¹ Si ate un ua ome ka zi male, se ku te bom koço ka lumba kue sosegaru, tua kuidado ku se me, pa bo turo na bi zi kue me wa. ² Kega kega oto, so axe bo sa cumpli ale de Cristo. ³ So se nkenu ka kunda me esa kua foga ne un ua kua na sa wa, e se ka ngana ele me. ⁴ Kada nkenu ka zongo vira de, anton bo se ka gi luxo, se ma ka konta oto. ⁵ So kada nkenu ka bi kega kega re. ⁶ Kua kuale nkenu ma o ka xina lumba sela bo sa konta re de turu kua buaru da nkenu ma o se ka xina. ⁷ Na ngana o ngue ce wa, a na ka zomba Deçu wa. Turu kua se ma ome ka kuna so e ka koie. ⁸ So nkenu si ki ka kuna da pecaro re kue me e ka koie, magi nkenu isi ku ka kuna da Suplito ka kuie vira longo da Suplito. ⁹ No na toka kansa de zi kua buaru wa, so ni tempo setu no ka kaga kue, si no na pala ku me mawa. ¹⁰ Axie ola no ka poi, no ka gi kua buaru da turu nkenu, mazi da ane na mono de afe. ¹¹ Se ka pia mora ma un se ka sisika ku letra ngairu ki popi mo un. ¹² Nkenu si ngolo manha ni cani ka manda se pora un ua mora ma na ka bi tua konta re punda kusu Kristo. ¹³ So ne ane ngue ku ka para kua kumpli ale wa, magi ane ka mese pa se pora pa a te lazo ni pe uie ni cani se. ¹⁴ Me e na ka da pa pe uie, pe na sa de kusu de Sun Jizu Kristo, de mora ma mundu sa ku Sun da mu da mu e amu da mundu. ¹⁵ Punda ne poraru ne se pora, sa un ua kua, magi e sa oto ngue. ¹⁶ E turu ngue ki ka vive ki mora kue, ki pagi e mixikoji ka sa ki ane, e ki Israel de Deçu. ¹⁷ Aie ba uie, ne un ua nkenu na ka to vugo ki un wa, punda nga kega meka de Jizu ni onge un. ¹⁸ Ki glaça de Jizu Kristo ka sa ki suplito se, mano. Amem