¹ Na tubua kosso sê wha. Kêlê ni Dêssu, kêlê té ni Aun. ² Ni kai dy Pai Un té yô kai foga wha, siê na ka sa axi wha, Aun nga ta fa sê, punda nga ba prepara wã nga. ³ Sô, si An nga bé ba prepara nga ra sê, nga tô bi ôtô vê, so nga tua sê ra un mé, pa nga ma nga ta né, sê ka ta né té. ⁴ Sê ta mondja man andje nga bé. ⁵ Tomé fa da Jizu: Sumuê, non na ta andji ma ô ka bé wha. Má non ka pô ta mondja! ⁶ Jizu fa ane: Aun sa Mondja, Veré, so un sa Vira, niun wha nguê na ka bi Pai, xi ê na sa punda un wha. ⁷ Sy sê ta ka konsê Un, se té ta ka konsê Pai Un, di aié ba uê sê ka konsê Ê so sê be za. ⁸ Filipi fa da Jizu: Sumuê musa non Pai, kuê ka sa dêtu da non. ⁹ Jizu fa dé: An sa iô ria é ku sê, so bô na konsê Un anda wha, Filipi! Nguê ka bê Un ka bê Pai, ma mô ka pô fa Un: Muasa non Pai! ¹⁰ Na ka kêlê ma Ãn sa ny Pai, y ki Pai sa ny Ãn! Lumba isi man Nga fa sê, na ka fa ny plopi purê Un wha, ni veji kua é, ê sa Pai ku sa vevia ni Ãn sô kazi obla rê. ¹¹ Kêlê ni Ãn, ki sa ni Pai, sô Pai sa ni Ãn, sô kêlê pelumenu punda da obla é mé. ¹² Ni veré, ni veré, Nga fa sê, ki nguê ka kêlê ni Ãn, turu kazi ene obla man Nga zi, so ene kazi é maxi ngairu man Un ka zi, punda Ãn Nga ba lêlê Pai. ¹³ Turu kua sê ka pindji ni nomi Un, Ãn nga djié, pa ki Pai ka sa gorifikaru ni Na. ¹⁴ Xi sê ka pindji Un kulikêru kua ni nomi Un, Ãn nga djié. ¹⁵ Xi sê ka ama un, ka lokê ene mandamentu un. ¹⁶ Ãn nga loga Pai, y ê ka da sê ôtô zurarô, pa ê sa ki sê pla semplé, ¹⁷ sô supitu dy veré, ixi ma mundu na ka pô tê wha, punda ene na ka bê wha na konsê wha. Sê, ni veré, konsê Ê, punda Ê ka vivê ki sê, sô ê sa ni sê. ¹⁸ Ân na ka lega sê sô wha, Nga tô bi ra sê. ¹⁹ Lêtu di pôkô di tempu, sô mundu na ka tô bê dingi wha, mazi sê ka bê Un. Punda nga vivê sê té ka vivê. ²⁰ Ni dié, sê ka bi ta man sa ni Pai Un, sô ku sê sa ni Ãn, y Ãn ni sê. ²¹ Nguê ki tê ene mandamentu Un ene ka lokê, ixi é sô ka ama Un, so nguê ku ka ama Un ka sa amaru ni Pai un, y Ãn nga améé y Ãn nga musa Deé. ²² Zura (na isi iskarioty) punda da Jizu. Sumuê, punda ô ka musa ra non, y da ra mundu wha! ²³ Jizu kundji ene: Xi nguê ka ama un, ka lokê lumba un. Pai un ka amé, non ka bi dé so ka zié né morada. ²⁴ Nguê na ka ama wha, na ka lokê lumba un wha. Sô lumba isi sê ndê na sa di Un wha, mazi di Pai ku manda Un. ²⁵ Ane kuê un ta fa sê ola un ta ku sê anda. ²⁶ Mazi zurarô, Supitu Santu, Nguê ixi ma Pai ka manda ni nomi un, Ê ka sina sê turu kua sô ka lembla sê dy turu ma un fa sê. ²⁷ Nga desa sê paji, paji un nga da sê. Ãn na ka dé mora mundu ka da wha. Na tubula koso sê wha, na tê mendu wha. ²⁸ Sê ndê kua man fa sê: Nga bé sô nga tô bi da sê. Si sê ka ama un ka sa ku gostô, punda Ãn nga ba tê ki Pai, punda Pai sa maxi ngairu ki ãn. ²⁹ Ãn nga fa sê kuê aié, antigi ma ê ka bi da, da kua y, ola ê ka da, sê ka kêlê. ³⁰ Ãn na ka tô fa ki sê, punda sefi di mundu é sa xiga, sô ê na tê purê sobli Ãn wha. ³¹ Mazi, pa mundu ka bi ta man ka ama Pai, nga dji kua isi ma Pai ka manda un. Lata sê non ka lega ngê é.