¹ Sô turu koblarô impostu ku otô Pekarô saia bi pa ané ndê Jizu. ² Ané fasu ku ané Skriba ta ka gungunu katxi ane ka fa: "Ané omé é koyê ane pekarô sô atê ka me ku ané" ³ Sô Jizu tanga ané whã vesu: " ⁴ Kuali sê ku ka tê dosú sentu ombô sô ê bi pendê whã rê, ê na ka desa whã sentu ku makéri uvua lêtu nga sê ne whã kua sô na ka ba memá isy ku pendê atê ê ka bê whã? ⁵ Sô ola ê ka bê, ê na ka pê nsosi ku ngostô whã. ⁶ Só olá ê ka vitxa kay, ê ka kuvira migu ku nkênu póto, só fa ané: ta ku ngostô ku an punda hun bê ombô hun ku pendê. ⁷ Nga fa sê ma mora é me ma ê ka bi tê whã ndjigi fesa osé ra whã pekarô ku ka lependê, masi rokê whã sentu ku makeri wvua zustu ku na plisiza lependê wa. ⁸ Ê kuali mengai ku ka tê kuiné Patá si ê bi pendê whâ rê, ê na ka yerê whã lámpara, bari kay sô ngoló turu atê ma ê ka bê wa? Sô olá ê ka bê ê ka zunta ané miga ku nkenu pótó, só fa: ⁹ 'Gogô ku an, punda hun bê lêlu ma hun pendê. ¹⁰ Mora ê mé ma nga fa sê, ma ê ka tê fesa whê anzu Desú ra whã pekaró ku ka lependê'. ¹¹ Sô Jizu fá: "whã ômé ta ku dossu ná, ¹² Masi novu ané fa tata: Tata ê, ran patxi likeza ku sa ri hun pa hun lera. Sô ê patxi ku ané migu rê ku ané. ¹³ Sô naria motxi wha, na maxi novu zunta turu kua mê tê, siê ba whã tia longi nha dana ben rê kopua kua ma na ka pisiza gasta lêlu rê ku kua malaboia. ¹⁴ Sô, ola mê gasta turu, sô whã fomi ngairu tua tia é komesa ka pasa mali. ¹⁵ Ê komesá ka taba ra wá nkênu tia é, ku mandé ba mévia rê ba tua konta pokô. ¹⁶ Sô ê komesá ka mé txó txó txó fufu mé ma pokó ka mé punda ne whã nkênu na ta ka ré mé wha. ¹⁷ Sô ê bi sintxi sô ê fá: kuantu tabaró tata hun tê yô mé pa ê mé an yngé ka muê ku fomi! ¹⁸ Nga bá lêlê tata hun sô nga fé: Tata, nzi pekaró kontlê osé só kontlê ô. ¹⁹ Ná meresé sa na ô wha, tlata hun mora whã tabaró ô. ²⁰ Sô mósú é syê ba lêlê tata rê Sô ê ta londji anda tata rê bê, ku yô pena rê ê kolê ba nga ma ê sa né ê bafuté rê bejinho. ²¹ Sô mósú ê fa: Tata hun zi pekaru kontlê osé só kontlé ô, a na toká sama hun ná ô wha. ²² Sô tata rê fa: tabarô rê: bé seru só bi ku kabiê, pê whã, neni dedu rê ku sapatu opé rê. ²³ Bi ku whã ná buê netaru maté; non ka mé sô zi whã fesa! ²⁴ Punda mósú hun ta muêru ayê ê sá vivu. Ê tá pendêrú sô a bi bê. Sô turu ané zi fesa. ²⁵ Sô ra kua ê mósú rê masi tamé ta ka taba mevia. Ola ê ta ka vitxa kay ê ndê kioyô vungu ku foga. ²⁶ Ê sama tabarô sô puté kua ku tá nha. ²⁷ Tabarô kundji: Ná amon ô tô bi kay sô ra kua é tata ô mata na buê masi netaru, punda ê tô bi ku saúri ku seguransa. ²⁸ Mósú masi tamé fika ku leva sô na mesê letxa wha. Sô tata rê siê ba pindjiê pa ê letxa. ²⁹ Mazi mósú é kundji é fa: Pia turu anú ê hun taba ra ô mora whá ná kia nunka na kebia né wa kua ma bô ka manda hun wa; Asyé mé; sun nunka na ran whã ná kabila pa hun zi whã fesa ku migu hun wa. ³⁰ Mazi ola mósú ô ku gastá turu likeza ô ku ané mengay vira, ê tô bi, Sun mata whã na buê masi netaru. ³¹ Mazi tata kudji ê: 'Mósú hun sémplé bô sa ku an sô turu kua ku sa ri hun sa riô. ³² Mazi non tê ku zi fesa ku ngostô, punda ná amon ô tá muêrru ayê é ê sa vivú, ê ta pendêrú a bi bê.'