¹ Ni ane riaê, ta plase Zon Batista ka pega ni nga kutaru ri Zureia, ka fa: '' ² Lependê sê, punda Lenu Osé sà pétu''. ³ Punda ixi ê sà nkenu ma ku pofeta Isaia ta ta fa: ''So vozi sè ka ngta ni nga kutaru: 'Pepara mondja ra Sum, zi fimi ane mondja Rê'''. ⁴ Zon ta ka bisi peli kamelu, so whã sintu manharu katxi rê, so mé rê foi satasata ku mèlè sivesti. ⁵ Antõ Zerusalem, ku turu Zureia ku turu kiba ôyô Zurdon ba lelê. ⁶ Ane ba butza ku Zon ni ôyô Zurdon , ka kofesa pekaru ané. ⁷ Ola ma ê bê yô ane fariseu ku ane saduseu, bi lélê pa ane butiza, ê fa an è: lasà kiôngô, ngei manda sê ngoló fuzi di leva ku sè ka kabi? ⁸ Ka zi kua kubuá ra lependimentu. ⁹ Na ka pensa ni fa ni katxi sé: Non tê Ablon mora tata non. Punda nga fa sê ma Dêsu ka poi zi na ra Ablon ate mesmo ku ane buru sie. ¹⁰ Zo masaru sa pêru ni lezi pó za. Turu pò ku na ka ra mê buaru wha ê ka sa kotaru lansaru ni fogô. ¹¹ Nga butiza se ku aua ra lependidimentu, mazi Nge ku ka bi Zo aun sa maxi poderosu doke aun so aun na sa buaru ri kega sandalha Rê wha. Ê ka butiza se ku Supitu Santu sô ku fogô. ¹² So apa sa ni mon Rê pa dipa turu iku Rê so pa zunta tigu ni amazem Rê , mazi ê ka kema paia ku fogô ku na ka poi sa pagaru wha''. ¹³ So Jizu bi fo Galileia ra ôyô Zurdon pa sa butizaru ni Zon, ¹⁴ ku turu mora Zon tenta pê nja, so fa:''' Pan um sa butizaro ra Ô, sô Bô ka bi ra um?'' ¹⁵ Jizu kudjiè sô fa ré:'' Zi kuê aiê, punda ê sa buaru ra non kumpi turu ane zustisa''. Antô Zon zi-Ê. ¹⁶ So ola ê butiza, Jizu siê djandja ni aua sô má osé foi biriru diba Rê, so bê Supitu Dêsu ka dêsè mora wha pombo ndja diba Rê. So wha vozi bi fô osé fá:'' ¹⁷ Yê sa Mosu Um amaru. Dê nga gôgô ku Rê fogawha.''