¹ Ver[e, veré, nga fa sê kuma nguê ki na letxa potó de aprisko, magi ka bi de ôtô mondja, ié sa ladró e ka futa. ² Isi ki ka letxa potó ié sa patoru de ovelha. ³ Pa êlê, putêru ka biri, ovelha ka ndê vóji rê, ê ka sama ovelha rê de nome, e ka bé ki ané lua. ⁴ Olá ma ê zé turu ovelha, ê ba wê ané, e ovelha lêlê, punda konsê voji rê. ⁵ Ané na ka lêlê nguê ma ané na konsê wa: magi punda kué, ka ba evité, punda ané na konsê voji de ôtô nguê wa. ⁶ Jizu fa ané vessu magi ané na ndê kua mê tia ka fa wa. ⁷ Antó, ê tô fa dingui: Veré, veré, nga fa sê: Ãn sa poto de ovelha. ⁸ Turu nguê ki bi sô Ãn sa ladró e ka futa, magi ovelha na ka ndê ané wa. ⁹ Ãn sa poto. Se nguê letxa Un, ka sa salvo, ka letxa, siê e ka bê pastegem. ¹⁰ Ladró na ka bi si ê na sa futa, mata e dana. Ãn bi pa sê tê vira e tê motxi. ¹¹ Ân sa pastoru Buaru. Pastoru buaru ka da vira rê da ovelha. ¹² Nguê ka zi kua da lelú e na patoru wa, ma ovelha na sa de rê-wa, ma ê ka bê lobo ka sa bi, ê ka dessa ané koleberê. E lobo ka arebata e wanga ané. ¹³ Ê ka kolêbêrê, punda ê sa nguê ki ka kua da lelú e ê na ka liga ovelha-wa. ¹⁴ Ân sa Pastoru Buaru e konsê ovelha Un, e ané té konsê Un. ¹⁵ Táta konsê Un, Ân konsê Táta, nga da vira Un da ovelha. ¹⁶ Ân tê ôtô ovelha ki na sa de aprisko-é wa. Ané-é, an toka bikuê també, e ané ka ndê voji Un, pê tê un-ua rebanho sô e un-ua pastoru sô. ¹⁷ Punda kuê, Táta ka gôgô ku Un: Ân nga da vira Un pa un to bê. ¹⁸ Né un-ua nguê na ka tué de Un-ua, magi Ân mé ka dé. Ân tê purê pa dé e pa tô tué dingui. Ân tua mandamentu-é de Táta. ¹⁹ Ê tô da patxi letu judeu punda ané fa-é. ²⁰ Yô ané tia ka fa: Ê tê demóno, e ê sa maloko. Punda kuai sê ka Ndê! ²¹ Ôtô fa: Ané kuê na sa de nguê ki Tê demóno wa. Demóno ka poi biri-wê de un-ua ségo! ²² Antó fessa de Dedikasso, ni Jerusalem. ²³ Ê tia inverno, e Jizu nda ni templo, ni Portiko de Salomô. ²⁴ Antó, un-ua judeu vitxa petu Rê e fé: Atê kuêria ma ô ka dessa nó ki ané kué! Si bô sa Klisto, fa nó veremé. ²⁵ Jizu kundji: Ân fa sê za, magi sê na kelewa. Kua ma Ân nga zi ni nome de Tata Unn ka dá zemplo de Un. ²⁶ Sê na ka kelê Un punda sê na sa ovelha Un wa. ²⁷ Ovelha Un ka ndê voji Un, Ãn konsê ané, e ané ka lêlê Un. ²⁸ Ãn nga dá ané vira atê atê, ane na ka tô moê-wa, e né un-ua nguê na ka tua ané món Un-wa. ²⁹ Tata Un, ki da Un, ê sa maxi ngai turu ané, e né un-ua nguê na ka pô tué ni morê -wa. ³⁰ Ãn ki Tata sa un-ua. ³¹ Sô, Judeu komessa ka tê buru dingui, pa dé kuê. ³² Jizu fa: Ãn mussa sê yô kua buaru de patxi de Tata. Di kuali rê sê ka da Un ki buru! ³³ Judeu kué kundjé: Na punda kua buaru, magi punda blasfêmia, punda Bô, sa omé, Bô ka Dessu. ³⁴ Jizu kundji ané: Ê na sissikaru ni alê sê: Ãn fa: Sê sa otô dessu! ³⁵ Se Ê sama de otô dessu nguê ma fala Dessu bi da e Sissikaru na pô sa zetaru. ³⁶ Sê ka di-nguê ma Dessu santifika e manda: Ê sa blasfema, punda Ãn fa: Ãn sa Ná Dessu! ³⁷ Si na ka zi kua de Tata Un wa, sê na ka kêlê Un-ua. ³⁸ Punda, si nga zé, pa sê na kêlê Un, kêlê kua, magi pa sê ta e kelê ma Tata sa ki Un e Ãn té ki Rê. ³⁹ Ané tô ngolo tê dingui, magi Ê skapa de mon ané. ⁴⁰ Jizu to ba maxi londji de Jurdõn, ba lugê ma Zon tia ka butiza né,e ê ta nha. ⁴¹ Yô nguê bi Lêlê, e fa: Zon, veré, ê na zi né un-ua sinali, magi turu kua mê tia ka fa de omé-é sa veré. ⁴² Yô nguê ingé kêlê Jizu.