¹ Sô di fa ené kué, Jizu lata uê rê ba onsê sô fá: Páa, ê ndu hola. Gogo ki Ná Ô pa Ná Ô gogo ki Ô té. ² Axé ma Ô déÉ purê ni diba turu onguê, pa ki Ê tê da vira longo ra turu nguê ma Ô Ré. ³ Vira longo sa ixié: ki ané ka konsê ô, uniko Dessu de véré, y Jizu Kristo, Nguê ma ô manda. ⁴ Aun glorifika ô ni tia, zi obra ma ô da un pa zi. ⁵ Aié, Páa glorifika-Un ni zunto ô ki gloia ki Aun ta ki Ô antije dy mundu ta ziro. ⁶ Mussa Nomi Ô da ane omé di mundu Mô ra Un. Ané era dy Ô, sô Bô da ané ra Un, sô ané lokê lumba Ô. ⁷ Aié ené ta ma turu kua mô ra un bi di Ô: ⁸ Punda ané lumba ma Ô da Un, Aun da ané. Ané tô tué y Veremé ené ta ki bi di ô, sô kelê ki Bô manda Un. ⁹ Nga ora da ané, na ka ora da mundu wa, ma da nguê ki Bô da Un, punda ané sa di ô. ¹⁰ Turu ki sa di Un sa di ô, y turu ki sa di Ô sa di Un, aun sa glorifikaru Ni ané. ¹¹ Aun na sa ni mundu dinguiwa, magi ané sa ni mundu, y Aun nga ba lelê ô. Páa Santo, lokê ané ni Nomi Ô ma Ô da Un, pa ané sa wã, axé mora Non sa wa. ¹² Ola Aun ta ki ané, Aun lokê ané ni Nomi ô ki Mô da Un: Aun lokê ané nuwa ané na pendewa, exseto ná di perdisson, pa bibia sa kumprido. ¹³ Aié, nga ba tê kiô, magi nga fa ané kué ni mundo, pa ané tê gosto un kompleto ni ané mé. ¹⁴ Aun da ané lumba, sô mundo odia ané punda ane na sa di mundu wa, axé ma Un na sa di mudu wa. ¹⁵ Aun na ka ora pa tia ané ni mudo wa, magi pa lokê ané di demono. ¹⁶ Ané na sa di mundu, axé mora Aun na sa di mundu wa. ¹⁷ Santifika ané ni veré, sô lumba ô é sa veré. ¹⁸ Axé mora Ô manda Un ba mundo, també Aun manda ané ba mundu. ¹⁹ Punda kua sa ané, Aun Nga santifika, pa ki ané mé també ka sa santifikaru ni veré. ²⁰ Na ka ora sô pa ané wa,magi també pa nguê ki bi kêlê ni Un punda katxi di lumba ané, ²¹ pa ané sa wa, axié mora ô, Páa, sa ni Aun, y Aun ni Ô. Nga ora pa ené ka sa ni Nón, pa mundu-é pô kelê ki ô manda Un. ²² Sô goia ma ô da Un, Aun da ané pa ki ané sa wa, axé mora Non sa wã: ²³ Aun ni ané, y Bô ni Aun, pa ki ané ka sa konduziru ni kompeto zuntaru, pa mundu-é pô ta ma ô manda Un, y gogo ki ané, axié ma ô gogo ku Aun. ²⁴ Páa, messe ki nguê ki Bô da Un ka sa també ki aun nga Aun sané pa ané pô bê goia Un, ixi ma ô da Un, punda Bô ama Un gina antiji di fundasson di mundu. ²⁵ Páa justo, mundu-é na konsê Bô wa, magi Aun konsê Ô, ené ta ma ô manda Un. ²⁶ Aun dji Nome ô konsoro ané, y Aun nga djié konseru pa ki amolê ki ô ama Un ka sa ni ané, y Aun ni ané ka sa.