¹ Ngixi de sabaru, na dia wã de somana Maia Madlena ku ôtô Maia ane banha ba pia supuku. ² Ma Ana dé wã sairu teramotu, E tó wã anzu sumu da se ni Onse: Ê bi tô bila ni diba buru taso dibarê. ³ Mora rê sa mó relampagu ku kabixi re turu, ziaru mora neve. ⁴ Ane kuara fika ku mendu ka kôkô mora guê ma. ⁵ Sô anzu, puté ni kuai, Ê fa: na mendu wa. Anto sia jizu, mo te kusu. ⁶ Ê na tô sa ingué wa, maji ê muê mora me ta fa, bi pia ligué m sun ta ne. ⁷ Bé djan djan ba fa ane maiêlu rê: Ê muê tô kora ni motxi. E ka bi wê sa ba galilêia, inxa sê ka bi mora ê ta fa. ⁸ Ane xiê seru de ximinteli ku mendu ku gosto, kolê ba fa ane maiêlu rê. ⁹ Sô jizu ta katxi ane tô fa: saudason: Ane menja bi du zuntu rê dame operê tô adoré. ¹⁰ Sô jizu fa ane. Na mendu wa bé ba ane na mon pa ane ba galilêia ane ka bê un. ¹¹ Ala ma ane ta ka bê, ane guara ba poson ba fa xefi de sasedote turu kua ma ane bê. ¹² Sô ane sasedote zunta ane ansion pensa wã kua, Ane wâ lêlu da soré ¹³ fa ane: Fa: ane maiêlu bi suku, tua onguêrê ala non ta ka dumi. ¹⁴ Xi kué xiga oria govenadô, newã kua na ka da ku sê wa. ¹⁵ Ane tua lêlu, ji mora ma fa ane. Kué sa katxi antê aié. ¹⁶ Ane kuine wã maiêlu rê ba galilêia, lugê ma jisu fa ane. ¹⁷ Ala ma ane bê ane adore; ôtô ane na kêlê wa. ¹⁸ Jizu ba lêlê ane fa: Turu porê un sa kuê ni Onse Ku Tia. ¹⁹ Sôsôsô sê ka bé zunta nguê de turu nason, batiza ane ni nome Pai, Filho, Supitu Santu. ²⁰ Xina ane ka guara turu ma un fa sê pa sê ji. Aun sa ku sê turu dia antê turu kua ka lokê.