fa sê, ê na tê nguê ku desa kai rê, na manu rê, pa, mama rê, mosu rê, tia rê, ku punda un an da ³⁰ Êvangelhu wa Ku na katua têsi sentu vêzi dingui wa, ingue ni mundu, kai, manó, mama, mosu, tia ku persiguison; ni mundu me na ka be vira, vira atê wa. ³¹ Magi yô xi ku sa pimelu ka bi sa utimu i utimu ka sa pimelu". ³² Ane tava ni mondja, ku subi ba Jeruzalem, sô Jizu tava wê ane. Ane xi ki tava kanda mema rê xintxi mendu. Jizu sama kwyn dosu xiguirô rê pê boro dingui, i komesa ka fa ane kua da kuê wele wele me: ³³ Ane na sê ka subi ba Jerusalen i Na ome sê ka ba sa entregui ni mon di ane sefi sacerdote ku xcriba. Ane ka kondené pa motxi i ane ka ba da gentiu Êle. ³⁴ Ane kazi poko rê puê ku kupe, dê ku xikote i ta maté. Magi de têsi ria Ê ka tô kora. ³⁵ Tiagu i Nzo, mosu di Zebedeu, ane bi até Jizu i fé: "Mesé, non mesê pô kundji non kua ma non sê pindji ô. ³⁶ Ê fa ane: kua ma sê mesê pa un dji da sê?" ³⁷ Ane kundji: "Bô ka desa non taku ki Sun ni onsê un an direita ô i ôtô ni skeru ô". ³⁸ Magi Jizu kundji: "Sê na ta kua ma sê ka pindji ua. Sê ka poi bêbê kasi xi ma nga ba bêbê, ô quenta botismo ma nga sa botisaru?" ³⁹ Ane kundji Ê: " Non tô fa ane: "Kasi ma non bêbê sê ka ba bêbê. I du batizaru, sê també ka ba sa botizaru. ⁴⁰ Magi Ê na sa un sô ka poi dji sê tasoru direta un, ô squeda un, magi ê sa di un nguê xi me sa da. ⁴¹ Ola ôtô kuin seguirô ndê kué, ane satia fogauwa ku Tiagu i Nzo. ⁴² Jizu sama ane i fa: "Sê ta nguê ma ka sama di govenarô di ane nguê ka vive si Desu sô sa diba ane, y sefi soré ka tê fosa diba ané. ⁴³ Magi ê na tê diretu sa mora é ni katxi sê wa. Nguê mêsê sa ngairu ni katxi sê ka sa na kia sê, ⁴⁴ Nguê mesê sa pimelu katxi sê ka sa scravu di turu ane. ⁴⁵ Punda N ome na bi pê sa xivirô wa, magi pê xive y na vira rê pê salvu yô nguê". ⁴⁶ Ane fô Jerikó. Jizu xiê di Jerikó ku ane xivirô rê i yô nguê, un an ome ku ka sama, Batulumeu, na di Timeu, un an medigu segu tava tasorô bega mondja. ⁴⁷ Ê ndê me sa Jizu, O Nazarenu, ki tava ka ndu, y ê komesa ka nguita ka fa: "Jizu Na di Davi, tê kompaixó un. ⁴⁸ Yô nguêfé pê kaboka. Magi ê tava ka nguita sô: "Na Davi, tê pena un". ⁴⁹ Jizu ndja y manda sama. Sô a sama segu é, fa: "Fosa! Lanta! Ê sê ka sama ô". ⁵⁰ Ê zuga kapa ta lata, sata ki fosa bi lêlê Jizu. ⁵¹ Jizu, kundji fa: " kua mô mesê pa un dji d ô segu fé: "Rabi, ma nga tô bê". ⁵² Jizu fa: "Bê a fé ô kula ô weleweleme. Ê tava ka lêlê ni mondja.