¹ Zura na kia Jizu Klistu ná mô Txiago, isi ma a ta sama, amaru ni Dêsu Tata, sô lokêru ni Jizu Kistu. ² Ma misikodji, ku paji ku amolê ka sa motxi kosó-ô. ³ Amaru, ma nsêka ngolo sisika di savason ku sa zuntaru, ntê ngolo sê pan fa sê pa sê vugu ta ny afé ma whã vê a ra turu santu. ⁴ Punda whã dôsu ome letxa konderu ku koson dizu. Yé sa omé ma kondenason rê sa sisikaru nariá. Omé má koson ka ngolo mura gasa Dêsu ku bandiru ané sô zeta uniku Mese Sun, Jizu Kistu. ⁵ Ayé ntê lembua sê, ma sê tá ta turu kua-é ma Sun sava whã povô txia fô tia Ejitu, mazi sô Ê loke ku ysi ku na kêlê wha. ⁶ Sô, ra ané anzu ku na ta ni puzison ané plopi ki porê, mazi ané bandona ngá ma ane kata, Dêsu manha ane ku zema atê atê kosi kulu ra zugamentu dia ngai-é. ⁷ Mora, Soroma ki Gomora ku ane posón bóro ané, ma ane zi pekaru de dumi ku ôtô, a pê ra zeplu ni pezu fogo atê atê. ⁸ Mora-é mé ma ané omé-é raná ongê ané ku sonho ané, zeta porê sô fa mali nkênu ku sa onsé. ⁹ Mazi arkaju Migeli, ola ê ndja wê demono ka pufia ra ongê Muzé, ê na ngolo fá lumba mali di kondena ô keta, pa ê zi kua-é ê fa: Ma Sun ka lemplêdê. ¹⁰ Sô ané omé-é keta ra kua ysi ma ané na ta wha. Sô ysi ma ane ta ni ntê ane mora situ ku na ka pesa ni ane kua-é a ka ba zeta. ¹¹ Ai dy ane: punda ane ta ka ndá ni modja kain, sô ane to ba kiê mali balon punda vonte sô muê ni mali ma koré zi. ¹² Ané omé-é sa mora loxa konderu kosi fesa amole ane. Ane ka zi fesa walawala, ka bila ane mé, ane sa mora ómbsi sê aua, ma vento ka kega, pó gavana sê mé dôsu vê moeru lankaru ku leji, ¹³ Basa ku ka buri mionga, ku ka lukua fusa vegonha rê, tetembu ku na ka yerê ma kosi kilembega nsuku lokê atê atê. ¹⁴ Sô ane ome-é, Énoke, sambari di familia Adon, toveta, fa: pia, Sun sê ka bi ku desi mili anzu Rê. ¹⁵ Di zi zugamentu ra turu nkênu dy kuvese turu maluvadu ku suvisu mali, ma ane zi dy mora mali, ku turu kua, dizu ma pekaró ka fa kontlê. ¹⁶ Ane omé-é ka fa mali otô, ka kexa otô ka mesê zi mali ka povega demanda wê sia ka zi yô nkênu babaka punda vonte di tê kua. ¹⁷ Sô, ane ná mon, lembua, lumba ma ane mêlu Sun Jizu Kistu ta fa naria. ¹⁸ Ané fa sê: ni utimu tempu ka bi tê yô nkênu ku ka zi mali ku ka nda ni vonté ané. ¹⁹ Ané omé-é sa ysi ku ka ngolo patxi, ané sa ngê mundu sô ané na tê Supitu santo wha. ²⁰ Mazi sê migu un ka kula ni afé sê ka fa lason zutaru ku Supitu Santo. ²¹ Ka vévia ni amolê Dêsu, ka whara ku misikoji Sun Jizu Kisto pê ra sê vira atê atê. ²² Tê pena ane nkênu ku nasi kêlê wha. ²³ Livia ane ku sa ni pigo fogô, tê pena otô ku mendu punda atê ka besi ane sa suzaru ny ogê ané. ²⁴ Sô nkênu ku kapoi livia sê memé goia Rê sê suza, ku yô gosto, ²⁵ Ra uniku Dêsu Savarô nó, punda Jizu Kisto Sun nó, ka sa goia, ku turu porê odji, antiji dy turu tempu ayé atê atê Amém.