¹ Livu ri lasa ri Jezu Kistu, na ri Davi, na ri Ablon. ² Ablon zi Izaki ,Izaki , zi Jako, Jako zi Jura naamo ane re. ³ So Jura zi Tama zi Pere so zi Zera, so Perezi , so Esrom zi Aron. ⁴ Sô Arõn zi Aminadabi; sô Aminadabi zi Naasson; so Naasson; so Naasson zi Salmom. ⁵ So Salomõ zi Rabe ra Boaz; sô Boaz zi ra Rute ra Obedi; sô Obedi ra Jesse. ⁶ Sô Jesse zi ale Davi; sô Davi zi Salomõ ku mengai ixi ku tava ku Uria. ⁷ So Salomo zi Roboão; sô Roboão zi Abias; sô Abias zi Asa. ⁸ Sô Asa zi Josafa; sô Josafa zi Joroao; sô Jorao zi Uzias. ⁹ Sô Uzia zi Jotão; sô Jotão zi Akaz; sô Akaz zi Izekia. ¹⁰ Sô Izekia zi Manasses; sô Manasses zi Amom; sô Amom zi Josias. ¹¹ Sô Josias zi Jekonias, sô ane naamo re ni tempu kavu babilôniko. ¹² So depoji ri kavu babiloniko Jekonias zi Salatieli; so Salatieli zi Zorobabeli. ¹³ Zo Zorobabeli zi Abiude; zo Abiudezi Eliakim; so Eliakimzi Azor. ¹⁴ Zo Azor zi Sadoki; so Sadoki zi Akim; so Akim zi Eliude. ¹⁵ Zo Eliude zi Eliazar, so Eliazar zi Matã, so Matã zi Jako. ¹⁶ Zo Jako zi Zoze, ixi ome Maia, ixi ku nase Jizu, Samaru Kistu. ¹⁷ Ra moru ma turu ane lasà gina Ablon ate Davi kuin kuana lasa; so gina Davi ate kavu babiloniko kuin kuana lasà; so gina kavu babiloniko ate Kistu kuin kuana lasà ¹⁸ Zo naximetu ri Jizu Kistu sa xi: tava main rê Maia pa kasa ku Zoze, antiji pa ane sa zuntaru ê foi beru ku beba Supitu Santu. ¹⁹ Antò Zuze, ome rê, ku sa zustu, na ta meseè fa whangé wa, pensa di dèsè kondèru. ²⁰ So ê, ta ka pensa kua é, Zo ma wha anzudi Sun so plase ni sonho, to fa: Zozé, na ri Davi, na mendu tua Maia, mengai ô wha, punda kua ma ê sa kue sa di Supitu Santu. ²¹ So ê ka ba pari wha mosô, só bô ka sama nomi rê Jizu, punda ê ka sava povo rê ni pekaru ane. ²² So turu kuê ka dá pà sa kumpiru kua ku foi faru ra Sunni katxi ane pofeta, ma fa: ²³ Zo ma wha vizi ka te bega, ka pari wha moso, so ma ka sama nomi re Emanueli, ma ka lè: Dêsu sa ku non. ²⁴ Zo ma Zoze kora sonho, zi mora anzu di Sum ta mandé, so ê tua mengai rê. ²⁵ Ê na dume kue pê konsewha, ate ria ma neè pari wha mosô, so ê pê nome Jizu.