¹ An sa videira véré, e Táta un sa kunarô. ² Turu tango ki sa Aun ku na ka da méua Ê ka koté, e turu tango ku ka dá mé, Ê ka dipé, pê tô da maxi. ³ Bô sa limpo za punda lumba ma An fa. ⁴ Tá ni An, e An ni sê. Mora tango na pô da mêua êlê sô ua ki rê se ê na ta ni videira wa, axiê també sê na poiwa, si sê na tá ku An wha. ⁵ An sa pó ku ka da uva, sê sa tango. Nguê ka ta kota un, i un kotarê ié ka yô inkuê: punda sê An sê na ka poi zi né-un kua wa. ⁶ si nkenu na tá ni An wha, e sa zugaru tá, mora tango kutaru: e ané tango-é sa koiêru, zugaru ni fogô e kemaru. ⁷ Si tá ni An, e lumba Un ta ni sê, pindji kua sê messê, e nga da sê. ⁸ Táta Un sa glorifikado ni kuê: mê ka da yô unkuê, e axié nga ta ma sê sa maelu un. ⁹ Mora ma Táta gôgô ku An, axié An també ka gôgô ki sê. ta ni amolê Un. ¹⁰ Si sê lokê lumba Un tá ni amolê Un, de moré mé ki An ta ni lumba Táta Un e ni amolê Rê nga tá. ¹¹ An fa sê ané kuê pa ngozu Un sa ni sê, e ngozu sê sa turê. ¹² Ié sa lumba Un: pa sê gôgô ku ôtô mora ma Un gôgô ki sê. ¹³ Né-un nguê tê amolê maxi ngai nguê ki ka da vira rê da migu rê wha. ¹⁴ Sê sa migu Un si sê zi kua ma An fa sê. ¹⁵ Na ka tô sama sê ná-kia-wha, punda ná-kia na ta kua ma Sun Rê ka zi. An nga sama sê migu, punda an biri da sê turu kua ma Un ndê de Táta Un. ¹⁶ Ê na sa sê ki koiê Un wha, magi An koiê sê e fa sê pa bê e dá unkuê, e ma unkuê sê ka tá, pa Táta ka pô da sê turu kua ma sê pindji ni Nome Un. ¹⁷ Kuê nga fa sê gôgô pa sê gôgô ku ôtô. ¹⁸ Si tié ka odia sê, ta ma ané tia ka odia pimelo sô sê. ¹⁹ si sê ka sá de tié, tié ka gôgô ki sê mora ma ta ni êlê, magi, punda sê na sa de tié wha, e An koi-ê sê to txia sê leto tia punda tia é ka odia sê. ²⁰ Lembua lumba ma An fa sê: ná kia na sa maxi ngai de Sun Rê! si pussigui An, també ané ka pussigui sê, si ané ndê Lumba Un, ané ka ndê lumba sê. ²¹ Ané ka zi turu ané kuê punda Nome Un, punda ané na konsê Nguê ki manda Un wha. ²² Si na ka bi-wha e na ka fa se, sê na ka tê pekaruwha, magi aié na tê peró da pekaru ané wa. ²³ Nguê ka odia Un, també ka odia Táta Un. ²⁴ Si An na ka zi katxia ané, ané kuê ma neun ôtô nguê zi wha, ê na ka tê pekaru. Magi aié ané bê e odia Un Yô mo Táta Un. ²⁵ Kuê da pa lumba ki sa sissikaru ni alê de ané kumpli: Odia Un sê kua. ²⁶ Ólá ma Konsoladoru ka bi, ma An nga manda sê di pathi de Táta, Suplitu de véré, ki ka bi de Tátá, ié ka dá sêssêmunha de Un. ²⁷ E sê també ka sêssêmunha, punda sê ta ki Un ndjina komessa.