¹ Sô, ê sa pa liberdade ma Kristu dji da non aié ta firme ê na tô bila lentxa ni lêtu pekaru wa. ² Pia an Paulu fa ô si ô circuncidar, Kristu na ka paga ô ua. ³ An tô fa ane owên siê ku ka circunciar, ê sa obligadu kundji turu alê. ⁴ Sê sa bagaru ku kristu, sê ku kungi alêza, sê na ka papa glasa ua. ⁵ Sô, punda Suplitu, ku afé, non na tê sô na bê ka wada julgamentu ê. ⁶ Ni Kristu Jizu nê poraru nê sê porána sa ua kua wa magi afé ma nô ka ta ba kuê ku amolê. ⁷ Sê ta ka kolê buaru fogawa nguê ta zuntu sê ndê veré? ⁸ Kué na ka bi de nkenu si ku sama sê wua. ⁹ Txô fomentu é sô kagi turu masa kula. ¹⁰ Nga kunfia ni Sun masê na ka tobé ôtô kua wua. ¹¹ Na man, sê nga fá ni pora da kuai ma sê a ka twa kanta mun? ¹² Punda kué vengonha kusu fô txindu. Mazé da turu ane ku sê ka fa sê pa sê pora nta mesê pa ane ka pora! ¹³ Punda sê na non fô samado pa sê sa libre, sô sê na ka twa liberdade pê katxi pekaru wua, da kwaê ôtô ka xivi ôtô ku amolê. ¹⁴ Non ka kundji turu alê Desu punda ê sô kua ma Desu fa: "gogo ku turu nguê ka sa boro ô mora bô mê au". ¹⁵ Si bê komesa ka murê ô ka taia ôtô ka biri uê pa sê na nguri ôtô wa. ¹⁶ Kua nga fa sê, ta ni Supitu na zi mora pekarô wa. ¹⁷ Sô vonté pekarô mora da Supitu, punda Supitu na sa vonté pekaru wa, punda ane ka zê demanda ku ôtô. Bô da pa sê na zi kua ma bê mesê wa. ¹⁸ Punda si Supitu ka nda ku bê, sê na sa kosi alê wa.