¹ So wha dosu sefi ngeza na kulu bi Jeruzalem lele Jizu so fa: ² Ra Kuai ma ané melu e ka mura kua ma ané nkenu masi tame na kulu manda non ra. Punda ané na ka laba mon so me wha. ³ Jizu kundji fara ane: y se ra kuai ma se ka mura kua ma Desu ka manda punda kua ma se biri whe toka. ⁴ Puda Desu ka fa: Ra tata o ku mama o lixipetu: Nkenu si ka keta ku ta o mama re, ka mue so. ⁵ Masi se ka fá: nkenu ku ka fa tata o mama re, kua kuali zura ma se ka tua mon un aye sa pezentxi ra Desu. ⁶ sa nkenu é na te ki lixipeta tata re wha, Di mora é é se seka mura lumba Desu punda kua ma se biri we taka. ⁷ Pufia so, Izaia fa di se buaru ola ma e fá: ⁸ Ané nkenu é ka lixipeta un ku boka mazi koson ane sa londji un. ⁹ Ane ka gogo ku amu fasu punda ane ka sina kua ma omé ka manda. ¹⁰ So e sama turu ane nkenu di bi lele so fa ané: Nde to ta ; ¹¹ ne wha kua ku ka letxa boka na sa suzu wha. Di oto mora, ku ka sie ye so ka bila nkenu suzu. ¹² So ané melú re bi faré: Bo ta ma ane sefi ngeza é fika firiru ola ma ane nde kua ma bo fa . ¹³ Jizu kundji fa: Turu po ma Tata um ku sa Onsé na kuna wha a ka lanké: ¹⁴ Desa ane so, Ane sa xoferu segu. Si wha segú ka guia oto segu dodosu ane ka kie vuvu. ¹⁵ So Peru kundji fá Jizu: Sina non vesu é. ¹⁶ Jizu fá: Se nasi ta ne wha kua wha. ¹⁷ Se na be ma turu kua ku ka letxa boka ka pasa ba estomagu so e loké sie lua. ¹⁸ Mazi kua ku ka sie boka ka fo koson ye so ka bila nkenum suzu. ¹⁹ Punda Koson Koson ka pensa mali mata nkenu, mengai o omé motxi, omé ku omé ka tua oto futa siriga konvesa suzu. ²⁰ kua é so ka suza nkenu. Me ku mon suzu na ka suza nkenu wha. ²¹ So Jizu sie fo nha Bere wha kiba poson tiru ku Sidon. ²² Wha mengai kananea bi fo nha ku nguita: Te pena un sun mosu David, Nan sa tometa ru ku demóno foga wha. ²³ Mazi Jizu na kundji ne wha kua wha. Ané melu re so bi pindji e fa. Mandé bere punda e se ka nguita mema non. ²⁴ Mazi Jizu kundji fá. A manda un bi ra ombo penderu di kai Israeli. ²⁵ Sô ê bi pe mpuna son whe re fa. Sun zura un, ²⁶ Ê kundji fa . Ê na sa buaru Txia mpo mosu lukua ra na katso wha. ²⁷ So e fá: é é sumum mazi ate na kaso ka me fu fu mé ku ka kie fo mesa donu re. ²⁸ So Jizu kundji faré. Mengai é afé o sa ngairu foga wha.zi mora é me ma bo mese. So naré yogo ola é me. ²⁹ So Jizu fo nga é é poze mionga Galileia. So e banda wha mundu so tasonha. ³⁰ Yo nkenu bi lele, ané biku nkenu mankelé, segu, mumu lezaru, ku yo oto duetxi. Turu ané bi opé Jizu so e kula ané. ³¹ So yo nkenu babaka ola ané be mumu ka fá, lezaru ka yogo. mankele ka nda ku segu ka be.Turu ane ta ka kanta da Desu Israeli. ³² Jizu sama ané melu re ré fo fá: An te pena ane nkenu e punda ane to sa ku an tesi ria ma na te netxo kua me wha . Na mese manda ane bene se me wha pa ane na fakese mondxa wha. ³³ Ané melu re fare: Andxi non ka be mpo motxi ma ane nkenu e ka me to sobla, letu matu é. ³⁴ Jizu fara ané: kuantu mpo se te. Ane fa: sambari ku wha na kiké. ³⁵ So Jizu fara ané nkenu é pa ane tason son. ³⁶ Ê tua ambari mpó ku kikê sô ra gasa, patxi mpó-é sô ra ané mêlu rê sô ané patxié ra ane nkênu-é. ³⁷ Turu nkênu é mé ta ku ngosô. Sô ane tô koiê sambari zónge siaru ku ndjigi ku sobla ma ane mé. ³⁸ nkenu ku mé sa kuana mili omé, menu mengai ku ná-pikina. ³⁹ Sô Jizu disipidji ane letxa vapô berê tia Magada.