¹ Sámano ria ántiji Pásuka, Jizu bi Betanha, ngá má Lazu ta né ma Ê tá koré katxi motxi. ² Sô ynguê ane zi whã janta kuê, Mata ta ka siví Lázu ta tasoru mesa ku Jizu. ³ Sô Maia tua whã dóma profumo ma a zi ku nardo puru karu fogáwha sô bué pê opé Jizu sô dipa opé ku pena ntê: kai sia ku vumba profumo. ⁴ Zura Iskariotxi wha mêlu ysi ku tá trai Klistu, fa: ⁵ Da kuai ma a na bendê prfumo-é tlezentu mile patxi da póbli wha! ⁶ Ê na fa kua-é é punda ê tê pena pobli wha, mazi punda ê tá ladlon. Ê ta ka kega saka lêlu sô ê ta ka futa lêlu ma a ta ka pê né. ⁷ Jizu fá: Desé ê lokê da dia ma a ka tia Un. ⁸ Sê saku pobli turu ria ku sê, mazi sê na saku An turu ria wha. ⁹ Sô yô nkênu Zurê ta ma Jizu ta nhá ane na bi sô punda Jizu mazi també pa ane pia Lazu ma Jizu tá kora katxi motxi. ¹⁰ Ane sefi nguêza na kulu ta zuntaru ka ngoló mta Lazu. ¹¹ ê fô punda êlê ma yô zurê bagá pasa kêlê ny Jizu. ¹² Sô yô nkênu bi fesa. Olá ané ndê ma Jizu bi Jeruzalé. ¹³ Ané bi ku tangó pema, siê bi lêlê bi Fé mantxa, ka nguita: Ozana! Fa buaru nkênu ku ka bi ny nome Sun Alê Israeli. ¹⁴ Jizu bê whã jumentinho sô subi diba rê, mora ma ê sa sisikaru. ¹⁵ Na mendu wha ná Sion: Punda Alê-ô seka bi, tassoru diba ná jumentinho. ¹⁶ Ané mêlu rê na tá ta kua-é naria wha, mazi ola a bi poia, Jizu sô ane bi lembla kua ma ane kua-é ta sisikaru Ré ma asié ma ane zié. ¹⁷ Sô nkênu ku tá ku Jizu ola Ê sama Lazu fô lêtu simintéli, sô koré katxi motxi, ane fa kua-é ra otô nkênu. ¹⁸ Punda lazon-é ma yô nkênu siê bi té, punda ane ndê ma Ê ta zi sinali-é. ¹⁹ Sô ane fasu mése fa katxi ane: Sê ka pia ma sê na ka poi zi né-whã kua wha: Pia ma turu nkênu seka bé memá Rê. ²⁰ Katxi ane ku subi ba gogô ni fesa, ta nha dosu glegu. ²¹ Ane ba filipi, ku sa dy betsaida ni galileia, sô puta ane sô fa: Sun, non mêsê bê Jizu " ²² Filipi bé ba fa André: André bé ku Fu" ²³ jizu kundji ane, fá: É chiga olá ma na omé ka sa glolifikaru. ²⁴ ngá fa se vere vere ma si unkue tiau ku ka kie son na mue wha e ka sa ele so mazi si e mue e ka ra me foga wha. ²⁵ Ngei ka gogo ku vira re ka pende: mazi nge ka pendevira re ni mundu é ka loke vira re ate. ²⁶ Si nkenu mese sivi un, ka lele un, so nga ma nga sá né nha ne kia un turu ka sa né. Si nkenu sivi un, tata un ka gogo kuê. ²⁷ Ayé é alima Un sa ku dolô. Sô kua nga fa! Tata ê livla Un ni ola-é! Mazi êlê manda ma Mbi ra ola-é. ²⁸ Tata musa porê ny nome Ô. Sô whã vozu siê fô osé sô fa: Un musa porê rê za, sô nga tô musé. ²⁹ Ola ane nkênu ku ta nha, ndê kua-é ane fa ma yé sa whã tovara. Otô fa: whã anzu sô fa ane. ³⁰ Jizu kundji sô fa: Vozu xie na bi ra vonté U wha, mazi punda sê. ³¹ Ayé sa zugamentu mundu-é sô plinsipi mundu-é a ka kolê kuê. ³² Sô ola a ka lata Un fô tia, nga saia turu sê da An-mé. ³³ Ê fa kua-é fa dy tipu motxi ma Ê ka bi muê. ³⁴ Ane nkênu kundji-é: Nón ndê ny alê ma Klistu ka tá atê atê. Ma Bô ka fa: Ma a ka bi lat Ná ome! Nguei sa Ná Ome-é! ³⁵ Sô Jizu fa ane: Whélemé ta txó sô kandja ka bi ta katxi sê. Nda punda ayé sê tê kandja, pa kulu na siê katxi sê wha. Nkênu ku ka nda kosi kulu na ta nga ma ê sêka bé-wha. ³⁶ Ma sê saku kandja kêlê ny kandja, pa sê bila na kandja. Jizu fá ane kua-é sô siê sô kondê whê ane. ³⁷ Jizu pô ka ziyô sinali whê ane, ane nasi kêlê Né wha. ³⁸ Pa ê kumpli lumbá plofeta Izaia ku ka fa: Sun nguei kêlê ni plegason nón! Sô nguey by fa mon Sun! ³⁹ Punda lazon-é, ane na ka pô kêlê, punda Izaia turu fa. ⁴⁰ Whê ane sega, kosón ane dizu: pa ane na bê ku whê, né na ta ku koson, sô mura pa Un kula ane. ⁴¹ Izaia fa kua-é punda ê bê porê Rê tô fa Né. ⁴² Ku turu kua-é yô sefi kêlê ny Jizu, Mazi punda ane fasu Mése, ane na kusintxi kua-é wha, pa a na kolê ku ane fô sinagoga. ⁴³ Ane gôgô ku porê ku ka bi dy nkênu masi dô kê porê ki ka bi dy Dessu. ⁴⁴ Jizu nguita sô fa: nkênu ku kêlê ny an, na kêlê ny an sô wha, mazi ny Nkênu si ku manda Un. ⁴⁵ nguê ka bê Un ka bê Nkênu ku manda Un. ⁴⁶ Un bi mundu mora kandja, dy mora ma nkênu ku kêlê ny an na ka ta kulu wha. ⁴⁷ Si nkênu ka ndê lumba Un, mazi na ka lokê wha, na ka zié zugamentu wha, punda na bi jugá mundu wha, mazi Un bi livla mundu. ⁴⁸ Nkênu ku ka zeta Un ku na ka kundji lumbá Un wha, tê nkênu ku ka zuguê. Lumbá ma Un plega yé sô ka zugué ny útimu riá. ⁴⁹ Punda na fa ra Un mé wha: Ry otô mora, Tata ku manda Un sô fa Un kua ma nga ba fa. ⁵⁰ Un ta ma kua ma Ê ka manda Un sa vira atê atê, Sô kua ma nga fa sa kua ma Tata ka manda Un fa.