¹ Nga fa ma nguê ka leda sa anzu, ê pô sa dono de turu kua ê sa servo. ² Magi ê tê nguê diba rê atê tempo xi ma tata rê ka bi. ³ Axié sa non, ala ma non ta na pikina, non ta manharu basu mon nguê xi ta ka leda tia. ⁴ Magi ola mê ndu ria cetu, Desu manda na rê ku nancê ri mengai, ni basu alê, ⁵ pê txia turu nguê ku ta koxi alê, pa non pô tua nome mora na. ⁶ Punda sê sa na, Desu manda supitu de na rê pê côsô non, ki nguita" Aba Tata". ⁷ Punda bô na tô sa escravo wa, magi wã na. Xi bô sa na , aié bô ka lêda punda Desu. ⁸ Ala bô na ta konsê Desu wa, bô ta ka xivi ôtô kua ku na sa Desu wa. ⁹ Magi aié, bô consê Desu, magi dô kê ixi é Desu consê ô, da kuaí sê bila flaku, demaru ku kua de mundu, sê tô mêsê sa eskravi dingui? ^{10 11} Sê sê ka lokê ria, mêji, tempo ku anu. Aun nga mendu sê, pê na bi da kua ma un sê ka taba da sê sô wa. ¹² Nga loga sê, áne lumó un, pa sê sa môra aun, an un té ka sa mora sê. Newã male sê na dji wa. ¹³ Sê ta man ta duêtxi ala xi ma bé ba fa sê evangelho pimelu vê. ¹⁴ Sê na dji un vegonha wa, sê tua un mora wã mensageru Dêsu, mora Jesus Cristu. ¹⁵ Alegria sê ô? Punda un sê ka da sê testemunhu xi nga tê moru nga tukua sê wê tua kua un. ¹⁶ Un sa numigu sê punda un fa sê vére? ¹⁷ Áne ta ka ngolo sê, na sa da kua buaru wa; Áne mêsê baga sê ku aun, pa sê lêlê áne. ¹⁸ Maji ê sa buaru pa sê vugu ku kua buaru, maji ê na sa óla ma un sa katxi sê wa. ¹⁹ Áne na un, aun sa lêndê ku dôlô pari da sê dingui, antê cristu ka nansê lêtu sê. ²⁰ Vonté un sa pa un sa zuntu sê, pa un mura mora un de fa, nga gôgô ku sê. ²¹ Kundji un sê, ku mêsê sa koxi alê:Sê na ndê kua alê ka fa wa? ²² Punda ê sa escreveru ma Abron ta tê dosu na: Wã de mengai escrava, ôtô de mengai ku na sa scrava wa. ²³ Ixi de escrava nansê vonté cani maji ixi ku na sa escrava wa sa de promesa. ²⁴ Ane kué sa lumbaru mora simbulu punda áne dosu mengai é sa sa mora dosu aliansa. Wã re sa de monte sinai, ku ka pari ane na rê escravu, ku sa Agar. ²⁵ Pia, Agar xié sa monti sinai, ni Arábia, ku sa Jeruzalem de aié, punda ê sa escravizada ku ane na rê. ²⁶ Maji Jeruzalem ku sa londé sa live; Ieié sa mama non. ²⁷ Punda ê sa escreveru: Gôgô bô ku na ka pari wa; Ngita, lata de gozo bô ku na xintxi dôlô pari wa; punda na de mengai ku a zeta sa maxi motxi dô kê ixi ku tê home. ²⁸ Aié sê manu mora Izaque, sê sa na promessa. ²⁹ Sô, axi mora tempo ixi ku nansê vonté cani ka kôlê mema ixi ku nansê vonté supitu, aié sa mora é mé ³⁰ Kua ma lumba D|esu ka fa? Kolê ku escrava ku na rê, punda na escrava na ka léda ku na live wa. ³¹ Sô, namoun, non na sa na escrava wa, maji na live.