¹ Aun fa sê ene kuê pa na kiê wha. ² Ane ka kolê mema sê ni ngueza. Di vere, ê sa xiga hola ma nguê ka ma sê ma sê kazi wã kutu da Dêssu. ³ Ane kazi kuê punda na konsê né Pai, né Aun wha. ⁴ Aun fa sê ane kuê ra kuai, ola hora ka xiga, sê ka lembla ma un fa sê soble kuê. Aun na fa sê kuê ê na komesu punda un tava ku sê. ⁵ Mazi, aié Aun nga ba lêlê nguê ku manda Un, so anda né whã sê na punta un wha: Andji ma ô ka bé! ⁶ Mazi punda un fa sê ene kuê é, sô tristeza xialé koso sê. ⁷ Mazi Aun nga fa sê veré: sa milhoru pa sê ku aun nga bé, punda si un na bé wha, zurarô na ka bi da sê wha, mazi xi un nga bé, nga manda sê Êlê. ⁸ Ola zurarô ka bi, ka konvesê mundu sobli kua pekaru, di justisa di zuizu. ⁹ Di pekaru punda ene na kêlê ni Un wha, ¹⁰ ni justisa, punda nga ba lêlê Pai, y sê na ka tô bê un dingi wha, ¹¹ so dy juizu, punda xefi di mundu é sa zugaru za. ¹² Aun tô tê iô kua pan fa sê, maji sê na ka intendê aié wha. ¹³ Mazi, ola Ê, ô suptu di Veré, ka bi Ê ka guia sê ni turu véré, punda ê na ka fa di Êlê mé wha, mazi Ê ka fa turu kua ma ê ndê, y ê ka fa sê turu kua ki sê ka bi. ¹⁴ Ê ka gorifika Un, punda Ê ka tê kua ku sa di un, sô ka fa sê. ¹⁵ Turu kua ma Pai tê sa di Un, punda kuê, Aun fa ma supitu ka tê kua ku sa di Aun, sô ka fa sê. ¹⁶ Lêtu wã poukô tempu, sê na ka tô bê Un wha, sô dy wã poukô di tempu, dingui sê ka tô bê un. ¹⁷ Antô, txô anê maielo Ré fa wa ra otô: Sa kuai ma, E fa non: wa poukô di tempo i na ka tô bê um ua, i anda, wapouko maxi de tempu so dingui sé ka bé un, so punda aum se ka ba lele Pai. ¹⁸ Punda kuê ene fa: Ixi é sa kuai ma Ê fa: Wa pouko di tempo. Non na ta kua ma é sa fa ua. ¹⁹ Jizu bê ma enê ta ka messé punté Ê, ê fa ené: Punda katxi sé ni respeito di kuê ma aum nga fa sé: Ltu de wa pouko ai tempu se na ka tobê Un ua, so wa so wa pouko di maxi di tempu, dingui sê ka bê um. ²⁰ Ni veré ni veré, nga fa, sé ka sua ka gó, maji mundu kasa ki gosto, se ka sa tristi maji tristeza se ka sa muraru ni gosto. ²¹ wã mengai ka sa tristi ola ene tê dôlo pari punda tempu rê di pari xiga magi só ma ê ka pari, na ka tó lemba dingui de dôlo re ua, punda gosto de wa anzo que nancé ni mundu é. ²² Axé, té sé té tristeza aié, magi aum nga bé se dingui, so kosso sé ka sa ki gosto, so neuan ngué na ka po txi gosto se ua. ²³ Dia xiza, se na ka punta Un nenhuan kua wa. Ni veré ni veré nga fa sé xi sé pindji kualquer kua da Pai ni nome un, Ê ka da sé. ²⁴ Até aié sé na pindji nenhuan kua ni nome un wa, pindji se ka recebé pa ki gosto ka sa kompletu. ²⁵ Aun fa sê ene kuê ni katximdy vesu, maji ê sa xiga hola ma na ka tô fa dingi ni vesu, magi biriru na fa sobli Pai. ²⁶ Dia xiza, sê ka pindji ni nomy Un, Aun na ka fa sê man nga loga Pai punda sê wha, ²⁷ Punda plopi Pai ka ama sê, punda sê tê ama. Un sê kêlê ki Aun bi di Pai. ²⁸ Aun bi di Pai pa mundu é, dingi, Aun nga lega mundu é nga ba tê ki Pai. ²⁹ Ane mielu rê fa: Aié bô sê ka biriru, y na sê ka uza vesu wha. ³⁰ Aié non ta ma Bô konsê turu ene kuê, ma ô na presiza di né whã ngê ka zi ô pegunta. Punda ene kuê, non kêlê ma Bô bi di Dêssu. ³¹ Jizu kundji ane: Aié, sê kêlê! ³² Ê sê ka bi hola, sô di veré ê xiga za, ma sê ka bi sa wangaru kara wã ni plopi kai rê, y desa un sô. Maji na sa sô wha, punda Pai sa ki aun. ³³ Aun fa sê ene kuê pa sê tê paji ni Aun, Ni mundu sê ka tê aflison, maji tê kuragi, Aun vensê mundué.